8-4(wed) “come 2 me瑞士依波路表浪漫呈獻林峯演唱會~~~”
嘩…好鬼忙! 仲要呢期咁多大新聞…令人更加忙上加忙! 好多朋友問我有無睇到林峯第二次個唱…答案當然係有啦…不過過咗一個禮拜都未有時間寫!
都係o個句…睇呢篇前, 希望大家去重溫吓舊年“峯．情無限演唱會~~~let’s get wet~~~”先…尤其係第一段…就係煩請大家千萬唔需要轉貼去任何fans網站喇…免得任何不必要的“罵戰”…感激!
出發前, 我“回味”咗幾個月前的“我和林峯有個約會”…:p”...wahahaha! 尤其呢幅相...加上我o既“畫功”...勁鍾意囉...hohoho!
好喇…講番個演唱會…舊年兩場, 今年開四場, 仲要full house…都咪話唔勁! 所以真係要衷心多謝幫我撲飛的朋友~~~! 作為”fans” (不過我愈o黎愈發覺我唔qualify做”fans”, 因為作為一個fans…我被喻為過份客觀, 過份冷靜, 唔夠熱情…所以我都係稱自己為”支持者”比較恰當~)…好啦, 咁作為支持者...我當然會去支持佢第二個演唱會! 不過我都認同真係同上次個演唱會相距太近, 所以我相信如果儲多幾首hit歌, 再過多一年先開效果會更好! 雖然, 去得o個d大部份都係die hard…根本就唔會介意o既! 但係我同一部份non-die hard的“支持者” (haha~)…都係咁覺得囉…各粉絲唔好打我…你知我一向都係有o個句講o個, “偶像”都無面俾…但我亦相信呢樣係大家比較“buy”我o既一樣o野…否則你唔會o係度睇緊呢篇o野…:p
林峯d die hard fans真係好瘋狂吓…我以為自己去咗郭富城演唱會...佢除件面衫又大叫, 著件衫又叫, 飲水又叫, 就快連呼吸都要尖叫...真係太瘋狂喇, baby! 我o地呢d auntie係比較內斂…hohoho! 不過都真係要讚佢o地…真係好鬼齊心!
峯峯的確係好靚仔...但係正如我上一篇所講, 我prefer佢正常的黑髮, 多過佢染到兩截色的黑白頭…佢話呢個頭漂咗4次, "乸"到佢抽筋...但其實我覺得佢平時個髮型仲好睇!
今次基本上都係唱番上次o個d歌再加幾首呢一年裡面的hit歌, 同埋幾首別人的歌…個人認為佢唱得最好o既別人的歌係學友o既“李香蘭”…真係唔錯! 至於翻唱d女人歌(e.g.可惜我是水瓶座/誰願放手) 就真係無咁好! 同埋跳舞其實佢一向都幾得…雖然我成日都話英皇幫佢塑造個靚仔偶像派形象係令大家忽略咗佢唱歌同跳舞o既實力…o徙咗!
佢同徐子珊+吳唱k part舞基本上大家o係港姐show已經睇到…林峯跳舞真係ok o架喎…如果大家仲記得我成日講o既2004年tvb奧運六星的跳舞表現對比...應該會認同我所講o既o野...都係o個句…我依然唔明當年唱k點會考到做tbb dancer...?! 佢做戲好過跳舞好多…佢近一年o係”巴不得爸爸”同”女王辦公室”o既表現我覺得幾有進步!
至於徐子珊…我諗我都真係講咗十九幾次…佢跳舞真係掂, o係舞台上的確有一種攝人魅力…但佢唱歌真係唔得…做戲就一般啦…所以應該主力舞台發展 (雖然, 如果跳舞唔唱埋歌又係難搞d o既…咁一係再練吓歌啦…)…佢都係留番o係d大show一展個人實力…前年台慶一班女藝員跳舞…雖然有幾個都幾跳得…但佢係最有charisma o個個!
查實呢…上年都講過, 點解林峯次次演唱會d名都咁頂癮?! 真係好80年代囉…係咪吳雨大哥改o架? 又"峯．情無限let’s get wet演唱會", 又"come 2 me瑞士依波路表浪漫呈獻林峯演唱會"(令我諗起依波拉病毒...hohoho!)?! 下次問吓我嘛...我有大把更頂癮o既名可以出賣...不如叫"擋不住的峯情演唱會"…我有friend提議話下次可以叫“Let’s come BACK to me演唱會”…呢個ok喎, 配合番上年同埋今年個演唱會名變成延續篇…我俾個“得”你!
