11-15(sun) “我和林峯有個約會”…:p
哈哈哈哈哈哈…係咪淨係睇個標題, 已經覺得興奮先…wahahahaha!
不過實情當然唔係一個“約會”啦…但有機會影到一張合照, 我都真係好開心o架喇! 呢張合照…我等o左7年…自從02年o既“再生緣”同埋03年o既“律政新人王”, 已經好欣賞林峰…但估唔到原來係幾乎所有朋友都知道…個個o係fb睇完張相之後都話…“finally…”…真係呃唔到大家!
其實我都真係發夢都無諗過我會有同林峯合照o既機會…因為我一向都係超內斂+怕羞o個批…無論我幾鍾意都好, 我都真係唔會去搵“明星”合照…對上一次已經係十九幾年前古巨基o黎學校唱歌, 我都係跟埋d同學仔去搵佢影相咋! 所以今次真係要多得一位朋友o既悉心安排, 先可以“排除萬難”做到呢樣可能我內心好想做, 但又一定唔敢做o既事情…wahahahaha! 簡直係咁多年來最好o既聖誔禮物耶~~~!
我d朋友仔問我係咪開心死…又的確係! 簡直可以笑足三日三夜~~~到依家仲笑緊~~~! 我已經set o左張相做手機+電腦wallpaper…真係好少可咁“少女情懷”囉我…呵呵呵!
我個friend話我呢個係含蓄地高興o既樣…果然好了解我! 我個人又的確係含蓄o個批…無法啦! 所以我d朋友問我有無同佢表露我係“芒姐”呢個身份…咁就當然無啦…傻o既咩?! 好多o野埋藏o係心底咪算囉…唔通話: “噢…我真係好鍾意你o架…”! 咁樣太explicit…太唔係我o既style…我係走冷漠同埋mean o既路線o架嘛…哈哈哈哈哈!
你話係咪羨慕死人先…?! 林峯真係好靚仔, 好型, 好cute... 睇報紙話原來佢當日抱恙在身…咁o既情況之下佢仲可以擠出呢個帶點含羞答答o既笑容, 都算好俾面o架喇…不枉我咁欣賞佢! 至於芒姐o既尊容, 當然係無人會想睇啦…同埋呢d咁“影響市容”o既o野, 都係俾個哈哈笑公仔遮住佢好過啦…免得大家今晚發惡夢~~~ (我o既畫功…係咪好“duck”先~~~hehe?!)
(好少可可以咁"近距離"睇show...yeah!!!)
(峯迷果然好齊心~~~)
(張立基 - Electric girl)
呢個video其實完全唔關事…但o係youtube睇到好想post一個…因為呢首歌以前細個都好鍾意…張立基其實唱歌同跳舞都幾得…可惜…唯有聽/睇番佢d舊歌啦~~~
posted by 芒姐 at 11:39 下午
17 Comments:
芒姐：
嘩，諗唔到芒姐你都去“追星“，哈哈！
我都戥你開心， 其實我星期日都有去馬鞍山，與你緣故慳一面tim，林峯我就見得多，都好想一賭芒姐嘅風彩。
其實佢果日啱啱落機，又病病地，狀態麻麻，不過就幾時都咁cute同nice.
張立基唔知去咗邊呢，我以前都幾鍾意佢個首"你好嗎"。
我去唱k，每次都要唱electric girl。唱完全場high晒。而家聽仲好得，張立基行前咗廿年。唔夠喉再唱埋隻你好嗎，就瞓得安樂囉。
嘩！！！你就好啦芒姐！！！！
印象中我冇見過林峯真人呀.. 真係好靚仔架？！係咪好高架？
如果我係你，我應該會笑足一星期:P
我都覺得「噢.. 我真係好鍾意你架」呢D對白好刻意:P 講真，同得果個ARTIST影相都唔會唔鍾意架啦哈哈!
