2009年7月13日星期一

7-13(mon) 我們的八十年代

話說我o地上回講開"我們的八十年代", 尋日蘋果又即刻出o左一篇我們的80年代…真好!

有幾多樣你會有共鳴呢? 對我o黎講, 其實都有唔少…

3.譚詠麟
85年大碟《愛情陷阱》年度銷量逾 40萬,《勁歌》最受歡迎男歌星四連霸, 88年宣佈不再攞獎。

4.張國榮
83年憑《風繼續吹》走紅,與譚詠麟平分天下。 89年退出樂壇, 97年復出,惜於 03年自殺。

5.梅艷芳
新秀出身,梅艷芳由出道是非不絕,到唱功備受肯定的百變天后,整個 80年代,都屬於阿梅的。

7.《430穿梭機》
兒童節目, 82至 89年準 4時半啟航,主持有譚玉瑛、張國強及《黑白殭屍》周星馳龍炳基等。

“430”我都有睇, 不過真係 “閃電”睇得多d!

8.Beyond
以黃家駒為首的樂與怒班霸,推出首張 EP《永遠等待》, 89年憑《真的愛妳》大熱,諷刺時弊直抒胸懷。

11.《打電話問功課》
港台節目, 85年推出,返學日有教師專責聽電話,聽足 6小時,有半小時電視直播。小時最愛打去睇吓熱線通唔通。
…呢個節目真係經典~!

12.五台山
港台、麗的、商台、無綫及佳視雲集廣播道,故稱五台山。風雲人物有靚絕五台山的藍潔瑛。


13.五虎將
83年(左起)黃日華、劉德華、梁朝偉、湯鎮業及苗僑偉合演心口碎大石,被戲稱五虎。

…佢o地真係因為合演"心口碎大石"而得“五虎”呢個名咩?

14.開心少女組
齋賣青春。黃百鳴發掘(左起)陳加玲、袁潔瑩同羅美薇拍《開心鬼放暑假》,及出碟搵快錢。

16.《三個小神仙》
電台節目《青春交響曲》環節,阿旦(鄭丹瑞)、珊珊(林珊珊)、嘉嘉(何嘉麗)高矮肥瘦又一 day。

18.陳百強
翩翩公子陳百強的《等》、《眼淚為你流》、《深愛着你》情深動人。可惜走得太早。
…之前已經o係呢度講o左好多次, 今次唔多講喇…

28.林憶蓮
半熟少女亂摷雀巢頭大嗌「我空虛我寂寞我凍」,仲有「灰色! hahaha, hahaha… ha…」。

29.Radias
陳德彰加黃耀光,《吸煙的女人》、《傾心》、《別人的歌》, 3字頭的你,冇理由未聽過。

…oh, Radias! 但我最鍾意o既, 係更經典o個首"傳說"囉…


("傳說"@ Radias)

32.《小男人週記》
鄭丹瑞聲演小男人阿寬,透過廣播劇《小男人週記》講盡男人最痛與最樂,拍電影勁賺逾千萬。

33.《大地恩情》
劉志榮主演麗的劇集《大地恩情》收視大勝,九斤哥威過柴九,逼得無綫腰斬《輪流傳》。

“大地恩情”又係超經典!

34.羅文、甄妮
兩大巨肺於 83年以跨公司形式,合作推出《射鵰英雄傳》電視原聲大碟,二合一大頭封面堪稱經典。

35.《龍鳳呈祥賀台慶》
11月是 TVB台慶月,肥肥踩雞蛋、楊盼盼空中飛人,日頭猛做的觀眾每年都期待驚心動魄的表演。

36.小柏林
小柏林演港台節目《親親孩子天》,冬菇頭深入民心。 89年英國皇妃戴安娜訪港,柏林仔獻花。
…yo! 小柏林!!!

37.蔡楓華
《絕對空虛》經典,一字馬變 V字馬笑爆嘴,欷歔是當年「剎那光輝唔代表永恆」竟一語成讖。

39.《我係小忌廉》
日本少女動畫,戴蘊慧主唱港版主題曲。當時周街都有小忌廉支着燈魔法棒賣,好靚。
…哈哈…我都有呀! 當年仲成日同我表姐無情白事都一齊唱o個首主題曲添…“星空裡萬物在轉轉, 歷憶萬年…”添!