尾場…居然係容姨做嘉賓, 佢唱歌真係得…但係個人感覺呢 (大家知o架喇, 我相信我唔需要再次elaborate)…em…咁我有少少寧願係前幾晚的悶爆kelly媽喇 (其實之前幾晚仲有邊幾位嘉賓呢?)…:p
o係台下都見到好多無綫藝人, 好似陳山聰, 郭政鴻, 當然仲有樂小姐啦…臨散場前影到一張咁大把…
好啦…係時候講番呢期d娛樂新聞…最“震撼”我o地o既當然係安仔+sammi+michelle o個單新聞…其實講真又唔係十分“震撼”o既…因為一兩個月前其實已經聽到安仔同michelle分手o既消息…記得上次睇sammi以及big four演唱會之後, 好多人同我一樣都講過: “當然...反應最好係sammi出場時...sorry, 真係黑心d都要講句, 全香港人都想見到安仔同佢女友可以…em…因為大家真係更想見到安仔同sammi o係埋一齊...佢o地先係天造地設o既一對...(真係so sorry)...:p…
群眾壓力的確不可小覻...不過講真, 我都真係覺得余小姐好慘…正如有位朋友所說…個發球權一路都o係男方度, 一句“性格不合”就飛咗你…你又無o野可以做到! 客觀地, 我真係絕對認同o架…老鼠安真係要負上全部責任! 同埋其實我今次都真係幾認同蘋果...分咗手幾個月忽然o係呢個生日月自爆分手…你話無部署我都唔信啦! 不過subjectively, 我又真係好buy安仔+sammi呢個"組合"…正如sammi所講, 太深入民心…所以我都想見到佢o地再o係番埋一齊o既…anyway, 其實都唔關我o地事 (當然, 作為”支持者”關心吓又少不免~)…都係睇吓sammi今日呢篇文…好坦白又好真誠喎我覺得…
Oh, 最後我想講…雖然尋日蘋果c1 o個段“陳庭欣、莊思明慘封香港豬扒”真係好mean…但又真係幾好笑吓...尤其蘋果搵o個張陳庭欣同翁金驊兩張相對比...又真係幾似! 仲有唔講都唔覺…莊思明又真係似周啟邦個仔多過黃佩霞添呀…雖然我睇佢接受訪問時的談吐真係幾大方得體!
posted by 芒姐 at 11:14 下午
15 Comments:
除咗 Kelly 和 Joey, 第二三晚分別有衛蘭以及芒姐眼中作狀到爆既古Sir, 咁我估你prefer 睇祖兒多啲 ? 不過古Sir同林峯唱歡樂今宵幾好聽，好過同其他三位女歌手合唱。
有時作為fans都好無奈， 依加林峯成日被標籤做靚仔， 搞到鍾意林峯就被人話係純粹貪靚仔。
其實認認真真睇吓佢舞台上嘅演出，不難理解佢嘅魅力之處。
btw, 有時die hard fans 嘅瘋狂都係為咗搞氣氛 ^^
P.S. 關於港姐，不得不佩服網民嘅觀察力與想像力。
我跟咗同事睇第一場，其實啲歌舞真係好OK…但我有啲頂不住無記狂谷…成日愛峰變成害峰…
佢拍既劇好少睇，但唱歌就ok，舞又幾好睇…我有少少成為峰哥既歌迷添﹗XDDD
小聲：我都有拎住支BONGBONG棒向住個台影相啊﹗哈
原來芒姐真係有睇！太好啦！但係點解寫咁少感想啊？想聽多d lor！
咁你有冇留低聽2nd encore啊？聽聞尾場好感動喎！林峯都忍不住在台上一度哽咽，眼有淚光，我都好想見到呢個咁感動嘅場面啊！
其實林峯唱live真係得，李香蘭好好聽，仲有夏日傾情，歡樂今宵都唱得好好啊！古sir個gag都幾搞到氣氛！演唱會唔嗌點會有氣氛架！計我話，d fans應該再嗌大聲d！我坐得比較高，d觀眾比較冷靜，搞到我有時好興奮，都唔好意思大嗌！下次我都想坐喺fans後面，起碼可以跟著她們叫！
另外我想講，林峯嘅個唱唔係only粉絲先去聽lor！有好多人經過一兩年，逐漸認同佢做歌手嘅實力，都有興趣睇睇佢個show~ 其實佢唱得之餘仲跳得，仲要靚仔，身材又結實咗，其實真係幾好睇，我相信下年嘅演唱會佢會有更大進步！
你地竟然可以希望許志安飛左余小姐同番鄭秀文一齊, 即係希望許志安做負心人之同時, 亦鼓勵鄭秀文做第三者... 其實都係同一個scenario, 但點解你們當年又將鄭伊健同梁詠琪狠狠批鬥呢? fans同支持者, 有時都真係幾可怕!
