2006年10月6日星期五

10-6(fri) 愛的教育 鄧靄霖

其實之前已經聽過有讀者話壹周刊有一篇“我偶像”鄧靄霖姐姐o既訪問, 要多得金美姐姐send俾我睇, 唔洗特登買一本咁o既壹仔…佢o既故事真係幾令人感動o下, 睇到我d咁冷血o既人都有d眼濕濕…真係好值得大家去反思o下同仔女/父母o既關係…

呢篇o野其實打好o左好耐…但一路未有機會post! 適逢前幾日o係電視又睇到鄧藹琳姐姐o既訪問, 又係講番同個大仔o個段關係, 都係時候post番出o黎…

不過睇之前, 或者可以重溫番芒姐對“IQ時熟時”o既情意結先…咁樣, 就會知道點解鄧靄琳 (其實好似係咁寫…真係無從稽考, 連佢自己都話每次d人都有唔同寫法!) 會係我偶像 (不過我絕對認為佢依家個look好恐怖…因為我一向好怕d化濃妝人, 尤其係劃好深色眼線o個d)…

芒姐的“IQ時熟時”情意結:


2003-8-1(fri) 隆重登場 - IQ時熟時



2003-8-2(sat) 經典再重溫 - IQ時熟時2



2003-8-3(sun) 廿年人事幾翻身 - IQ時熟時3




愛 的 教 育   鄧 靄 霖

鄧 靄 霖 在 港 台 工 作 , 是 節 目 《 訴 心 事 家 庭 》 的 主 持 , 她 的 丈 夫 是 前 副 廣 播 署 長 吳 錫 輝 。

鄧 靄 霖 曾 經 活 在 丈 夫 的 陰 影 下 , 每 天 面 對 不 同 的 閒 言 閒 語 , 大 家 聚 焦 的 , 總 是 她 的 特 殊 身 份 。 現 在 丈 夫 退 休 , 她 舒 了 口 氣 , 像 重 獲 新 生 , 終 於 可 振 翅 高 飛 。

這 些 年 來 , 她 主 動 聯 絡 學 校 、 醫 院 , 甚 至 志 願 團 體 , 每 星 期 義 務 舉 辦 親 子 講 座 , 為 大 大 小 小 的 家 庭 排 難 解 紛 , 幾 年 間 就 舉 辦 了 二 百 多 個 講 座 。

她 生 於 暴 力 家 庭 , 親 眼 目 睹 父 親 用 大 鐵 鎚 追 打 母 親 , 小 時 候 最 憂 慮 的 , 是 父 親 會 不 會 斬 死 母 親 , 自 己 會 不 會 去 保 良 局 。

她 的 前 半 生 , 都 在 幕 前 賣 力 演 出 , 十 七 歲 入 行 當 DJ , 拍 過 電 視 劇 , 和 蔡 楓 華 一 起 做 過 兒 童 節 目 。 一 直 困 擾 她 的 , 不 是 丈 夫 是 副 處 長 的 陰 影 , 而 是 一 大 堆 父 母 親 遺 留 下 來 的 心 結 。

「 希 望 大 家 唔 好 重 複 我 o既 悲 劇 , 唔 好 為 孩 子 創 造 地 獄 。 」 四 十 八 歲 的 鄧 靄 霖 說 。



第 一 次 聽 鄧 靄 霖 的 講 座 , 是 在 某 間 學 校 的 家 長 日 。

整 個 大 禮 堂 都 坐 滿 家 長 , 台 上 的 鄧 靄 霖 , 用 行 走 江 湖 數 十 年 的 DJ 聲 音 , 講 述 自 身 經 歷 , 聽 著聽 著, 家 長 眼 濕 濕 , 紛 紛 拿 出 紙 巾 手 巾 , 一 起 拭 眼 淚 。

這 年 頭 , 電 視 上 、 報 紙 上 , 都 充 斥 著 家 庭 慘 劇 的 新 聞 , 大 家 聽 專 家 們 侃 侃 而 談 , 都 是 道 理 , 但 像 鄧 靄 霖 那 樣 感 動 人 心 , 始 終 不 多 。

