10-23(sat) 讀心神探
終於有d時間睇番已經播到一半o既“讀心神探”…睇咗頭幾集…又幾好睇喎! d人話佢係抄外國戲, 我完全相信有其事, 不過抄都有抄得好睇同唔好睇之分…咁呢套我就咁睇都覺得幾ok! (雖然我身邊d人意見好唔一致, 有一jar覺得好好睇, 有一jar又鬧爆…不過是但啦, 好唔好睇呢d嘢一向好主觀…我就覺得ok)! 頭幾集講咩“記憶宮殿”, 仲有d心理學研究o既小動作+反應…都幾得意呀! 有幾真我就唔知, 但佢成日講o個句“見微知著”, 我一向都覺得好o岩! 每個單元d故事亦都幾ok呀, d演員都做得唔錯! 尤其呢期幾鍾意阿田…
其實當年佢o係亞視我已經ok buy佢…94年佢唱亞視世界盃主題曲咩“熱燙的宇宙”已經覺得呢個“o靚妹”(其實係姐姐啦)幾過癮! 之後最buy佢其實係99年“縱橫四海”做明智傑個老婆…呢套佢做得幾好, 同埋靚咗好多…仲好似有唱插曲添?!
跟住去到無綫, 戲路又好似變咗d…我諗佢真人應該係幾大顛大肺, 轉數快, 寸寸貢o個d (呢樣o係超級巨聲已經睇到啦!)…亦係我最buy的元素…但佢o係d戲度做溫婉嫻淑又做得好神似喎…舊年“宮心計”我o地已經讚過啦…仲有“蔡諤與小鳯仙”都好似係呢d俾人hup到好慘的角色, 但又出奇地神似喎…真係掂! 仲有佢做“超級巨聲2”主持又真係ok稱職喎, 口才同急才都得…仲要反應快!
佢o係“超級巨聲2畢業演唱會”終於有得唱番自己當年參加比賽首參賽歌“一首獨唱的歌”…雖然我覺得佢以前唱得好d, 但依家無唱咁耐都算係咁o既…至少好過黑暗小公主好多! 同埋點解會有咁多人唔知佢係唱歌出身o架? 亞視”未來偶像爭霸戰冠軍”嘛…搞到佢太肉緊要show俾大家知佢唱得, 令到有d位走走o地…否則真係幾唔錯吓…
(超級巨聲2畢業演唱會…田蕊妮+吳筠怡+梁皓婷 - 一首獨唱的歌)
Oh, 講開大塊田, 忍唔住要click埋去睇番”縱橫四海”主題曲”烽火情天”mv…
又…講開“超級巨聲2”…呢期因為幾buy胡鴻鈞, 走去睇番佢比賽d片段…佢唱呢首”西關大少”主題曲真係幾得喎…我記得當日都有睇呢集, 都記得有個參賽者唱完呢首歌我都覺得幾好聽, 但無留意到原來係佢…係到依家睇番先知! 某程度上我覺得唱得好過chilam添 (chilam fans唔好打我...我都好鍾意chilam…但對於呢首歌我真係咁覺得嘛, 可能我buy佢以呢個腔口去演繹呢首歌啦...:p)...搞到我翻聽咗不下數十次!
(胡鴻鈞 - 相愛無夢)
仲有慧敏哥o既“歲月的童話”, 雖然佢o既唱功有待改進, 但演繹呢首歌個mood又真係值得一讚, 好聽過羅嘉良版好多, 真係唱出o個個感覺…令我忽然覺得首歌好好聽…當年睇“流金歲月”都無覺得咁好聽!
(陳慧敏 - 歲月的童話)
posted by 芒姐 at 11:34 下午
14 Comments:
我記得呀田係"未偶"! 佢當年好似得17歲?
其實好多時D電視主題曲好聽係因為個劇,ESP由個主角自己唱仲有FEEL.
所以可能呢兩個巨聲唱得好D,但我都係覺得原唱啱聽D.
