9-28(mon) 林敏驄好歌好友演唱會2009

上個禮拜五去o左睇林敏驄好歌好友演唱會…其實係d嘉賓演繹番佢多年來d經典金曲, 佢自己就無咩點唱o既! 個演唱會本身還可以啦 (其實有少許悶, 同埋d歌手唔係真係唱得咁好, 仲要我去o個日少好多嘉賓…星期六有鄭中基/梁漢文/方力申/側田o個d…我睇o個日係得eason係最吸引!)...但林敏驄個人就真係好有才華, 佢d詞又真係好得, 同埋佢講o野又真係好抵死......所以我一向都好欣賞佢!!!

愛在深秋, 幻影, 霧之戀, 忘不了您, 愛的根源, 深愛着您, 無心睡眠, 少女心事, 戀愛交叉, 打開信箱, 藍色憂鬱, 夢伴, 花店, 跳舞街, 假如, 這是愛, 彩雲曲, 常在我心間等等全部都係出自佢手筆…八十年代無o左佢真係唔得!

九龍灣展貿個場就真係唔多掂…唔就腳到呢…搭shuttle入去o係德福打蛇餅打o左半個鐘…出返o黎又係要再逼一次…同亞洲博覽館一樣都係好麻煩…睇演唱會都係紅館最適合!

最近睇報紙話鄭伊健年尾會開演唱會…真係“匪夷所思”! 佢好似o係呢個樂壇失蹤o左好耐o架啦嘛! 不過如果佢開演唱會, 我可能都會有d興趣去睇…雖則佢唱歌真係好難聽, 但佢d歌又真係陪伴住我成個中學旅程囉…一聽到佢d歌就諗起o個段快樂的時光! 同埋要再講多次…佢d歌真係好好聽…雖然佢唱得好聽!

上個禮拜尾的熱話…曹格vs側田中環暴毆街頭…相信人人都已經睇過段片…

Round 1:


初時覺得好恐怖, 好誇張…真係人不可以貌相...就算飲醉酒都唔係咁暴戾呀?! 側田殺o左佢全家咩?! 呢個世界真係太多o野你估佢唔到...! 但係睇睇o下成單新聞又變成笑料多d…首先最好笑係東方段片個旁白居然用蕭亮"呢個禮拜五六日, 早d o黎永安啦"o既腔口去報導呢單新聞...令到成個"格鬥"事件變成一則搞笑新聞!

跟住第二段片仲誇, 曹格係咪李小龍上身…佢d動作好似有武指"設計"過咁...邊有人打交會搞咁多o野o架?! 同埋成件事未免o黎得太戲劇性…正如有朋友講, 佢兩個有少少似纏綿多過似真打囉! 然後鏡頭一轉曹格忽然拿起個"修路指示牌"想車埋側田度都係O晒嘴! 再跟住影番個修路工人俾佢o地嚇親, 唯有死死地氣自己去執番個修路牌又係惹笑!

最搞o野係第二日個記者招待會, 有記者以好認真o既語氣, 問曹格有無諗過其實唔駛用咁多暴力, 又可以傷害到側田但又唔駛惹上官非...就係除佢頂帽!!! 嘩, 真係勁...雖然mean d, 但真係好啜咳囉...笑o左! 仲要加埋當時個場面/氣氛同埋個記者o既語氣…啞晒!

然後東方要聞仲有一段係講"側田的神奇帽", 話佢d帽打極都唔會甩...又係好抵死! Sorry, 真係成件事都好頂癮囉!

Round 2:


同埋其實我想再講多次…胡杏兒o係“律政新人王”真係做得幾好, 同埋佢o個個爽朗聰慧o既角色真係幾討好…雖然我身邊大部份朋友依家都好頂唔順胡杏兒…但我覺得真係呢幾年d喊苦喊忽角色害o左佢o者~~~!