2006年10月17日星期二

10-17(tues) 夢劇院

上期講“藍月亮”時提到八十年代紅極一時o既少女組合“夢劇院”…其實早前o係youtube都見到d正o野, 都話呢個site真係令人“又愛又恨”o架啦…

今次要介紹o既係八十年代o既twins…哈哈…其實又不能相提並論o既, 因為個style確實唔同 (雖然twins都曾經o係勁歌一個懶係同d舊歌手crossover o既環節同mv中o既劉文娟+李敏合唱過”天生一對)…但兩隊組合都係o係佢o地自己o既年代曾經紅透半邊天!

Hoho…好經典啊! 估唔到除o左有mv, 仲有o係無線o既live show表演…其實我本人係鍾意睇d歌星o係show唱歌多過睇mv, 因為每次都有唔同嘛…不過mv就靚d囉!

天生一對@tvb節目:

http://www.youtube.com/watch?v=XEAHYdRSbVo


我絕對唔係夢劇院o既fans, 因為佢o地出道時我實在比較年幼…不過自細已經好鍾意聽呢隻“天生一對”, 覺得好好聽…雖然個旋律其實無咩特別, 就係勝在舒舒服服囉…所以細細個已經好鍾意唱呢隻歌, 亦都係我o地唱k o既必選歌之一!

“天生一對”歌詞:

作 詞:夢 劇 院
作 曲:Keith Yip

愛看海邊那真摯美
獨在思想當天一起
可惜我從不會令你歡喜
想你定將我忘記
從來沒記起

愛看星空那閃爍美
獨在空間在運轉裏
那感覺漸冰冷
沒你共我一起
一切便不覺完美 
唯願在某地

在世間讓你我變一對
無懼怕各種困難與唏噓
在我心 全合意
是最真的一次
心中彼此載滿舊日名字

你我彷似一套戲
盡力演出花點心機
早註定一對
又再共你一起
想已是一切完美
重逢在故地

你我彷似一套戲
盡力演出花點心機
早註定一對
又再共你一起
想已是一切完美
從來是一對

(完全為了你…)

(常會念記…)

…oh, 好有詩意啊…都真係精彩! 雖然佢o地個樣唔算話十分靚, 歌亦都唔係唱得特別好, live performance時更加無咩台風可言…仲有d亂咁fing o既感覺…但就係o個種清新校園feel都殺晒啦! 真係無得講!



帶帽+長裙+獨有o既氣質+書卷味…o係香港o既歌星之中真係好難搵到! 仲要佢兩個當時都係中大學生…依家就話通街都係大學生o者…o係當時o既娛樂圈, 真係算好有學問o個隻! 仲要大部份歌曲都係自己作詞…有才華o個批…抵佢o地紅o既! 據我所知佢o地當時真係迷倒萬千生於七十年代o既少男(or even少女)o架…可惜我又係生不逢時囉!

仲有另一個live表演…四分三日@港台頒獎禮:

http://www.youtube.com/watch?v=cUtT8p-8fP0


仲發覺其實佢o地個個mv都係o個個帶帽+長裙look…好有一種清純同埋脫俗o既感覺…仲好洋娃娃囉! 唔怪得知後來個個都話劉文娟係港版酒井法子 (我都覺得有100個似!)…呢個就無容置疑啦…但係睇睇o下, 原來李敏都有幾分似…八十年代當家花旦…楊盼盼囉! 哈哈哈!

哈哈…o岩o岩睇到一篇李敏舊年寫o既文章…幾有趣:

“夢劇院復刻版

各 位 關 心 「 夢 劇 院 」 的 朋 友 , 好 消 息 來 了 , 樂 意 唱 片 公 司 終 於 推 出 《 夢 劇 院 十 年 十 美 》 的 再 版 , 各 大唱 片 公 司 有 售 ( 如 果 沒 售 的 就 不 是 大 唱 片 公 司 了 ) 。

一 直 以 來 , 都 有 夢 劇 院 的 歌 迷 問 我 哪 可 以 找 到 夢 劇 院 的 唱 片 , 很 遺 憾 , 我 真 的 不 知 道 , 當 然 , 我 家 裡是 有 一 套 , 不 過 , 搬 過 幾 次 家 之 後 我 也 不 知 放 在 哪 裡 去 。

