10-21(sat) happy200000…四白金+地球大合唱
各位觀眾, 不知不覺間, 呢度已經踏入o左四白金喇…差d連我自己都無為意到! 好彩禮拜六凌晨睇一睇, 差幾下就當然自己[手禁]埋去, 企圖親自紀錄低呢個歷史性時刻…點知…由199999個蘋果一[手禁], 已經跳到去200001個蘋果…ohohoh! 是誰吃了我的第200000個蘋果呢? 你好自首喇!
兩個月前講過“約定大家四白金再見”, 估唔到咁快呢度已經超越o左四白金…真係多謝各位o既支持!
上次講過呢個蘋果counter都好係壞, 依家連半年前加o個個小黃格都終於超越埋佢, 唔多make sense…不過算啦, 都係o個句, 用開有感情嘛!
亦都係上次o個句…無論你之前有無留過言都好, 如果你唔介意o既話, 歡迎你留個言話我知你係幾時開始入o黎同埋從咩途徑入o黎…特別係呢兩個月來o既新讀者啦!
芒姐四白金全紀錄…again, foy my own record:
2006-8-19(sat) happy 150000…三白金喇!!!
2006-4-23(sun) happy100000...雙白金!!!
2006-3-10(fri) happy77777+fing下fing下
2006-1-29(sun) 合皮猜列時扭耳+合皮60000
2005-12-25(sun) Happy 50000之白金唱片 + 2005芒姐十大
2005-11-4(fri) happy40000+商天娥
2005-8-13(sat) happy 30000
2005-7-13(wed) 金唱片
2005-6-24(fri) 20000
2004-11-4(thurs) 成千上萬
2004-8-28(sat) HAPPY 8000
2004-5-13(thurs) Happy 5000
oh! 好偉大啊! o係youtube找到了細個時覺得好偉大的一首歌…大家都知我由細到大都最鍾意呢d眾志成城歌o架嘛…以前已經覺得好好聽…依家都係!!!
地球大合唱:
…這地球會合唱!!!
合唱:徐小鳳/關正傑/梅豔芳/羅文/葉倩文/林子祥/張學友/鄺美雲/譚詠麟/陳潔靈/張國榮/鍾鎮濤/陳百強/甄妮/葉麗儀
徐小鳳:人心關起會細小如塵 不可以載起旁人 麻木閉塞一生
關正傑:人海內有億萬人 其實都可拉近 如人類不自困
梅豔芳:人心張開會有光無窮 張開有暖火熊熊 紅日那般高溫
羅文:如可讓每顆心聯盟 無論遇多少的厄困 也可沖出迷陣
葉麗儀:齊心喚醒心中那火太陽 去將四海黑暗變明亮
張學友、鄺美雲:齊心用愛做豔陽投射去 使苦痛之軀再獲能量
葉麗儀、許冠傑:如肯喚醒心中那火太陽 世間有天總會更明亮
葉倩文、許冠傑:如肯爲建造未來齊奉獻 始終有一天 這地球會合唱
譚詠麟:人心關起會細小如塵 不可以載起旁人 麻木閉塞一生
陳潔靈:人海內有億萬人 其實都可拉近 如人類不自困
葉倩文、林子祥:人心張開會有光無窮 張開有暖火熊熊 紅日那般高溫
張國榮:如可讓每顆心聯盟 無論遇多少的厄困 也可沖出迷陣
鍾鎮濤:齊心喚醒心中那火太陽 去將四海黑暗變明亮
陳百強:齊心用愛做豔陽投射去 使苦痛之軀再獲能量
葉倩文、林子祥:如肯喚醒心中那火太陽 世間有天總會更明亮
甄妮:如肯爲建造未來齊奉獻 始終有一天 這地球會合唱
大合唱:若你我他 喚醒心中那火太陽 世間有天會更明亮
葉倩文、林子祥:攜手爲建造未來齊奉獻 始終有一天 這地球會合唱
女合:齊心喚醒心中那火太陽 去將四海黑暗變明亮
男合:齊心用愛做豔陽投射去 使苦痛之軀再獲能量
大合唱:攜手喚醒心中那火太陽 世間有天總會更明亮
攜手爲建造未來齊奉獻 始終有一天 這地球會合唱
齊心喚醒心中那火太陽 愛可過山越洋除邊疆
攜手爲建造未來齊奉獻 始終有一天 這地球會合唱
posted by 芒姐 at 12:06 下午
49 Comments:
o係某blog o既留言區見到你條link, 所以有幸到此一遊!