我可能係難得幾位唔想安仔同SAMMI復合的人。一來我都贊成樓上匿名的講法。不過都估到Michelle同安仔散硬，邊個女仔會接受全世界都渴望自己男朋友同前度女友復合，正如SAMMI所講, Michelle真係活喺佢地兩個「情侶形象」的陰影之下。而我最主要唔想佢地復合係因為我覺得安仔配唔起sammi (安仔fans唔好打我)。自從佢地分手之後，安仔好多時都會借呢段舊情去搏取見報機會。原來我近呢幾星期都俾雜誌誤導左, 以為SAMMI有心做第3者，不過今日佢篇文章令我明白到佢想法。我更加覺得安仔配唔起SAMMI, 唔係指身家背景呢D, 係指人格同思想成熟程度都配唔起SAMMI
-雪人
typo:
原來我近呢幾星期都俾雜誌誤導左, 以為SAMMI有心做第3者
應該係:
「原本我近呢幾星期都俾雜誌誤導左, 以為SAMMI有心做第3者」
同意雪人所講
poutine,
衛蘭?!?! 咁九唔撘八o既?! 但我ok佢o架喎...四個之中, 咁我可能想睇悶爆的kelly媽...hoho!
網民的觀察力同想像力一向都係令人萬分敬佩...雖然有時就mean咗少少...:p
Domotoiceko,
嘩...你都有去睇? 無記的車輪式宣傳真係over咗...今次"翡翠明珠"又係, 日日咁播真係想睇都俾佢搞到煩...成日都係"愛你變成害你"o架啦...:p
++,
2nd encore...係咪再唱"愛在記憶中走你"o個段?
哈哈...我個人比較"冷漠"嘛...太"熱情"同我路線唔配合囉..hoho!
至於安仔vs michelle vs sammi的事件...基本上我係完全同意雪人所講, 尤其當睇完近幾日的進展...sammi的回應寫得罕有地坦白同埋真誠, o係明星中真係少有 (絕對唔係因為我曾經係fans所以咁講)...佢近年真係變咗第二個人...
"自從佢地分手之後，安仔好多時都會借呢段舊情去搏取見報機會"-->呢part, 我係一路都認同你...
所以成日都話係好矛盾...objectively, 都會覺得安仔其實成日借sammi宣傳...但subjectively, 佢o地呢對又真係好深入民心...好像"童話故事"一樣...
不過話說回來, 感情o既事, 旁人又真係永遠都無辦法知清楚中間發生過咩事o既...佢o地想點咪點囉...當然, 八卦的fans(包括我本人)評讑吓或加插自己的意見感想...亦係在所難免...
匿名,
如果你有睇我o地之前幾年o係呢度的討論, 都會知道其實大家都同意gigi唔受歡迎的原因, 已經唔係第唔第三者的問題, 因為正如大家成日都講, 感情o既o野除咗當時人又有邊個會知道內裡發生咩事...如果真係要話錯, objectively, 鄭伊健點都錯過梁詠琪...佢俾人恨恨"批鬥"的原因, 係佢o既態度...同埋我成日所講o既, 佢得罪記者多, 平日同人關係唔好, 到有咩事咪寫衰你囉...因為凡事都有兩面, 係睇你點睇o架咋喎, 佢人緣唔好, 形象唔好, 一"出事"起上o黎咪人人都話佢錯囉...但你要問我, 感情o既事, 又邊有"對或錯"呢...
我諗大家又唔會鼓勵sammi做第三者o既, 緊係要等佢o地唔係一齊先啦...如果你硬要將呢件事fit in落"奪面双琪"事件, 安仔同sammi應該係伊面同邵美琪...大家會係"想"伊面同梁詠琪分手, 同番邵美琪一齊, 因為佢o地係大家"理想"中的一對...但當然, 現實同理想從來都有好大分別, 唔係話你"想"就可以達到...同埋fans只係"想"吓o者, 又點會真係有能力去"拆散"一對人先得o架...
以上只係本人愚見...:p
贊成芒姐所講，感情事真係無得用理智去評估同衡量。而所謂的對錯好視乎處理的手法同開始面對的timing。幾年前我一定會有好激烈的反應，主要原因一定係同匿名一樣。但人老左，睇野都有少少唔同左，所以我的原因就變左安仔配唔起sammi喇~
由安仔第N次借SAMMI宣傳時起，呢個「愛情童話」已經0係我心中破滅LU, 因為我覺得安仔破壞左呢份感情的純真......
我贊成「安仔+sammi」呢一pair的經典程度同「伊健+maggie」可以相提並論。論分手的處理，表面上安仔好似比較直接, 無咁拖泥帶水(伊健則搞到出現奪麵雙棋)。不過論人品，就真係伊健美棋勝一籌，起碼分手後真係可以做到尊重對方，無0係記者面前提對方半句丫
-雪人
haha, 2nd encore係唱"所謂理想"嗰度...呢唱歌前幾場都冇唱到架！
哎呀，雖然我冇睇尾場，不過上網睇番，又真係睇到我都眼濕濕...（我指林峯哽咽呢part）
掛住講安仔同SAMMI, 其實我仲想話, 我呢幾日重溫左成套「談情說案」，林峰真係好靚仔呀~ 做戲都唔錯:)
-雪人
發佈留言
<< Home