40.周星馳
《蓋世豪俠》飲杯茶食個包,段飛無厘頭經典語錄。但真正發揚光大是《他來自江湖》的金水。

43.翁美玲
講翁美玲不得不數《射鵰》,俏黃蓉到今日仍俘虜不少 fans,五虎將時代御用花旦。

…oh, 翁美玲, 雖然o係我幼稚園年代已經逝世, 但正如我之前所講, 因為我自細係同我d表哥表姐玩 (即當時的年青人), 所以翁美玲o既死, 對我o黎講亦都係好深刻!

44.民主歌聲獻中華
梅艷芳唱《四海一心》呼籲支援民運的畫面歷歷在目和盧冠廷激昂的《為自由》。

47.《富貴迫人》
沈殿霞董驃惡妻配諧夫。驃嬸期期買六合彩期望一朝發達,到中咗頭獎又次次出事。
…細個超鍾意睇…“富貴逼人”+“富貴再逼人”+“富貴再三逼人”全部都去戲院睇晒, 後來仲租晒成個系列返屋企睇添! 前排因為紀念肥姐, 一連三個禮拜日下午重播番呢三套電影…依家睇番依然覺得好正!

48.《季節》媽打
鄧碧雲飾演的「媽打」李淑德,將子女間的鬥爭處理得頭頭是道,成為香港人心目中的媽打典範。她於 91年去世。


49.軟硬天師
軟硬天師開《軟硬癲台》,越玩越喪。馬路天使葛 of the road,古靈精怪報交通難分真偽。

51.《香港 81∼》
由 81睇到 86,晚晚食飯睇茂叔、陳積、斌仔、順嫂在銀禧小食店食早餐講香港大城小事。

58.Shoulder Pad
阿梅、憶蓮、陳慧嫻個個抄日本偶像,膊頭墊個 shoulder pad加條蘿蔔褲打橫行。

…shoulder pad真係八十年代一個好有代表性o既icon, 仲有超勁eye shadow都係!

59.萬梓良
《流氓大亨》中萬梓良青筋暴現流住口水鼻涕對住昏迷中的鄭裕玲大叫「 So what!」,經典。

…oh, “so what”都有…i like it!!!

64.雜誌送海報
以前雜誌紙中間有拉頁海報、幾頁彩色印刷明星相,封底揀本周三張最靚藝人玉照做書籤。仲有剪印花換明星相。

…當年咁多本雜誌, 除o左我core會買o既香港電視之外, 最得當然就係大眾電視啦, 有中間拉頁又有“三張最靚藝人玉照做書籤”…個size又正, 可以擺o係校服裙袋添呀 (因為當時校服裙個袋係超大的)…

69.鍾保羅
89年 9月 1日,金牌司儀鍾保羅墮樓身亡。教人難忘還有他跟余綺霞,一對金童玉女,先後早逝,令人惋惜。
…當年鍾保羅跳樓自殺呢單新聞, 真係令我超深刻囉…好驚添呀…:(

70.《地球大合唱》
84年先有全英最紅歌手為非洲饑民義唱《 Do they know it's xmas?》,台灣有《明天會更好》,香港都整番首《地球大合唱》



75.林志美
…雖然我都覺得林志美係80年代的icon, 但我以為係“小眾”的回憶添…

76.《義不容情》摺幸運星
…呢個唔洗講, 相信我o地呢個age group的朋友, 無人會唔記得當年“幸運星”的威力!

78.麥當勞急口令廣告
“雙層牛肉巨無霸, 醬汁洋葱夾青瓜, 芝士生菜加芝蔴, 人人食過笑哈哈” …我當年都係粉絲之一…深刻到我依家都仲可以一字不漏咁o係三秒之內唸晒呢句急口呤! 張cert我到依家都仲keep住添呀!


(香港電視廣告 - 麥當勞: 巨無霸急口令 (1984年))

但其實我想問, 呢八十位係點揀出o黎o既呢…?!