樂 意 唱 片 公 司 負 責 人 , 也 就 是 我 從 前 經 理 人 Keith , 他 說 有 計 劃 把 夢 劇 院 以 前 出 過 的 所 有 唱 片 重 新 推出 , 製 作 「 復 刻 版 」 。 甚 麼 是 復 刻 版 ? 不 是 復 古 , 是 復 刻 ! 不 是 黑 膠 , 是 C D 扮 黑 膠 , 即 是 在 C D 上印 一 張 黑 膠 唱 片 的 模 樣 , 給 人 黑 膠 唱 片 那 年 代 的 感 覺 ( 以 上 是 Keith 說 的 , 如 果 三 個 月 內 不 推 出 , 請 各位 有 心 人 自 己 去 問 樂 意 唱 片 , 問 我 沒 有 用 , 因 為 真 的 很 抱 歉 , 我 也 不 清 楚 ) 。

黑 膠 唱 片 , 當 然 要 留 幾 張 , 更 何 況 是 自 己 灌 錄 的 , 一 是 可 以 留 給 我 兩 個 女 見 證 音 樂 歷 史 , 二 是 等 錢 用可 以 拿 去 信 和 二 手 廣 場 。 七 、 八 十 年 代 歌 手 懷 舊 熱 潮 帶 旺 了 唱 片 市 場 , 這 倒 是 個 啟 示 。 三 、 四 十 歲 的朋 友 開 始 懷 緬 青 春 歲 月 , 三 、 四 十 歲 的 朋 友 有 消 費 能 力 , 三 、 四 十 歲 的 朋 友 尊 重 版 權 , 三 、 四 十 歲 的部 份 朋 友 不 懂 得 下 載 MP3 。

最 近 的 懷 舊 風 吹 得 特 別 勁 , 草 蜢 將 開 演 唱 會 , 可 能 因 為 夢 劇 院 也 是 同 期 , 好 多 人 問 我 會 不 會 復 出 , 但我 都 當 他 們 是 打 趣 而 已 , 然 後 回 答 : 「 唔 使 客 氣 喇 。 」 驀 然 回 首 , 我 還 是 樂 於 承 認 自 己 是 最 後 一 批 出黑 膠 唱 片 , 最 先 一 批 出 C D 的 歌 手 , 我 視 這 為 一 種 榮 幸 。

李敏”

23 Comments:

Anonymous 匿名 said...

Re: "據我所知佢o地當時真係迷倒萬千生於七十年代o既少男(or even少女)o架…"

咁你實在識得太少生於七十年代o既人喇... 我係七十年代o既代表, 但就從來都無聽過話有同代人喜歡佢地, 尤其係男性, 大家只會話劉文娟老土 & 李敏樣衰, 當時我屋企同學校D少男都無話鍾意佢地喎(但就有好多男同學話見到邱淑貞 + 初出道o既關淑怡同葉蘊儀流晒口水lor), 真係從來都唔知「夢劇院」o係我o個個年代曾經咁紅喎... 你係咪記錯左呀? 或者係你喜歡佢地所以主觀地覺得佢地好紅呀? 我諗佢地當時點都有D fans o既, 但係同紅或者迷倒萬千少男少女就真係仲差好遠lor!

12:41 下午  
Anonymous 匿名 said...

Wow~Wow~~芝See菇Bi自殺!!

1:14 下午  
Anonymous 匿名 said...

印象中當年o既夢劇院應該未至於紅透半邊天, 當年紅透半邊天o既仍然係校長、哥哥同梅姐(羅文、甄妮、許冠傑o個類實力派唔提喇), 好紅o既有張學友、葉蒨文(不過要到梅姐唔再領獎, 葉先有獎)同陳百強(但陳其實已經開始聲勢下滑), 頗紅o既有陳慧嫻、林憶蓮同Beyond, 備受注目o既有李克勤, 劉美君同你估唔到o既黃凱芹都有d noise... 香港樂壇長久以來都係男性組合較為搶眼, 女性組合一般不會紅得起(不過這個現象直到Twins的出現終被打破), 照道理當年被封為實力派o既Beyond同青春少艾跳跳紮o既草蜢應該紅過夢劇院, 但既然兩個男性組合都未去到紅透半邊天, 相信夢劇院只可以話係好受某個族群歡迎, 而今天o既Twins亦應該紅過當年o既夢劇院.

2:11 下午  
Anonymous 匿名 said...

“天生一對”幾好聽呀, 歌詞都填得唔錯, 兩人又確係有才華!

乜原來李敏已經有兩個女喇? 咁有無人知道劉文娟去了邊處?

4:12 下午  
Anonymous 匿名 said...

劉文娟好似嫁左去加拿大?!

6:37 下午  
Blogger 梁巔巔 said...

Hello~

Thanks for your visit.

但點解唔留下大名呀?

