2005年11月18日星期五

11-18(fri) 第31集

尋晚終於做o左“刑偵2”第31集(連片頭都轉o左d)…即係我o地最最最深刻o個集 (當然…後尾發現原來得我一個人深刻o者!)…之前已經send定sms叫美人一定要留意…到播主題曲o個一刻, 即刻再send個sms俾美人提佢開電視!

雖然我個“私家影院”其實未追到呢一集 (但都好快喇…我上個weekend一連睇o左十幾集, 依家差不多追到carmen“發癲”o個個故事喇!), 但因為呢集太經典, 所以要同其他朋友一齊睇o左先…果然係有去機場, 上山頂, 搭“車立”遇“色狼”跟住jessie媽叫佢去食糖水, “dai”勇第十個初戀情人ivy出現, 康怡廣場嘉禾餐廳, 同埋gigi跑馬地被車撞死等場景…真係好似曾相識! 十年後“別來無恙”!

猶記得當年美人朗讀o既劇本, 一字一句都出現番o係套劇度 (雖然我都唔係十分記得…但美人居然sms我話佢真係無咩印象…同車匙好呼應囉, 大家都“真係咩都唔記得”!!! 我好失望!)…同埋我終於明白點解佢會有呢集o既劇本, 原來有佢呀姨o係度…點解當年我力追時都無為意o既?!

好緊張呀, 仲有一日就台慶喇! o係呢個咁大o既日子之前, 好彩最終都俾我買到本tvb週刊!