喺"带银公主"果度揾翻嚟噶
恭喜哂呀芒姐~~~~
我也是從"帶銀公主"果到link過來~ :)
其實之前都睇過~不過冇bookmark~
希望你得閒多d update啦!!!
支持你啊~~~~~~yeah!
我也是在帶銀公主那裡看到.
哈哈
我想問下呢首地球大合唱其實係點黎架? @@
Dearest Monjeh,
Congratulations on your new record!
而家有電視迷15/16, "Arm" o西你啦!
Your fans,
CC
This 200,000 milestone arrived very early. Congrats!
嘩! 你呢度真係客似雲來, 咁快就已經衝破四白金, 勁!
好鍾意你用「__白金=__到訪人次」呢個概念, 令我想起我好懷念o既o個一段樂壇風光歲月... 好有創意!
細個o係電視見到個"地球大合唱"MV時真係覺得好偉大, 心入面仲非常羨慕o個班學生/女童軍/Red Cross members(好羨慕佢o地可以咁近距離見到咁多歌星... 童年時我係好渴望見明星o架), 並一度inspire我長大後要加入制服團體!
網友推介
你好! 我係o係google 搵搵下野見到架!!
都睇左成個月啦~~!
都係從"帶銀公主"link過來!
恭喜你(衝破四白金)!
繼續為邁向五白金而努力吧!
恭喜恭喜! 最鍾意睇你寫懷舊o野, 真係好正! 俾心機, 繼續寫, 繼續懷舊!!
機緣巧合, 我撞入黎架!
都係o係人地個blog o既留言區見到你條link, 所以走左入黎!
你寫o既野好好笑呀, 睇完人都開心d!
唯, 三弟, 以下是葉麗儀唱的, 請update, 還有是葉蒨文呢...
葉倩文:齊心喚醒心中那火太陽 去將四海黑暗變明亮
葉倩文、許冠傑:如肯喚醒心中那火太陽 世間有天總會更明亮
恭喜~賀喜~咁多讀者,幾時正式轉行?
same as me, referred from princess diane!! but this is a good blog indeed
Anonymous,
thanks for your compliment!
tfil,
多謝多謝!
轉行呢d o野...好難o既! 係你o既嗜好時就好o者, 到變為職業, 可能連個興趣都無埋! 都係睇定d, 等我有二十白金先算啦!
yeung mo,
唔明...可唔可以講清楚d?!
你講係你copy o個段係葉麗儀唱, 但又"還有是葉蒨文"?! 咁即係點呀?
Cherry,
多謝你...如果我寫o既o野真係能夠帶俾人歡樂, 我都好欣慰!
Bazooka,
咁即係證明我o地有緣!
你好呀芒姐, 我都係由帶銀公主到走入黎睇架~~我睇左半年啦~不過都冇留過言比你~~
請你繼續加油!!
Nicole,
多謝多謝! 我都好鍾意寫懷舊o野! 不過我驚有好多朋友"睇唔明"o者!
多多,
多謝你! 我會為邁向五白金而努力o架喇!
Anonymous,
你好...多謝支持! 你o係google 搵咩呀? 係咪電視節目!
PPL,
多謝捧場!
Sandy,
多謝晒你呀...你都絕對有份幫我創造呢個淦白金!
hoho, 我都好鍾意我呢個「__白金=__到訪人次」o既概念...我都覺得幾有創意,可能因為我都愛蔡一智...其實可能因為細個睇得樂壇頒獎禮多, 覺得好威...成日都想自己可以有o下d白金唱片...哈哈!
oh, 我細個睇電視都覺得"地球大合唱"MV真係好grand, 亦都覺得o個班學生/女童軍/Red Cross members好鬼威!
shaw_mag,
thanks! you've definitely contributed a lot to the "200,000 milestone" of mon jeh's diary/blog.
CC,
多謝晒你o既支持!