在 鄧 靄 霖 心 裡 , 一 直 有 一 個 畫 面 , 這 麼 多 年 都 揮 之 不 散 。

「 砰 ! 砰 ! 砰 ! 」 凌 晨 三 點 , 十 歲 的 鄧 靄 霖 走 出 房 間 , 看 見 父 親 拿 大 鐵 鎚 , 發 狂 地 敲 打 母 親 的 睡 房 門 。

「 你 出 來 ! 你 出 來 ! 」 父 親 失 去 理 智 , 好 像 要 殺 人 一 樣 , 睡 房 裡 頭 傳 來 母 親 的 哭 泣 聲 。 鄧 靄 霖 一 雙 小 手 緊 緊 地 蓋 著耳 朵 , 想 廚 房 的 菜 刀 是 不 是 都 收 起 來 了 , 恐 懼 充 斥 著小 小 的 心 靈 , 她 哭 著 祈 禱 : 「 神 呀 , 救 救 我 。 」

最 後 , 那 睡 房 門 真 的 給 打 穿 了 , 就 在 這 緊 急 關 頭 , 鄧 靄 霖 的 哥 哥 剛 好 回 家 。

「 只 要 哥 哥 黎 遲 一 步 , 我 肯 定 會 出 事 , 第 二 日 一 定 係 報 紙 頭 條 。

「 呢 個 記 憶 永 世 都 抹 不 掉 , 道 門 穿 , 我 知 道 我 個 心 都 穿 , 永 遠 都 補 唔 番 。 」 坐 在 香 港 電 台 的 錄 音 室 裡 , 提 起 這 段 往 事 , 她 的 眼 淚 流 個 不 停 。



枕 頭 底 , 藏 菜 刀

鄧 靄 霖 自 幼 家 境 貧 窮 , 父 親 是 私 校 的 小 學 老 師 , 月 薪 二 百 元 , 卻 要 養 活 一 家 七 口 。 在 街 坊 鄰 里 眼 中 , 身 穿 西 裝 戴 眼 鏡 的 鄧 老 師 , 是 好 好 先 生 , 但 父 親 酗 酒 的 一 面 , 卻 令 她 膽 戰 心 驚 。

「 佢 一 飲 酒 , 就 變 成 第 二 個 人 , 好 似 惡 魔 上 身 。 每 日 返 屋 企 , 我 都 好 驚 , 唔 知 開 門 會 係 邊 一 個 阿 爸 。 」

夜 闌 人 靜 的 晚 上 , 她 很 多 次 被 父 母 的 爭 吵 聲 弄 醒 , 先 是 打 破 碗 碟 的 聲 音 , 然 後 是 哭 泣 聲 , 接 著 聽 到 母 親 不 斷 地 在 叫 救 命 。 她 害 怕 得 藏 匿 在 書 木台底 , 用 雙 手 掩 著耳 朵 。

「 有 時 會 聽 到 『 斬 死 你 ! 斬 死 你 ! 』 ,o個 種 驚 o既感 覺 , 好 恐 怖 , 到 頂 點 。 」

第 二 天 早 上 , 她 總 會 看 見 遍 地 玻 璃 碎 片 , 母 親 滿身 傷 痕 , 坐 在 一 旁 搽 跌 打 酒 。 後 來 爭 吵 不 斷 , 她 每 次 聽 到 爭 吵 聲 , 就 會 到 廚 房 取 菜 刀 , 收 藏 在 自 己 的 枕 頭 底 下 。

所 以 她 最 怕 看 見 別 人 用 菜 刀 斬 雞 , 每 次 一 聽 見 菲 傭 在 廚 房 斬 雞 , 她 就 走 得 遠 遠 。

「 我 依 家 買 左 把 鉸 剪 俾 佢 , 原 來 鉸 剪 剪 雞 都 得 。 」

童 年 時 她 也 想 過 自 殺 , 她 家 住 在 英 皇 道 旁 , 想 過 衝 出 馬 路 被 巴 士 輾 過 , 但 她 親 眼 目 睹 過 交 通 意 外 , 覺 得 死 狀 恐 怖 ; 也 想 過 跳 樓 自 殺 , 但 又 天 生 畏 高 。