忽然諗,如果林公子唱吓呢D佢有份演但主題曲唔係佢唱嘅歌,應該會幾得意.聽過佢同克勤合唱"歲月風雲".幾正.
溫哥華匿名人
我呢幾年都好buy阿田! 連微博都有關注佢!
但就唔知原來佢都有唱歌的...
如果計抄劇 我覺得"讀心"抄得好睇過"談情"...
講開"讀心", 呢個禮拜做到駱應鈞同謝雪心條線, 我見駱應鈞10個鏡頭中起碼有8個鏡頭都會摸謝雪心, 真係摸完又摸, 不停咁摸架喎, 都唔知係咪有心抽水! 唔怪得林綺淇0係壹號皇庭同佢拍完kiss戲後話覺得好唔舒服, 要不停刷牙漱口啦!
哈哈，我都覺駱應鈞成日摸謝雪心！
Hazel
但d微表情太明顯, 除jo姚sir 外其他人好像mud dou ng 識, + d 證人脾人踢穿 jo 即時講真話
芒姐，我個F同田蕊妮係中學同班同學嚟咖。佢做戲無論忠奸都做得好舒服，唱歌都唔錯。我哋呢啲超級電視迷，唔會唔記得佢喺亞視嘅功勞簿囉。其實亞視講真都培養咗唔少人才。E期兩線劇集嘅田蕊妮同江美儀都係表表者。我覺得亞視藝員經歷磨礪先可以咁襟“擠”，所以做戲都好有實力。相反無線好多哥仔姐仔無啦啦就被捧，自己都未知咩事就上位，睇佢哋做戲總係不免擔心佢哋過火或者未夠。
不過讀心神探吖港姐好似好有進步，佢做嗰個女仔好Q，幾舒服。仲有黎諾懿做搞笑角色原來睇得下喎。
田蕊妮唔係15歲就歌唱比賽冠軍而入行咩?我好記得當年我突然間開始轉睇亞視,第一齣劇"穆桂英",就係田蕊妮第一次拍電視劇(我好後期先知),仲女扮男做"楊文廣",都做得幾好ga,之後那段時候都仲有好多亞視自拍劇,仲要水準唔錯gei,例如最經典的我和彊屍有個約會,那段時候我剩係睇亞視添!不少都是由她唱主題曲ga,D歌仲好好聽ga,好似"美麗傳說"、"騷東坡"咁,我仲好記得"騷東坡"兩首主題曲,插曲竟然係我好鍾意、唱"絕"的傅珮嘉填詞添,勁估唔到!可惜亞視之後出過gei電視劇主題曲CD都冇一首係田蕊妮的作品 >_< 現在大家欣賞到田蕊妮,江美儀,謝雪心的好戲都以為係TVB訓練出來咁,唉,都幾替ATV不值,真係懷念那段時候亞視gei好,可一不可再...
larp咗一眼咁多“讀心”個介紹，都真系覺得好似Mentalist喔。查實tbb次次抄人有無俾番少少版權費比原創嘅呢？
阿田當時應該大概15歲倒啦...佢o係亞視時做戲都幾有潛質, 我尤其欣賞佢做d寸寸哋的角色, 可能似番佢自己...hoho!
但阿田有做"殭屍"咩?
我都覺得"讀心"抄得好睇過"談情"...其實"談情"劇情ok悶...不過"讀心"我都係睇到頭6集啫...
讀心copies both "The Mentalist" and "Lie to Me" (copies more from "Lie to Me" actually).
I don't suppose TBB pays copyright to the producer of these US TV series?
我係指我和彊屍有個約會o個段時期亞視D劇
好怕阿陳慧敏個腔口，成日想扮王菲，但又扮唔湯唔水咁，厭悶程度達致9.9級！佢俾人foul時我不知幾咁高興！
longley
longley,
論歌藝我都覺得慧敏哥一早要foul, 不過佢唱"歲月的童話"的確唱到o個種感覺出嚟!
發佈留言
<< Home