延伸閱讀:

2006-4-10(mon) 又不是80年代…



2006-4-9(sun) 生於七十年代的一群



2006-4-13(thurs) 七字頭



2006-3-22(wed) 八十年代的回憶…三哥+etv…



2006-4-15(sat) 我的兒童節目

13 Comments:

Blogger m@linxism said...

我覺得楣姐應該屬於90年代多d~

7:27 下午  
Anonymous 匿名 said...

地球大合唱
今年hocc快樂是免費的音樂會有唱呀
佢都有upload上youtube
當時eason同師兄,梁祖堯等等都有去
我地去之前都有睇佢個blog學定先
因為佢好想我地一齊唱
重學原本既version玩人浪
首歌好warm呀我都好鐘意=]
http://www.youtube.com/watch?v=g3jjnSi5F8w

4:22 上午  
Blogger YEUNG said...

呢個藍潔瑛,我真係想問下,果陣佢真係{靚絕五台山}?因為我認識既佢(報紙、雜志睇到既形象)係傻傻地架嘛…好難想像佢係{靚絕五台山}…
另外呢個《開心少女組》又係超經典!我真係勁鍾意睇《開心鬼》系列!尢其係袁潔瑩!短頭髮、係學校踩住Roller行黎行去!超型!
仲有鍾保羅呢,佢死之前係咪拍緊《甜甜廿四味》架?因為之前我睇睇下呢,佢個角色無啦啦轉左第二個人(好似轉左莫少聰)喎…

9:14 下午  
Anonymous 匿名 said...

re: "雖然我都覺得林志美係80年代的icon, 但我以為係“小眾”的回憶添"

1980至1989年, 我由一個小童變成一個少年人, 都算係80年代嘅中堅份子, 而根據本人嘅記憶, 林志美其實從來都冇紅過(雖然人人對"紅"的定義都唔同), 所以我絕對認同佢只係“小眾”的回憶。

12:11 上午  
Anonymous 丹仔 said...

80's 的確有好多回憶... 果時也係我迷上流行歌既年代... Alan、Lisile、梅姐可謂帶領整個樂壇。當然仲有其他好有實力既歌星,如劉美、陳慧嫻、林子祥、陳佰強、許冠傑、呂方、林志美、黃寶欣...好多既歌星,還有大量既 band。每個人,每隊 band 都有自己既特色!可謂百花齊放 Q_Q" 真係好懷念呢...

8:43 下午  
Anonymous 匿名 said...

Who the hell is "Lisile"? Did you mean "Leslie"?

11:32 下午  
Anonymous Al佛 said...

Re: YEUNG,

鍾保羅死於1989年,當時佢己經響無線做緊主持同埋司儀既工作。而《甜甜廿四味》係麗的電視(即而家既亞視)1981年既劇集,係佢死之前八年既作品,佢因為響拍攝期間不幸遇上車禍,整傷0左隻腳,所以由第八集起佢既角色由莫少聰頂替,真係可惜。

12:28 下午  
Anonymous 匿名 said...

http://hk.apple.nextmedia.com/template/apple/art_main.php?iss_id=20090719&sec_id=462&subsec_id=830&art_id=13004242
(我們的90年代)

11:24 上午  
Blogger 芒姐 said...

匿名,

謝謝...我們的90年代我尋日睇o左少少...一陣再去睇埋佢!

2:48 下午  
Blogger 芒姐 said...

yeung,

re鍾保羅...Al佛兄已解釋得好清楚!

我細個睇藍潔瑛o個陣...佢真係靚絕五台山喎...呢個稱號我認同!

2:53 下午  
Blogger 芒姐 said...

匿名,

係呀, "地球大合唱"當年真係好hit的!

2:57 下午  
Blogger 芒姐 said...

m@linxism.

我都覺得楣姐應該屬於90年代多d!

2:59 下午  
Anonymous 匿名 said...

80年代點解冇劉美君?當年所有disco ,roller場,波樓,保齡球埸,重有收音機同有hi fi 嘅人都日播夜播架喎~~

4:28 上午  

發佈留言

<< Home