11-12(fri) 藍男戀
嘩...呢兩日最”爆"o既娛聞當然係王祖藍同李亞男o既”藍男戀”啦! 但我又唔覺得咁驚訝咋喎...因為一向"金童玉女"只會出現o係童話故事, 口才好一向都比靚仔更lum到女o架啦! 同埋o係一般人眼裡條件差一截 (雖然其實我覺得祖藍幾得o架) 都選擇一齊o既, 反而應該係真愛!!! 太登對嗰d又反而好快玩完…通常愈可以排除世俗眼光嗰d又反而愈work…所以我覺得佢o地呢對得!
同埋祖藍真係有d料到...尋日睇"東張西望"話呢首"矮仔多情"主題曲係佢寫俾李亞男o既主題曲...係幾得喎! lum女的確大一手...:p
“矮仔多情”主題曲”跌落凡間的天使”…
之前仲去咗睇舞台劇”GREASE”...居然只得7成滿…其實都ok好睇o既…事關我鍾意睇歌舞片, 同埋d歌的確係耳熟能詳…”summer night”呀, “hopelessly devoted to you”咁呀…幾乎個個tvb大細show都會唱吓, 尤其係當年的“翡翠歌星賀台慶”!
posted by 芒姐 at 11:08 下午
11 Comments:
爆架！驚訝架！事關佢一直話女友係圈外人，點估到原來係圈內人之餘仲要靚女兼高妹！真係估佢唔到囉！保密功夫都幾勁！當然，驚訝之餘都祝福佢哋嘅...佢哋鍾意就得啦，我哋外人有乜所謂~
我諗戀情公開之後，李亞男唔使再做d乞人憎唔討好嘅角色了啩？
Honestly,有D似谷福X壽演唱會囉!
其實李亞男個樣唔係太靚, 係得個高字, 在出名靚女的華姐之中較失色。
有D似谷福X壽演唱會 <- 唔出奇呀!
芒姐,
您好！我是U Magazine Book C專題組記者馮冠芝，敝刊專題主要負責報道與本港港社會、文化有關的生態和現象。篇幅約8-12版。
近日政府宣傳將增設三個免費電視牌照，香港電視業多年局面將被打破，故我們想做一個對未來本港大眾廣播新形態的專題，專題其中一部分，會探討觀眾對選擇節目的喜好。得悉您一直對本港電視劇有深入和獨到的見解，故望能跟您做訪問，不知您在下周五前那天較為有空呢？訪問時間約一小時，靜候您的回覆，萬分感激。
U Magazine專題組記者
馮冠芝
tele: 93093402
相信你都會講下台慶,想發表一下,最like係d甘草唱歌跳舞既環節,連秦煌都好落力,同埋最尾娥姐唱歌真係一讚
匿名,
係呀! 依家每年台慶最好睇o個part都係甘草環節囉...個個都好落力! 艾威跳得幾好, 秦煌好cute呢...
匿名,
李亞男o係華姐之中又真係唔算特別靚, 但點都算係一靚女o既 (雖然我有時覺得佢有d似男人)...:p
Clement,
"有D似谷福X壽演唱會囉!"-->我都覺得唔出奇, 不過段情都應該係真o既...但揀呢個時候拖手出街 (亦應預咗有人影)又係另人覺得...不過互惠互利都無壞呀!
++,
哈哈...呢次事件後, 李亞男知名度又的確提高咗好多...但佢做o既角色都係局限o架啦...太高頭大馬, 廣東話又無法拉進步得咁快, 演技又只係一般...
王祖藍在微博自爆戀情，「我們的戀情曝光了，希望你們也祝福我和她——不是李亞爸、不是李亞媽，是李亞男！」:o)
李亞男真的不太靚。最近做攪笑都不太自然。很造作。反而期待苟姑娘和香香公主既演出。
發佈留言
<< Home