9-4(fri) 絕代商驕
Ohohohoohohoohohoh~~~原來“絕代商驕”呢兩晚已經係結局篇, 但呢幾個禮拜實在公私兩忙…我只係睇到第一個禮拜多少少…點知佢就已經就快完…真係追得人好辛苦!
呢套其實係近期比較好睇的一套劇…個style幾似幾年前的“棟篤神探” (仲要又係有雪妮添~)…只係由蔡少芬換o左佘詩曼o者! 黃子華都係最適合做呢類賤賤o地又精精o地o既角色, 同埋佢做時裝又真係好過古裝好多…前年套“奸人堅”就真係怪o左少少喇!
佘佘o係呢套劇個角色都幾討好, 仲有曹敏莉d演技都improve o左喎…同埋佢真係幾靚!
仲有久違了的李綺虹…oh, long time no see…當年佢選完港姐真係好鍾意佢o架嘛…話說我o個期仲曾經寫過信俾佢添…真係你估我唔到喇! 佢拍過o既劇…我有印象o既只係得”開心華之里”, “阿sir早晨”同埋”95神鵰”…今次終於再o係電視劇見番佢真高興啊~~~!
呢個禮拜深夜追劇熱又真係搞得人好鬼忙囉…"律政新人王"同"我和殭屍有個約會"搞到我係咁兩邊按來按去好忙碌…! 不過最終我都係揀o左"殭屍", 因為佢就快完, 同埋佢每一晚播兩集, miss o左頭一個鐘, 咁後一個鐘要追番好麻煩…而更重要o既係…"律政"我真係睇到連自己都識做一次出o黎...睇到呢個scene我已經記得佢下個scene要做咩, 同埋我自己當年剪輯o既版本我都睇過好多次...反而“殭屍”我又真係有好多情節都唔記得, 例如尋晚天佑咬o左珍珍, 仲有小玲為天佑流淚o既情節, 我都唔係好記得…之後“五星戰士”點出現, 我又係唔係好記得….淨係記得最尾幾集"五星戰士"同埋打御命十三都好似無之前咁精彩…有少許爛尾添…但都好睇過第二/三輯o既!
posted by 芒姐 at 11:02 下午
14 Comments:
我一向麻麻地阿佘
今次絕代商驕係我唯一睇佘睇得最OK:P（當然有得揀都係想睇多次黃子華PART蔡少芬哈哈因為佢地2個PART埋真係好好笑）
諗諗下，原來（暫時黎講）.. 阿佘之後TVB入面真係冇乜邊個可以擔大旗接到班.. 早幾年我重以為胡杏兒真係可以TIM.. 點知... -_-"
呢套絕代商驕係我近來覺得最好睇、最期待既戲啊，好鍾意睇佢講辦公室同屋企人那部分囉。
有集講果d咩叫"扮工"、"虛應"同"陪笑"，好楝篤笑。有次食家開會，大小姐問"點做宣傳"，之後謝天華就話"總之有咁大搞咁大"，然後全部人都好enthusiastic咁，成個氣氛好好笑。
淼淼果一家人的感情好好，有咩事大家都會拎出來講啊，互相幫助。就算阿哥阿嫂係d貪錢縮骨既人，但都好錫焱焱，覺得好溫情同埋好寫實。同埋我都覺得大嫂曹敏莉好靚啦，同埋佢俾我感覺幾sweet，希望無線俾多d機會佢啦。
另外，我覺得黃子華今次做得特別好，睇到佢同張國強重逢果段，佢d眼神真係充滿歉疚同無奈。同埋我真係覺得陳國邦同張國強真係扮咩似咩囉，我而家個腦不停諗起張國強在車上講'it's all come back哈哈哈'。
唔想套戲咁快完囉，之後咩有營煮婦，同埋蔡鍔與小鳳仙，好似out out地咁。
芒姐,
"律政新人王"响内地叫"斗智天使路"!!!
溫哥華匿名人
張國強 暱稱「KK」then his song is KK仔 -.-
芒姐你好，我来自大马，无意中见到你的blog。
我也是一个电视迷，大部分的重播电视剧依然会追个半死。
李绮红这一次在《绝代商骄》中，很明显的就是粤语的发音标准了很多，耳朵终于不用再受罪了，哈哈哈。。。
李绮红在TVB还有一部《有肥人终成眷属》，同剧演出的还包括了郑则士，陈锦鸿，傅明宪，刘雅丽。。。
记得上年星河频道才播放罢了~~
Vincent,
hi! 你好!
李绮虹的粤语發音係準o左, 但我反而覺得佢以前的口音幾可愛呀...哈哈哈!
我o係wiki都有見到佢有演過《有肥人终成眷属》, 不過我對佢o係呢套o既演出就無咩印象喇!
匿名,
"張國強 暱稱「KK」then his song is KK仔 -.-"
--> wahahaha...咁都俾你諗到!
溫哥華匿名人,
"斗智天使路"? 就咁睇字面上真係唔多"啦間"咁...
"律政"開拍時本來叫"暴走律師"...呢個我反而明囉!
紙巾,
oh, 我仍然係睇到十幾集咋...呢期太多其他o野搞, 追得好辛苦...oh! 我太out了!
呢套真係好睇, 好笑又抵死, 仲好有智慧添!
christy,
坦白講, 我都麻阿佘, 不過佢做戲真係ok o既...尤其睇住佢由初出道係咁雞仔聲講"小胡斐" 到依家...係進步o左好多!
呢套佢都做得好好, 好自然! 哎...又睇番"律政"的胡杏兒...真係好得! 我都以為佢上到位...估唔到依家搞成咁!
我觉得曹敏莉拍埋S度显得S好残，又显得曹靓咗好多。
提到律政在内地既名，我都觉得丢架，无拿拿改个无拿拿既名，都唔知D人唸咩。律政2都叫咩“斗气天使路”，除咗斗气，我唔明咩叫天使咩叫路咯，认真唔系路。同埋我本来都以为胡会好掂，点知而家搞成咁，请问佢系咪某个时间忽然被雷劈了，人地会开窍佢反而塞住咗个脑？
僵尸1之后仲以为会继续僵尸2，点知断咗，亚视搞咩啊？
KENANNE
我想問, "暴走律師"的"暴走"點解?
KENANNE,
佘佘真係老O左好多, 不過都仲算幾靚...曹敏莉後生咁多, 又無得比O既...
胡個短髮醒目LOOK好O岩佢, 唔知點解之後無綫成日要俾D喊苦喊忽弱者角色佢做...完全唔適合!
亞視要播賽馬, 唔播"殭屍"...都好O既, 可以早D瞓...:P
匿名,
當時咪興過一陣"暴走鞋"O既...林峰個角色都成日著對暴走鞋...我諗一開始係想營造O個幾個年青律師一個懶"潮"的形象...但播O個時可能"暴走鞋"都OUT OUT O地喇...咁叫"律政新人王"又配合好多O既!
發佈留言
<< Home