2005年9月8日星期四

9-8(thurs) 畢生也願記起…香港迪士尼 (上)

好喇…講番上個禮拜日“飲頭啖湯”遊迪士尼o既經歷! 係就係逼d, 又有d亂…但絕對未至於報章頭條講o既“慘過輪米”! 3萬人的確係多o左d, 個樂園亦真係細o左d…同海洋公園o既兒童王國都唔係差好遠! 聽聞個樂園係未開晒o既…不過開埋都唔會太大! 當日我o地因為採取高度悠閒策略…玩到就玩, 玩唔到就罷…亦都好彩大家對d所謂機動遊戲都唔係好keen…所以有好多時間可以周圍遊覽o下, 影o下相, 買o下紀念品…連個樂園都圍住行o左三四次, 可見面積係幾咁大!

其實我諗d人咁失望, 係因為佢o地太大期望…我對佢就無咩期望, 所以都唔係太失望! 逼都唔係最大o既問題…落雨先係最掃興o既事! 熱都無慘呀, 落雨要擔住把遮, 去邊度都唔方便…好彩落o左幾個鐘都停o左!

遊戲幾乎係無玩過, 只係玩o左個巴斯光年, 其他連fast pass都?唔到…不過又無咩所謂…最驚就係要排隊o者! 大熱天時逼o係條隊度幾個鐘…分分鐘焗暈! 個個遊戲都話預計要排180分鐘…我真係啋你都傻! 個space mountain仲要無啦啦close o左, 但d員工又唔肯認機件故障, 懶係話要作例行檢查…你呃細路咩?!

食o野又反而ok喎, 有好多間餐廳選擇, 亦都唔係話多人到搵十年都搵唔到位…食物質素亦都算ok, o係迪士尼?面唔可以要求太高…佢無乘機斬你一頸血都算俾面! 價錢都係大約30-40蚊, 算非常抵…但好似話正式開幕之後會加番!

最高興都係去選購手信, 原來買o野俾人, 自己都會好開心…再一次印證:“施比受更為有福”! 有米老鼠兩公婆嘜頭o既手信…確係kawaii呢!

Image hosted by Photobucket.com
(我的全體souvenir一覽…有幸收到我手信o既朋友…請好好保存…好珍貴o架!)

有一樣值得推介o既就係個煙花…都算幾靚o既…可能因為有個城堡o係後面襯托o既關係! 平時新年d煙花我一d興趣都無…今次呢個配合城堡+燈光效果+迪士尼音樂o既煙花匯演…的確吸引過新年煙花或者“幻彩詠香江”好多!