P.S.: 你既畫功好搞笑 XD 畫到成個菠蘿咁哈哈哈!（唔好介意啊）
話咁快聽晚又台慶喇！唔知今年搞成點呢-v-
嘩哈哈我都係一路睇一路笑咖呢篇嘢，戥你開心囉！今屆港姐落選佳麗7號竟然喺FB度話林峯真人好X喎，嬲到我啊！！！
OH!! 我都有去.. aiya 究竟邊個係你呢~~點解你會入到去入面架...咁我可能見到你本尊喎!! 我個日都有同佢合照~不過係大大大合照個隻~haha
你就好啦芒姐~!
下星期林峯會嚟美國登台，我應該無咁好彩會同佢合到照，但都好開心好興奮，將會係繼紅館個唱後第二次見到佢呀!!
你就好啦芒姐~!!我都好想呀!!
你就好啦芒姐,個合照咁鬼正.我3年前响溫哥華機場千辛萬苦同呀峰峰合照,佢大少可能當唔係幾好心情,又黑超又帽又冇表情.摭晒個樣見得個咀.所以我都是但SAVE咗响電腦算.佢上個星期嚟過倣慈善SHOW,居然可以即日來回.我又同佢緣慳一面啦.全人類都話佢NICE,可惜我到而家都証實唔到.
溫哥華匿名人
芒姐，我尋日睇完你嘅post,晚黑發夢竟然蒙度你又放咗啲冇遮到你嘅相上嚟啊，我見度你個樣啊！！唔知係咪真係你本尊個樣哩,HAHA
Nilly,
哈哈哈...你太愛我!
個港姐7號實在太白痴...佢唔鍾意咪唔鍾意囉, 邊有人寫o係fb (明知自己都算係公眾人物)...佢係衰白痴囉!
溫哥華匿名人,
wahahahaha...yeah! 我仲高興緊! 仲可以放o係手機做wallpaper成日show俾人睇...真係恨死我d隔離囉!
happyiris,
哈哈哈...我都係等o左7年先有呢個機會...同埋要有好心人幫我安排埋...否則我都唔可以"理想達到"!
匿名,
嘩...你特登飛返o黎香港睇佢個唱呀? 好有心! 合照的機會是可遇不可求的, 如果要我o係一jar人之中爭去同佢合照, 我諗我做唔到, 亦一定爭唔到!
C,
hahahahahhaha...我無咁易俾你估到o既...:p
你係fans club一份子, 應該有大把機會合照啦...:)
christy,
林峯真人就平時唔覺意都有機會撞到, 但係合照的機會對我o黎講真係絕無僅有!
真係幾靚仔, 同上鏡差唔多啦...不過我覺得佢著西裝會更靚仔, 好似台慶個look都唔錯呀! 係幾高, 加上我矮...:p
我都唔止笑o左三日, 就快到一星期, 仲笑緊!
咪係, 這正是我的諗法...無啦啦講「噢.. 我真係好鍾意你架」呢D對白真係好刻意...仲要我又唔係十零歲o靚妹...同我人物性格唔多配合...同埋正如你所講, 同得o個個ARTIST影相點都有d鍾意啦吓嘩? 我d friend問我點解唔同佢講同兩句時, 我正正係咁答佢o地...最主要係, 我真係唔知講咩好...可能因為真係鍾意, 所以詞窮...:p
哈哈哈...我覺得我的畫功...好"出眾"囉...你講講o下我都覺得有d似菠蘿...正! 呢個簡直係我代表作...!!!!
匿名,
張立基當年其實都唔知"衰"咩? 仲要歸納佢同蔡楓華同一個category, 一齊被邀上"太平反"...有無人可以話俾我聽?
poutine,
嘩哈哈哈哈哈...我咁大個人, 其實都無咩試過去"追星"...頂多試楊千嬅去我屋企附近間kps做show, 我"唔覺意"行落去睇o下...但當然無"近距離接觸"啦...:p
哈哈哈...芒姐的"風采"...我驚會嚇親你...可能唔睹好過睹...:p
張立基有首"p-a-s-s-i-o-n..."都好得, 仲有有黎明詩一齊rap的"唔該你啦張立基~~~"又係我細個時覺得好有趣之作!
發佈留言
<< Home