芒姐, 大概看了貴 Blog 一遍, yo! 妳真係好 pro! 果然係超級電視迷! 勁!

2:06 下午  
Blogger 芒姐 said...

梁巔巔

你好, 首先多謝你o既留言! 但係迷惘中...你係指visit邊度呀? 同埋o係邊度留名呀?

咁我又的確係一個不折不扣o既電視精...做真正o既工作都唔見我咁落力囉!

6:45 下午  
Blogger 芒姐 said...

ppl & miu,

劉文娟嫁o左加拿大咩?! 我真係唔知! 對上一次見佢o係電視已經係差唔多十年前o既大飲茶/城市追擊!

李敏同李進生o左兩個女, 成日睇星島都見佢講佢個moonmoon同埋sistermoon o架!

“天生一對”的確係聽極都幾好聽o下!

6:48 下午  
Blogger 芒姐 said...

Anonymous & tracy,

可能我又係誇張o左d o既...但我又的確識唔少七十年代人係喜歡夢劇院o架喎...tracy, 或者我同你識o既人style&background唔太相同o者!

我個人又唔係特別喜歡佢o地, ok啦, 不過不失...只係覺得"天生一對"好好聽!

Anonymous, 你對八十年代o既樂壇果然熟悉, 我最近都睇緊一篇好鬼死長長長長長o既文章係關於樂壇黃金十年...都有講到你所提及o既歌星同埋八十年代樂壇興衰史...好精彩...遲d要post出o黎同大家分享先得!

6:54 下午  
Blogger 芒姐 said...

Anonymous.

我都睇到新聞話芝See菇Bi自殺呀...幾驚! 好彩佢無事! 畢竟大家一樣大, 又一齊會考 (呢樣好深刻), 所以對佢都加少少感情分o既! (雖然我從來都無咩點聽佢o既節目!)

6:55 下午  
Blogger 梁巔巔 said...

"但係迷惘中...你係指visit邊度呀? 同埋o係邊度留名呀?"

妳不是到過我的 Blog 並留了言嗎?

http://victorvictor.blogspot.com/2006/10/blog-post_19.html

Anyway, nice to meet you. :)

7:34 下午  
Anonymous 匿名 said...

我同意夢劇院未至於紅透半邊天, 不過佢o地咁多年之後仍然未被遺忘, 相信一定有佢o地過人之處o既, 反正真正可以稱為紅透半邊天兼幾乎人人都認同o既天皇巨星又有幾多個? 四分一世紀以來咪又係得o個幾個... 咁夢劇院係應該無beyond同阿蜢咁多瘋狂fans o既, 之但係兩個女仔都咁斯文咁乖乖女, 你好難expect佢o地d fans會迫爆玻璃同追車o架喎!

其實我覺得劉文娟似前無線電視記者陸嘉敏多d!

p.s. 最初見到d怪字時真係嚇o左一跳, 以為自己部腦又癲o左!

12:38 上午  
Anonymous 匿名 said...

唔記得講, 芝See菇Bi一向都似係d好樂觀好外向o既人, 真係估唔到佢會自殺, 希望佢快d好番, 同埋可以睇開d啦!

1:01 上午  
Blogger 芒姐 said...

巔巔,

我之前未入過你度, 不過依家去探訪過喇…內容好豐富啊! “娛樂小記者”真的不是我, 如果我留言一定會用“芒姐”…我o地呢d行不改名, 坐不改姓o架嘛…哈哈! 其實除o左o係你個blog, 近日我仲見到其他blog有呢個留言跟住link番入我個site囉…哈哈! 唔知邊位咁喜愛我幫我宣傳呢?

不過我都好多謝呢位朋友咁捧場, 亦都好高興認識巔巔你!

10:52 上午  
Blogger 芒姐 said...

Sandy,

咁女歌星幾時都比男歌星蝕底, 因為女fan屎點都瘋癲過男fan屎好多 (不過睇觀音娜事件又好似唔係)…夢劇院o個種清純氣質, 又真係o係娛樂圈好難得o既! 不過好似話李敏其實都唔係真係咁清純, 同埋後尾佢兩個其實唔多o岩!

哈哈…陸嘉敏! 令我諗起袁志偉…唔知點解?

係啦, 無啦啦睇報紙見到話阿芝自殺都幾係驚…不過好多時最大癲大肺o既人, 其實先係最脆弱!

哎….呢個咁o既爛鬼beta version, 真係玩死我! 有無人可以救o下我呀?

10:53 上午  
Blogger 梁巔巔 said...

^~

3:56 下午  
Anonymous 匿名 said...