「 小 小 心 靈 , 腦 裡 面 成 日 諗 , 係 我 會 唔 會 去 保 良 局 ? 自 己 咩 都 改 變 唔 到 , 只 係 想 有 一 日 目訓 醒 覺 就 死 左。 」

雖 然 父 親 動 不 動 就 打 母 親 , 卻 從 不 打 她 ; 動 手 打 她 的 , 都 是 母 親 。 每 次 有 爭 執 , 母 親 就 地 取 材 , 拾 起 什 麼 就 用 來 打 她 。

但 最 令 鄧 靄 霖 傷 心 的 , 是 語 言 暴 力 。

「 佢 鬧 人 o既 時 候 總 係 高 八 度 , 又 成 日 恐 嚇 佢 會 著 紅 衫 跳 樓 , 化 做 厲 鬼 搵 我 o地 報 仇 。 」

每 逢 大 時 大 節 , 一 家 人 聚 首 一 堂 食 飯 , 她 就 最 緊 張 。

「 可 能 係 弟 弟 倒 瀉 湯 , 可 能 係 我 講 錯 o野, 一 句 唔 , 就 家 嘈 屋 閉 , 最 後 反 收 場 。

「 試 過 有 一 年 新 年 , 細 佬 斷 了 鞋 帶 , 同 媽 咪 講 : 『 媽 咪 , 斷 左。 』 即 刻 俾 佢 打 , 年 初 一 你 話 我 斷 左, 以 後 成 年 有 咩 衰 o野 都 係 因 為 佢 。 」



做 DJ , 得 自 由

中 四 那 年 她 在 學 校 老 師 的 鼓 勵 下 , 參 加 全 港 散 文 朗 誦 比 賽 , 獲 得 季 軍 。 她 開 始 對 自 己 的 聲 音 建 立 信 心 , 頻 頻 參 加 演 講 比 賽 , 多 次 獲 獎 。 十 七 歲 參 加 商 台 舉 辦 的 DJ 招 募 大 賽 , 順 利 入 行 。

獲 取 錄 做 DJ , 她 像 突 然 呼 吸 到 自 由 的 空 氣 。 後 來 她 轉 到 港 台 《 青 春 交 響 曲 》 節 目 內 當 主 持 , 全 力 投 入 工 作 , 拍 電 視 劇 、 出 唱 片 、 在 兒 童 節 目 《 香 蕉 船 》 當 香 蕉 姐 姐 , 每 天 只 睡 四 個 小 時 。

成 長 期 間 家 庭 帶 給 她 的 傷 痛 , 她 從 來 沒 有 告 訴 別 人 。 八 二 年 , 她 拿 十 萬 元 , 決 心 到 加 拿 大 留 學 , 選 修 心 理 學 。

「 十 歲 時 看 見 父 親 追 打 母 親 , o個 道 爛 門 記 憶 太 深 , 好 似 電 影 《 閃 靈 》 咁 恐 怖 。 我 好 想 搵 番 當 年 十 歲 o既 妹 妹 出 來 , 想 幫 佢 , 想 解 決 自 己 的 心 結 。 」

她 到 加 拿 大 讀 書 時 , 正 值 寒 冬 , 沒 有 錢 買 車 , 每 天 出 入 學 校 , 都 要 走 半 個 小 時 搭 巴 士 。 以 往 在 香 港 的 朋 友 , 一 封 信 都 沒 有 , 她 卻 收 到 父 親 的 信 。

「 成 個 童 年 , 我 都 冇 同 佢 傾 偈 , 拖 手 o既 印 象 都 冇 。

「 o個兩 年 孤 身 遠 方 , 好 寂 寞 時 , 估 唔 到 佢 會 記 得 我 , 寄 信 俾 我 , 全 部 都 係 四 字 成 語 。 佢 o的 書 法 好 靚 , 都 係 鼓 勵 o既 說 話 , 好 感 動 。 」

那 段 日 子 , 她 開 始 學 習 體 諒 原 宥 , 慢 慢 放 開 過 往 的 包 袱 。 同 一 時 間 , 另 一 段 感 情 亦 慢 慢 萌 芽 。

