2010年11月12日星期五

11-12(fri) 藍男戀

嘩...呢兩日最”爆"o既娛聞當然係王祖藍同李亞男o既”藍男戀”啦! 但我又唔覺得咁驚訝咋喎...因為一向"金童玉女"只會出現o係童話故事, 口才好一向都比靚仔更lum到女o架啦! 同埋o係一般人眼裡條件差一截 (雖然其實我覺得祖藍幾得o架) 都選擇一齊o既, 反而應該係真愛!!! 太登對嗰d又反而好快玩完…通常愈可以排除世俗眼光嗰d又反而愈work…所以我覺得佢o地呢對得!



同埋祖藍真係有d料到...尋日睇"東張西望"話呢首"矮仔多情"主題曲係佢寫俾李亞男o既主題曲...係幾得喎! lum女的確大一手...:p

“矮仔多情”主題曲”跌落凡間的天使”…



之前仲去咗睇舞台劇”GREASE”...居然只得7成滿…其實都ok好睇o既…事關我鍾意睇歌舞片, 同埋d歌的確係耳熟能詳…”summer night”呀, “hopelessly devoted to you”咁呀…幾乎個個tvb大細show都會唱吓, 尤其係當年的“翡翠歌星賀台慶”!