6-24(sat) cream

呢幾日最大單o既娛樂新聞當然係我“偶像”Cream登上便利封面o個輯性感濕身照…之所以話係我“偶像”, 因為有一期我唱k成日都會唱佢o地d歌…所以俾我d朋友仔恥笑cream係我偶像囉…! 其實我只係覺得佢o地d歌幾好聽 (objectively, 真係幾好聽喎!)…尤其初出道o個幾隻, 好兒歌feel…我最鍾意聽兒歌o架嘛! 作為一個電視精+音樂精, 要聽多d唔同類型o既歌…只要好聽咪得囉! 佢o地隻“不可沒友”,“昨日明天”我都覺得幾好聽…係呀, 我係好熟佢o地d歌, 去k都成日唱添…我認o架!


2005年8月28日我曾經寫過:“我呢期真係覺得cream d歌好好聽, 去k仲成日唱佢o地d歌…不停咁俾d朋友笑, 話:“o下?! 佢o地細過你咁多?”…大佬, 依家d歌星有幾多個係大過我o架?!”

但我只係覺得佢o地d歌ok, 完全唔明點解有d人會去跟呢d小朋友, 仲做埋佢o地fans…我之前真係睇過d網站, 直頭有fans會全程直擊佢o地每個show, 仲拍晒片段擺上網…好驚! 追星去追d小朋友…好奇怪o下! 同埋佢o地d妝愈代愈濃…其實我好怕細路仔化妝, even大人化濃妝都好怕…最好係唔好化啦唔該!



三個之中最最最醜樣, 有d似醜版梅小惠o既carpo小妹妹, 唱歌就最好聽, d歌仲有好多隻佢自己作添…正如cookies o既kary一樣, 點解咁o既樣都有人搵佢加入cookies, 一定有d過人之處…不過呢位carpo小妹妹個look又真係驚嚇o左d o既!

個renee就好明顯係最靚最sharp o個個 (的確係有d似張柏芝), 仲成日懶靚咁 (雖然佢懶得起)…不嬲d報導都係話佢無心向學, o係學校恃靚行兇, 佢個style都係姣o個批! 如果要我揀, 我寧願揀普普通通o個個hilda, 起碼都似番個細佬女!



今期便利o個輯封面相, 的確係幾震撼…o個日一經過報攤睇到本咁o既o野都望多o左兩眼…呢輯相如果換轉係一個大人拍, 其實一d都唔算性感; 但作為一個小朋友, 又真係有點兒…同埋最大問題其實係d文字囉…便利真係單單都搞到咁cheap!

便利係cheap o架喇, 但係李蘊“小妹妹”同佢位星媽都唔抵可憐! 其實14歲都唔係細啦 (人o地isabella 13歲入行, 都好成熟喇), 仲要入o左娛樂圈咁多年, 唔係依家先o黎扮年幼無知呀? 今次出o黎扮無辜搏同情都要代晒妝set行頭咁…如果真係咁“受害者”, 相信都唔會有心情去扮靚?!

呢d小朋友咁細個走去發明星夢, 都係想出名o者…做歌星不特止仲要單拖拍無線劇, 咁細個書又唔讀多d, 仲要走去拍性感照搏出位…依家人人唔只識cream, 仲識佢叫李蘊…正中下懷啦!



佢阿媽仲唔掂…真係有其母必有其女! 擺明係d typical星媽啦…唔係點會個女咁細個就推佢出o黎做歌星?! 呢件事佢擺明就係同意, 至少都半推半就…正所謂“牛唔飲水唔gum得牛頭低”…你見d衫唔對路唔肯拍, 唔通佢搵支鎗指住你拍咩?! 依家全民唾?你就聲淚俱下搏同情…屎唔屎橋d呀? 又話本來以為拍什麼陽光健康照, 點知出o黎個效果完全唔係咁, 又話要告人又呢樣o個樣…我唔係話幫便利, 只係覺得佢o地都唔抵幫!

呢d阿媽都唔知點做人阿媽?! 都唔知咩心態?! 仲要扮晒無辜…唔好玩啦! 又話個女考緊試, 仲安排佢去影相, 擺明係為o左谷紅佢在所不計…同埋睇見呢位星媽張相, 個樣好可怕囉! 真係相由心生!



“濕身Cream女　揭壹傳媒醜行

《壹本便利》誘使少女組合Cream的十四歲成員李蘊拍攝性感照片並以封面大篇幅刊登，事件惹起社會極大回響。事件的主角李蘊打破連日來的沉默，昨日在母親陪同下接受本報專訪，李母炮轟《壹本便利》在拍攝過程中不斷撒謊，前言不對後語，母女兩人恍如「被騙入局」，直至照片見刊當日，母女才恍然大悟及知道受騙。李母指對方當日將原先安排的青春服，換上三件像「布仔」的比堅尼；又不斷在李蘊頭髮及身上的「布仔」噴水；甚至加上厚胸墊營造玲瓏浮凸的效果。李蘊坦言：「完全覺得畀人呃，畀人出賣！」

連日來大受打擊的李母昨表示，《壹週刊》記者於本月十六日聯絡她，指他們想專訪李蘊。由於Cream曾經接受該雜誌訪問，故李母便答應受訪。翌日，李母陪同女兒，以及Cream經理人公司代表應邀到壹傳媒大廈，八名在場記者仍一直訛稱是為《壹週刊》訪問李蘊。在拍攝過程中，記者向李蘊母親展示兩件青春服，李母認為並無不妥，答應讓李蘊穿上。其後，一行人前往大埔拍攝外景。

青春服變布仔性感衫
然而，李蘊抵達拍攝現場後，除了其中一件是原先約定的青春服外，對方卻拿出另外三件「性感到好離譜」的布仔要李蘊穿上。李母當時已質問記者：「件衫成塊布仔咁，點著呀？」但對方卻不斷游說她：「試下啦，睇個效果好唔好先啦！」又多次強調：「信我啦，你覺得唔好我唔會登！」

李母多番表達不滿後，記者才給李蘊外套。豈料，在拍攝過程中，記者指外套像睡衣，要求她脫下。最過分的是，當時李蘊已站在溪水中只是被要求站在水中拍攝，然而有記者不斷利用噴壺在她頭髮上及衣服上噴水，營造「濕身」效果，並聲稱效果會更好。李母已要求雜誌記者不要刊登該批照片，記者也誓言無問題，但事後卻竟以全版形式刊登有關照片。

指訪問內容全屬虛構
豈料，有關報道見刊後，她們始知李蘊「糊?糊塗」成為了《壹本便利》封面。而且，照片刻意挑選李蘊不笑的照片，又利用電腦效果將照片背景改掉，刻意變成性感照片的效果。至於訪問內容，更加令李蘊、李母及經理人三人大為「震驚」，當中針對藝人張柏芝的言論、指李蘊是校內「風頭躉」及她與記者的一問一答均屬虛構。

李蘊不諱言：「本《壹本便利》根本係作o野！我覺得自己被人屈，被人呃，完全覺得被人出賣。」她已透過經理人公司向《壹本便利》發律師信，要求對方登報澄清及道歉，還她們一個清白！」李母嘆謂：「我一個仙都無收過，又唔係為演唱會博宣傳，但估唔到佢o地會咁樣對個細路女！我o地以後唔會接受《壹本便利》訪問，連壹傳媒都唔會，驚畀佢再呃！」”