「 除 左 爸 爸 o既 信 , 唯 一 一 個 會 寫 信 俾 我 o既, 就 係 吳 錫 輝 , 佢 每 隔 兩 日 就 寫 一 封 信 俾 我 。 」

吳 錫 輝 就 是 剛 退 休 的 副 廣 播 處 長 , 亦 即 是 她 的 丈 夫 。 當 年 他 是 港 台 監 製 , 持 續 兩 年 的 情 信 交 流 之 後 , 八 四 年 鄧 靄 霖 回 港 , 隨 即 拍 拖 , 次 年 結 婚 。 三 年 後 大 仔 吳 樂 鑫 出 世 , 她 決 心 要 做 個 好 媽 媽 , 於 是 辭 去 幕 前 工 作 , 轉 做 電 視 節 目 的 製 作 統 籌 。



為 成 績 , 打 打 打

走 出 童 年 陰 影 , 她 深 信 自 己 能 當 一 位 模 範 母 親 , 豈 料 兒 子 升 上 小 學 , 她 卻 步 母 親 後 塵 。

「 第 一 次 考 試 , 平 均 分 八 十 八 點 六 , 我 覺 得 唔 錯 呀 。 一 個 星 期 後 派 成 績 表 , 四 十 個 人 裡 面 考 卅 二 。

「 走 去 問 其 他 家 長 , 原 來 考 第 一 , 平 均 分 係 九 十 九 點 九 。

「 原 來 讀 名 校 , 你 平 均 分 要 係 九 十 五 分 以 上 , 先 至 係 人 。 」

她 兒 子 讀 喇 沙 小 學 , 學 生 之 間 競 爭 很 大 。 她 從 其 他 家 長 口 中 得 知 , 很 多 學 生 一 年 級 已 經 做 二 年 級 的 補 充 , 她 於 是 四 出 搜 刮 不 同 的 補 充 練 習 , 積 極 替 兒 子 備 課 。 每 次 課 堂 讀 默 , 她 就 索 性 要 兒 子 背 默 。

她 兒 子 的 性 格 , 做 起 事 來 很 慢 , 一 直 到 小 三 , 成 績 都 沒 有 好 轉 。 每 次 放 工 回 來 , 看 見 兒 子 還 未 完 成 功 課 , 她 就 心 急 如 焚 。 慢 慢 地 她 開 始 實 施 體 罰 , 由 打 手 開 始 , 到 後 來 打 屁 股 、 打 大 髀 、 打 大 髀 內 側 , 用 雞 毛 掃 打 , 一 發 不 可 收 拾 。

「 原 來 打 係 會 升 級 , 你 一 開 始 打 仔 , 跌 左 落 個 trap 度 , 你 就 唔 會 咁 理 智 , 唔 會 停 落 。

「 有 一 次 默 書 , 佢 寫 極 都 寫 唔 到 個 『 務 』 字 , 忍 唔 住 一 巴 掌 打 過 去 , 結 果 打 到 佢 流 鼻 血 。 」



巫 婆 畫 , 傷 透 心

曾 經 目 睹 父 母 間 的 暴 力 , 沒 有 令 她 停 手 , 她 一 心 覺 得 自 己 所 做 的 , 都 是 為 兒 子 好 。 直 到 一 個 晚 上 , 她 看 見 兒 子 在 書 房 鬼 祟 地 畫 畫 , 正 想 問 他 畫 什 麼 , 他 卻 將 畫 紙 扭 在 一 團 , 丟 進 垃 圾 桶 。

半 夜 裡 她 悄 悄 拾 回 那 紙 團 , 打 開 一 看 , 上 面 竟 是 一 個 面 目 猙 獰 的 巫 婆 公 仔 , 巫 婆 的 頭 上 , 有 個 箭 嘴 , 寫 著「 媽 媽 」 , 整 張 紙 都 布 滿 用 鉛 筆 篤 出 來 的 紙 孔 。

她 從 沒 有 想 過 , 自 己 在 兒 子 的 心 目 中 , 是 這 樣 恐 怖 。

「 成 個 晚 上 , 我 擁 住 張 紙 , 不 斷 o係 度 喊 。 」

她 想 起 兒 子 小 時 候 , 總 愛 黏著她 , 每 次 抱 他 出 街 , 總 喜 歡 和 其 他 人 介 紹 「 呢 個 係 我 媽 咪 」 的 情 景 。