"15/16電視迷大挑戰"果然係o岩晒我呀...雖然d問題都幾無聊...但呢兩集有阿葛都幾好笑呀!
paul,
根據wikipedia:
"地球大合唱是一首無線電視為慶祝20週年（面世時間為1987年7月初），動用全個電視台的歌手，而特別製作的慈善籌款歌曲，發行的唱片公司名為「黑白唱片有限公司」（現時這首歌已經因為絕版而瀕臨失傳），幕後的資料如下：
作曲/編曲：顧家煇
填詞：林振強
全首歌的佈局有如一部小說，有所謂「起承轉合」，每一位歌手因應他們聲線的特性和風格（更重要的是他們當時在電視台的「地位」），編排出場的先後次序，有一部份「地位」較高的歌手，每人也有兩句獨唱的歌詞；其餘的一半，就只能參與「合」的部份，即最後的大合唱。
以下是根據出場序定出的演出者名單：
第一段
「起」
徐小鳳
關正傑
梅艷芳
「承」
羅文
葉麗儀
張學友
鄺美雲
許冠傑
呂方
林憶蓮
第二段至尾聲
「轉」
譚詠麟
陳潔靈
葉蒨文、林子祥（同時出場，當時二人未結婚）
張國榮
鍾鎮濤
陳百強
蔡楓華
甄妮
「合」
大合唱部份，除上述的歌手之外，其餘沒有參與獨唱的歌手還有：
劉美君
文佩玲
夏韶聲
Raidas
蔡國權
區瑞強
劉天蘭
張德蘭
盧冠廷
達明一派
蔣麗萍
陳美玲
杜德偉
李麗蕊
林志美
太極
陳松齡
郭小霖
雷安娜
陳慧嫻
愛心語錄
除了在出場次序和編排上體現到電視台的「階級觀念」之外，這張唱片還有另一個特色，就是在第二面（無論是在黑膠唱片上，還是在錄音帶上，也有同樣的安排）加插了一個名為「愛心語錄」的部份，內容是每一位歌手根據上述的出場次序，說幾句和「愛心」有關的話，這種情況在香港發行唱片中，算是比較少見。
......
細個時已經好記得呢個mv, 感覺好眾志成城, 近年除o左d振災籌款, 都好少見到咁虛hum囉!
piano,
多謝你捧場呀!
紙巾,
多謝你呀, 子君...你係"鳳凰四重奏"o個個子君呀嘛! 我會多d update o架啦, 因為我自己都好enjoy o係度發o翕風!
loklok,
多謝你, 亦都多謝帶銀公主!
Miu,
hoho, 多謝你...留言區? 係咪明星留言區呀?
比薯,,
你好呀! 多謝你支持o左我半年喎! 我會你繼續加油O架喇!
Congrats!
哇哇哇 好詳盡!
見到d歌星後生個樣好得意好正 XD
上次唔記得左講
我都係帶銀公主果度link過黎架,仲睇晒d舊post!好鬼正!咁有心機又有記性寫低咁多電視野,真係日日追架!
congratulations!
san di,
the two phrases i quoteted are not sang by sally ah...you should update the lyrics! =)
Myra,
thanks for your support!
paul,
多謝你o既每日收看!
係啦, 我都最鍾意睇d舊mv, 見番d人廿年前後個樣!
不過我都唔知原來地球大合唱係為o左tvb二十周年而唱o既添!
yeung mo,
好啦...你叫到, 我就去改o左佢!
I don't think 地球大合唱 was for TVB anniversary. I thought it was for charity. It was very popular in the 80s to have these charity group songs eg "We are the World", "Do they know it's Christmas" etc.
saw Alan Tam in the Utube clip and he was so... 作撞.. can't believe i used to be his fan when i was small.
re: alan tam
佢唔只當時作狀, 佢係不嬲都咁作狀, 到依家50幾歲人都仍然係咁作狀(忽然有預感佢第時會變成第二個四哥, 到佢70歲時可能仍作後生仔打扮), 個人仲好假好世界佬tim...
re: "地球大合唱"面世時間
"地球大合唱"一定唔係1987年7月初面世, 當年暑假並未plug lee首歌, 我肯定係開學之後, 唔係9月就係10月!
re: alan tam
哈哈...又真係幾作狀喎...不過諗番其實佢不嬲都有d! 另外一個最作狀o既, 就係佢個好兄弟阿b囉!
re: "地球大合唱"
詳細資料真係唔清楚...不過個mv真係好好睇! d人好後生! 最勁係阿lam個樣廿年都無變過!
仲有, d學生究竟係咩學校o既呢? 橙色衫係咪合唱團o黎呢?! 點解未見過有個咁o既合唱團?!
校長同阿b真係超作狀, 兩個個樣都好頂癮!!
http://www.youtube.com/watch?v=eDDW1QS3aaY
呢段同地球大合唱有得比呀
um...為全世界歌唱同地球大合唱都仲差少少o既, 畢竟得d寶麗金歌手同埋係為慶祝寶記廿五周年, 但係地球大合唱有晒當年全城最紅歌手...我覺得似華東水災或者上年海嘯o個d振災大合唱多d!
發佈留言
<< Home