7-31(fri) 香港亂噏

亞視由上個禮拜開始將“香港亂噏”調o左去星期一至五10:00播出…仲好似話直播添…咁犀利?

係有d新意, 同埋d藝員扮o野真係好落力…我好早之前特登錄過幾集o黎睇…係good effort, 但係有無網上講到咁精彩, 我又覺得未至於囉…呢d諷刺時弊節目, 我始終都係最buy港台的“頭條新聞”…睇足廿年都幾好睇…雖然90年代比近幾年再好d!

不過亞視有機會“抬起頭”都係好事呀…最鍾意鋤強扶弱!

好似話亞視同無綫特登揀埋同一日播o既同一個節目…“A貨超級星光大道”…亞視個版本 “亞洲星光大道”有8點收視 (o係亞視o黎講算係好高), 同埋口碑亦好過無綫o既“超級巨星” (26點收視…o係無綫星期日綜藝節目o黎講算ok o既…)! 好現象呀…有競爭先有進步嘛! 不過我未睇亞視個version…等我睇o下係咪真係好過無綫先…

呢期d娛聞繼續精彩…

首推白才女! 白姐姐果然係白姐姐...句句有骨...超抵死…


人稱白才女的白韻琴則質疑 Stephy才女之名，她說：「可能係蠢才個才，佢根本未夠級數。其實好多時面係人哋畀，架係自己丟。」 Stephy是否應改為賣樣不賣才？她好奇道：「賣樣？咁我真係要睇真啲佢個樣。」會否建議大家改買 o靚模寫真？她說：「比較兩樣嘢，肉體係乾淨，思想係污糟。」對於 Stephy解釋錯字與輸入法有關，白韻琴說：「呢啲嘢冇得賴，錯就要認，否則佢下次出嚟改稱賴小姐。」

雖然我覺得今次屎塔肥事件係校對的責任比佢本人更大…但佢當然亦都責無旁貸…其實早幾年佢出書, 大家都知道佢根本就唔係什麼“才女”, 只係佢當時紅, 大家比較“手下留情”… 依家佢大勢已去, 又唔夠d"o靚模"o靚, 傳媒梗係一沉百踩啦…不過白姐姐又真係超啜核…只係講o左幾,句但每句都一矢中的…真係唔夠佢o黎! 同埋佢又真係有資格去講o既, 畢竟佢後生時真係稱得上"樣靚身材正", 仲要論“材/才”, 都一定比時下d妹妹仔優勝…所以我覺得佢絕對寸得起呀!

另外呢單爆笑娛聞當然係william話angelababy高過吳彥祖o個段…又係笑爆咀…William你都真係ok風趣...而蘋果亦都將成件事present得好抵死…救命!


吳彥祖踩Angelababy難行天橋
William護花反擊：高過你

吳彥祖、方中信等前日為《竊聽風雲》造勢時，都開腔論 o靚模，吳彥祖不知 Angelababy是同場陳偉霆（ William）的女友，提到 o靚模矮細難登大堂行 catwalk時， William即臉色一沉，忍不住護花搶着亂說，稱 Angelababy高過吳彥祖。

及後吳彥祖和 William齊齊接受訪問，對於 o靚模入侵模界，更搶去其他模特兒的工作，吳彥祖即力挺女友 Lisa S.說：「係兩種唔同嘅 model，嗰啲行唔到 catwalk， model分好多種唔同路線。」吳彥祖更不知 o靚模始祖 Angelababy是 William的女友，當現場記者打趣問 Angelababy是否適合行 catwalk時，護女心切的 William臉色一沉，但吳彥祖就反問記者 Angelababy有幾高，欠缺風度的 William即緊張搶答「高過你」，但其實 Angelababy只有 168cm，吳彥祖卻有 186cm。


(成段片都好好笑, 尤其william講完o個句: "高過你"之後現場的爆笑聲...:p)

當然唔少得我o地o既金句王黎明啦…真係愈o黎愈鍾意佢...d金句...黎明果然係黎明...very interesting!!!


金句王冇理由

金句王 Leon前晚見到前座部份觀眾，沒有拿螢光棒時突然說：「我係一個幾慘嘅人，見到人哋唔攞螢光棒，我會諗到三個理由。公司之前話有人贊助有燈嘅 bong bong棒，但係我話要嚟做乜，要帶自己會帶，唔想要畀都唔會用。我唔係話人哋，我係話我自己，我唔想逼人用。」最終他沒有講出想到那三個理由。

仲有呢個“模art”都頂癮…又係攞你命三千…


尾場騷顯金句王本色
黎明封 Janice Man模 Art

前日颱風莫拉菲襲港，幸好未有影響黎明（Leon）尾場演唱會，當晚 Leon發功冧歌迷，最後全場 fans合唱《我這樣愛你》送給 Leon，令他十分感動。對於新寵文詠珊（Janice Man）初次登場表現， Leon有讚冇彈，更發揮金句王本色，指她日後必成為新一代「模 art」，即是模特兒和 artist的混合體！