「 我 o係 暴 力 家 庭 長 大 , 我 答 應 過 自 己 , 如 果 我 做 媽 咪 , 要 俾 一 個 安 全 溫 暖 環 境 個 仔 。

「 你 唔 係 父 母 , 你 唔 知 被 子 女 憎 恨 o既 感 覺 , 有 幾 恐 怖 。

「 o個 一 刻 , 我 只 係 想 我 個 仔 可 以 再 愛 我 , 我 咩 都 可 以 唔 要 , 只 係 想 佢 愛 我 。 」

第 二 天 一 早 , 她 毅 然 決 定 , 辭 去 在 港 台 的 幕 後 職 位 , 全 職 教 仔 。 知 道 兒 子 中 文 不 好 , 就 替 孩 子 轉 到 英 文 教 學 的 國 際 學 校 。 她 把 雞 毛 掃 丟 進 垃 圾 桶 , 開 始 看 很 多 不 同 的 親 子 書 , 想 盡 辦 法 改 善 和 兒 子 的 關 係 。

她 明 白 兒 子 的 生 活 裡 , 缺 少 了 快 樂 元 素 , 太 專 注 學 業 , 反 而 揠 苗 助 長 , 於 是 一 有 空 閒 , 就 會 和 仔 仔 睇 戲 , 去 Grand Hyatt 食 自 助 餐 , 讀 書 成 績 反 而 有 進 步 。

今 日 , 她 的 大 仔 十 七 歲 , 剛 入 讀 港 大 傳 播 系 ; 細 仔 今 年 九 歲 , 在 畢 架 山 小 學 讀 書 。 作 為 家 長 , 她 非 常 開 通 , 大 仔 入 大 學 選 科 , 她 一 切 隨 兒 子 心 意 ; 細 仔 想 學 rock & roll 電 結 他 , 她 全 力 支 持 ; 閒 時 還 會 和 他 們 一 起 去 看 《 Sex and The City 》 , 講 講 性 教 育 。

「 我 好 彩 , 大 仔 八 歲 時 就 睇 到 佢 幅 巫 婆 畫 ; 好 多 家 長 等 到 關 係 破 裂 , 仔 女 離 家 出 走 , 都 睇 唔 到 呢 幅 畫 。 」

昔 日 經 歷 , 今 日 一 一 化 作 愛 的 教 育 , 未 來 大 計 , 她 打 算 五 十 歲 後 退 休 , 選 修 心 理 系 的 碩 士 課 程 , 畢 業 後 可 以 成 為 心 理 治 療 師 , 繼 續 幫 助 別 人 。

「 到 老 左, 或 者 成 立 鄧 婆 婆 熱 線 , 等 大 家 有 問 題 打 電 話 上 來 , 都 唔 錯 。 」



****************************************

跟住, 又要多得alison send俾我o既明周吳錫輝訪問…兩篇文章好似互相呼應咁…幾有趣!


黃金歲月 吳錫輝

此刻,吳錫輝應該跟太太鄧藹霖在多倫多,為大兒子樂鑫辦理入大學的手續,亦意味開始了他的退休生活。而他的副廣播處長位置,由電訊管理副總監傅小慧空降。

雖然,離開工作了三十二年的港台,這位前副廣播處長說依然會在每一天,返回老家,「我習慣每晚也會到港台的酒吧,喝一杯『威梳』,跟朋友談天。」這一天,吳錫輝帶領記者在港台的後樓梯穿梭,經過走廊,推開一個隱閉的門口,走進這家牆上掛?一面香港特區旗及一面港英年代殖民地旗,在昏暗的燈光下,還映照?一幅幅港英年代港台員工照片的英式小酒吧,負責招呼的「阿弟」熟練地倒了一杯「威梳」給吳錫輝,他喝了一口,說﹕「這?是我第二個辦公室。」原來,近年處於風雨飄搖的港台,遇上每一次風吹草動,吳錫輝每晚就在這?喝?,等,然後審批向傳媒發出的回應聲明,甚至逐一回電。