雖然夢劇院唔算紅,而且離不開女子組合快拆夥的命運,不過佢0地係八十年代比較有代表性0既女子組合,而且有d歌幾好聽。幫佢0地出唱片0既樂意唱片,幾鍾意佢0地0既音樂人如麥皓倫,Keith Yip,區新明等,唔知佢0地去咗邊? 初出道0既彭羚都係呢間公司,所以佢早期既歌部份都同夢劇院相似。

仲有記唔記得有一隊一閃即逝0既女子組合叫pp girl? 中文叫花生女郎。大約出現在九十年代初,由四個女仔組成,其中一個係當時未選港姐既張可頤,後來佢選港姐我都記得佢唱過歌。仲有一個女仔係當年拍過一d廣告,所以比較熟口面,呢隊組合有一首歌係比較有做宣傳,都幾好聽架,不過唔記得歌名。

8:46 下午  
Anonymous 匿名 said...

咁夢劇院就靚過彭羚多多聲喇!

至於花生女郎, 除左張可頤之外, 我記得仲有一個女仔做過城市驚喜, 唔知係咪Kitty講那位拍過廣告、比較熟口面的女仔呢?!!

11:24 下午  
Anonymous 匿名 said...

pp girl我記得有個好似叫JOEY...

6:46 上午  
Blogger 芒姐 said...

kitty,

八十年代具代表性o既女子組合, 除o左夢劇院都應該係無喇…到八十年代尾/九十年代就出現o左一系列o既女子組合, 好似echo, face to face (哈哈, 我好鍾意唱佢o地d歌…雖然數埋得幾隻hit過咁大把!), pp gals (好似只係出過一隻碟)…夢劇院都可以話係樂壇女子組合o既鼻祖!

麥皓倫,Keith Yip後來都好似仲成日有幫李蕙敏做唱片…依家就真係唔知喇!

10:55 上午  
Blogger 芒姐 said...

kitty,& Anonymous,

pp gals當然記得啦…有四個其實唔多識音樂o既女仔成日拿住d樂器扮樂隊…好搞笑! 我最鍾意佢o地首dj boy! 除o左張可頤, 我最記得o個個就係拍 “能得利果汁橡皮糖廣告個姐姐, 不過都唔知佢叫咩名!

其實我o係兩年前其中一篇日記都有講過pp gals…至於“能得利姐姐”, 應該係幅圖左邊第一個…

http://hejnom3.blogspot.com/2004_06_02_archive.html

“PP Gals, 完全係o係樂壇“檀花一現”o既組合, 唔知有無半年就摺o左! 但係當年佢o地首“DJ Boys”我都好鍾意聽o架…個mv我仲錄低o左keep到依家添! 最鍾意係佢o地好假咁拎住個結他o係度一邊唱一邊扮彈…係好假, 但係咁先過癮!

唔知大家記唔記得其中一個成員係依家o既無線“當紅花旦”張可頤呢? 當時我已經好留意佢…唔係因為佢靚, 而係因為佢係最醜樣o個個, 仲要“寧寧瀉瀉”唯一一個短髮同埋高o左出o黎…好怪雞! 好記得佢當時o既英文名叫Tina (真係唯獨記得佢…仲有另一個比較靚o既長髮姐姐, 即係拍能得利果汁糖做天使&魔鬼o個個, 但唔知佢叫咩名!), 點知佢3年後走o左去參選港姐居然叫Maggie…不過一認就認得佢啦! 依家o既佢比起當年, 甚至係選港姐時都靚o左好多…我唔係話佢整容, 只係話原來一個人懂得裝扮真係可以差咁遠!

我仲好似記得當年係鄭敬基一手捧起 (相信唔可以用“捧紅”呢個詞語) 佢o地…點知數年後張可頤自己都居然紅過鄭敬基好多倍 (仲要o係 “九五至尊”入面, 張係做女主角, 鄭頂晒龍都只係一個男配角…世事o既o野, 好多都係你估唔到o既!)…當然, 做最受歡迎女主角又唔代表咩o野o既…好似郭可盈話齌:“贏o左獎輸o左品”呀嘛…我覺得呢句說話都真係幾搞笑!”

10:56 上午  
Blogger Unknown said...

你都幾無知,吾係個個都淨係睇個樣.,而且當時歌手吾係賣樣既.,夢劇院當年係攞金唱片既,吾多人買佢地既碟可以攞到金唱片咩,只係好快解咗

6:13 下午  
Anonymous 匿名 said...

咁就30年

10:50 上午  

發佈留言

<< Home