8-10(tues) 女人最痛
o係追”法網群英”o既同時, 又睇咗少少同一時段無綫o既“女人最痛”...喂, 唔差喎! 有d位又真係幾“腰”中女人o既痛…好中point…同埋d演員個個都做得幾好! 我好多朋友 (當然主要係女性啦!) 都反而係睇無綫無睇亞視…我就真係唔知點揀喇…咁唯有兩邊睇晒啦! 米雪, 張可頤, 阿滕個個都做得幾好…仲有angela auntie江美儀…o係亞視o既時候我已經ok佢…不過話實, 佢又真係亞視味好濃~!
至於”法網群英”…上一次已經讚完...真係近期少有o既高質素劇集…個個演員都演得好好, 恰如其分…亦更令人懷緬當年“壹號皇庭"嘅電視黃金時代! 呢套d配角都好掂呀…吳廷燁啦…仲有even呂晶晶都算做得唔差喎…只係鄉音未改你又安排佢做律師仲要唸咁多水蛇春對白所以先俾人彈啫…但以佢o既經驗o黎講, 我覺得佢算做得唔差…我初時以為佢只係花瓶o黎!
講開配角…前兩個禮拜咁o岩得咁橋 (真係咁o岩得咁橋睇到o個集) 睇到一集“天天天晴”…講李司棋個秘書原來一直暗戀毛舜筠個老公鄭子誠, 不過礙於佢有婦之夫o既身份, 只係默默守候o係佢身邊…呢段又ok好睇喎, 仲有個女仔做得幾好…但我一路都只係認得佢個樣, 從來都唔知佢叫咩名…咁即刻search吓啦…原來叫“張雪芹”…好似仲有做吓主持添! 原來依家黃昏6點重播o個套“青出於藍”, 佢有份同cookies呀, 周永恆同埋佢老婆趙頌茹呀咁, 一齊做其中一個學生…嘩…話咁快佢已經“升呢”要做情婦! 佢演技又唔錯喎, o個幾集仲擔幾多戲添…“天天天晴”一路都吸引唔到我…但佢呢段幾好睇! 即係好似上一套“畢打自己人”, 又係睇睇吓忽然發現原來o靚妹李綺雯同gary o個段幾好睇咁囉!
嘩…呢個“尖”字紅到上潮語卡…真係…太“尖”喇…wahahahaha…:p
古生繼“輪胎能”之後, 近期又有佳作喇…我諗我d普通話實在太差...我一句都聽唔明! 其實阿mr. cool應該去做"撐廣州話(電視節目教曉我我o地講緊o既係"廣州話"而唔係"廣東話")"代言人啦...實在太有說服力~~~:p
仲有…近期睇到阿欣宜真係瘦咗好多好多…好犀利, 好有恆心, 我讚賞佢!!!
posted by 芒姐 at 11:34 下午
11 Comments:
芒姐,
我剛剛响HK番溫哥華.到而家先有時間留言比你.
我有去睇林公子演唱會!哈!我去咗29個場.買$480都要坐山腳/腰.下次不如我託芒姐你幫我搵D正位啦=)
我想講,佢真係飛唔到TBB.佢D電視主題曲始終最HIT.個晚佢唱咗成7,8隻電視歌.好有秋官演唱會FEEL.
溫哥華匿名人
仲有,佢突然唱"I love you...你會否聽見嗎",仲要學埋第MIC比觀眾大唱.
我O咗咀.十幾年前,同一地方,我為同一隻歌,同一動作尖叫,BUT台上係另一個人!
溫哥華匿名人
尖字卡笑死我！！好抵死！古天樂d普通話又係笑死！！
欣宜真係好大進步，我都佩服佢嘅決心和毅力，其實佢係有表演天分，不過觀眾緣以前就差d...扮徐子珊好鬼神似，勁！
林峯林峯！哈哈，sorry，只不過係見到佢個名，忍唔住想嗌一嗌。你哋有冇睇摘星之旅呢？不過呢一類戲應該唔啱大眾口味。
江美儀真係好似sammi!
法網群英真係好好睇,好似CSI,好似壹號皇庭,林雪幾搞笑,D劇情又有笑位,有佢地庭中的搞笑,勁似足壹號皇庭,雖然我只看過壹號皇庭5,精神病人作證o個幕真係好好笑!
仲要見到沈穎婷同佢阿媽李影同法庭,差D唔認得李影,仲要有返以前TVB個"鞋抽面"gei男演員做律師,細個成日睇TVB都有佢,但永遠唔知叫乜名;同埋上次講過一睇已經覺得個個都識,睇埋ending d casting,真係得1,2個係唔識!
笑哈哈,
我諗李影可能都係因為要幫佢個女所以先接呢套劇...:)
匿名,
re: 江美儀真係好似sammi
嘩...我都有同感喎!!!
++,
摘星我真係唔得囉...嘗試咗少少, 但頂唔順...完全唔係香港人口味!
匿名,
其實我都唔係坐好前...不過人o地幫我攞埋飛唔通仲嫌三嫌四咩...所以我已經好感激!
係啦, d電視劇主題曲係hit過碟內其他歌曲好多囉!
芒姐..想問下"尖"字出自邊度嫁?
講起摘星令我諗返起歲月風雲囖..but今次俾之前差得很囖
"尖"字出自許志安近期一個不停"尖尖尖"廣告...之前post過, 你可以睇吓...:p
發佈留言
<< Home