吳錫輝說,他有一個願望,就是港台能脫離政府,做一個有法定、獨立的公營廣播電台,還有一個新大樓。「我希望在五年、七年後返回港台,可以見到新面貌。」

記者不需等五年,今次在港台都發現了一個新面貌,就是在廣播道五台山聞名了廿多年的港台飯堂已易手,馳名的招牌菜式滷水雞翼已變了蜜糖雞翼﹗

材料沒變,只是換了不同的廚師調味,讓味蕾嘗一點甜,好味與否,見仁見智。

這天,吳錫輝剛剛跟俞琤吃過餞行午飯,同場的還有鄭丹瑞,飲了少許白酒及紅酒的他說,「我跟阿旦說,今天約了《明周》做訪問,想不單止紀錄廣播面貌的新發展,是讓新一輩人知道廣播歲月是怎樣形成,絕對不是一個白頭宮女話當年的個人感受,是口述歷史的片段,可惜我不能講全面,我跟俞琤說,如果可以一併訪問她,我們的廣播事業八十年代的黃金期就完整,她說﹕『他就想,他們就發達了﹗』」

吳錫輝所說的黃金期歲月應該由七十年代中開始,走到八十年代到九十年代初,廣東歌流行仍有四大天王那個時期為止,「俞琤是一個有幹勁、有決心的專業廣播人,現在回想,感慨良多,大家在廣播界這麼多年的堅持,由每一個字音到英文的拼音,到當年我們為了爭取一個Bee Gees的訪問,率先出宣傳聲帶……我尚可以誇稱,我同她是七十年代中期到八十年代,DJ文化改變的過程,是司令,在兩個司令下,孕育了許多不同年代的精采廣播人。」

在香港大學修讀英國文學及翻譯的吳錫輝,唸書時很喜歡聽現在改行做廚師的陳任做電台節目,畢業後,在新法書院教了一年書,便在七四年加入香港電台做中文台助理節目主任。


(hohoho…呢幅相以前都有睇過…總覺得d人呢身打扮幾型啊!)

對DJ對聽眾也嚴厲

當年,商台走年輕路線,電台節目《六啤半》風靡年輕聽眾,港台變招走學院路線,吳錫輝跟朱培慶推出《青春交響曲》,更找來師兄車文旭在節目中做DJ,播完歌會簡介歌詞,探討民歌手的內心世界,研究內容。「同事說我當年做《青春交響曲》好串,聽眾咬音不準,我要他說到準才播歌﹔未做好功課,我叫聽眾做完才聽節目。」就是這種堅持,《青春交響曲》成為第一代聽歌學英文的節目。

對聽眾已這樣嚴峻,難怪由他一手調教的DJ,許多都成為獨當一面的行政人員,林珊珊、何嘉麗、鄭丹瑞……

「在培訓過程中,俞琤當年令到湯正川差不多精神崩潰,一個宣傳聲帶要錄五十次,需時超過一小時,聲帶出街只是不多於三十秒。結果如何﹖當我八一年將湯正川挖角來港台,他同樣地用這樣嚴格的方式來培訓林珊珊,當時珊珊錄一個宣傳聲帶真是錄到喊,錄了一百次,那種專注、那種專業,對不起,他不是玩你,錄完一百次後,他要的是第九take。這種事情,在現今廣告行業比比皆是,我怎會知道﹖因為我太太(鄧藹霖)有替廣告錄音,話之你是什麼牌子,只要個客聽完過百take,要的還是第一take,你都要俾,是否最好,是另一個議題。我想說,你首先要有很堅忍的性格和精神,才可以得到美好的成績,而在港台和商台互相輝映的黃金年代,在DJ文化領域中,發揮到淋漓盡致。」


(鄧慧詩, 林珊珊, 何嘉麗, 阿旦等)

年輕人問題 家長有責

可惜,這些確是話當年的前塵往事,現在的廣播文化不同了,正如吳錫輝所言,是蘋果和橙的比較,「有一次,林珊珊當時在商台還是做很高職位,她來電問我為什麼現在的後生仔會這樣做事……(吳錫輝自動刪除了以後的內容)。如果你問我,現代的年輕人怎會做事無手尾這通病,做人又『pair』的問題,我覺得他們都是活在壓力之下,家長要求好高、社會要求好多、學校要求的嚴苛,他們是一個個體,會發現再努力,做得幾好都有問題。話說回頭,家長難道沒責任﹖大家都知在八十年代長大的青少年,絕大多數是被寵壞,你怎可以將責任全部加諸在他們身上﹔然後,你就說要他們負責任﹖其實這是相互的,世界有這麼多變化,互聯網電腦的出現,將他們的視線、閱讀興趣全部轉移,要研究這問題,我相信找來十個哲學家、社會學家都沒答案,我答你唔到,只可以說是好複雜的課題。」

家庭曾出現問題

在港台衝鋒陷陣,為同事解決萬千問題的吳錫輝,原來自己的家庭也出現問題。「當年,我大仔在喇沙讀書,讀了三年,兩母子為功課搞到家嘈屋閉,阿媽打仔,打到流鼻血,我在房門口看到,我可以做?乜﹖唯有擰轉頭走,閃啦,我冇選擇,我不可以鬧個仔,又不可以鬧老婆,總之衝突出現了,唔通打九九九﹖後來兒子轉讀國際學校,今年已升大學﹔太太早年已轉型做親子專家,有機會跟一些專家傾談,才在去年發現,原來我大仔有輕微中文讀寫障礙,他看文字就如看一幅山水畫,不是字。讀寫有障礙這個五字,我識唔夠五年﹗」

現在,母子關係當然一早雨過天青,問吳錫輝跟太太在家庭分別扮演什麼角色﹖他說﹕「我們分擔的角色好清楚,她很主動跟兩個兒子溝通,我比較少說話,一來是倦,二來,我返到屋企,她已做了八八九九。基本上,我只負責兩件事,第一、夜晚超過十二點半(菲傭已睡),兒子感到肚餓,就會找老竇入廚房炒飯給他吃,因我炒飯叻過老婆好多﹔第二,兒子一定要我陪玩足球遊戲機,因為阿媽不懂玩。」

退休後,吳錫輝重拾教鞭,到香港大學及浸會大學教授新聞廣播。原來,這些工作都是他的心理藥,「其實我驚無工做,會心理失衡,我是一個忙慣的人,不能讓自己完全停下來,我今天也不覺得自己可以晨早到公園耍太極,我現在每一天,在案頭的In out tray都有不少於五十個file、批視、請示、刪改等等,我怎能想像自己坐在家中﹖莫非要扮傻佬在家中放兩個In out tray,但是空的﹖唔得,我要平衡我的心理健康,有人送上門找我做工作,我殺晒,乜都殺﹗」


(又有鄧藹琳“姐姐”, 仲有車淑梅“姐姐”添…)

小風波

自從宣布會在七月退休後,吳錫輝的訪問真的可以用雨後春筍來形容,訪問篇幅之多,應該是他在港台工作了三十二年的總數乘N倍。

吳錫輝說,這樣才好,做了這麼多,都沒新聞。

其實,是有的,包括他和太太鄧藹霖拍拖到結婚,大兒子樂鑫及小兒子樂然出生﹔還有,一段太太在港台工作時出現的「慈禧太后」小風波。

問他怎樣看當年太太被人抨擊為呂后及慈禧,他這樣說﹕「絕對不出奇,當時她有一個做台長的老公,她做事的態度,會堅持做到最好,在過程中,令一些人不開心,其實只是小事一樁。」

塞翁失馬,焉知非福。因為堅持自己工作態度而離開港台的鄧藹霖,找到了自己的興趣及方向,成為一位親子專家。現在,四處到天水圍等地演講,服務弱勢社群。

還有,原本把媽媽畫成巫婆的大兒子,已把瘋媽媽忘記,現在他心中只有好媽媽。

16 Comments:

Anonymous 匿名 said...

壹周刊話:「今日,她的大仔十七歲,剛入讀港大傳播系...」

明周話:「此刻,吳錫輝應該跟太太鄧藹霖在多倫多,為大兒子樂鑫辦理入大學的手續...」

疑問(一): 咁究竟佢個大仔o係港大讀書定o係加拿大讀書呢? 如果係港大, 點解會去加拿大搞入學手續呢?
疑問(二): 點解十七歲就可以入大學? 無論英制定美制都唔可能咁快入到大學喎, 除非佢跳班? 但佢大仔又唔似咁醒喎! 會唔會係早入學呢?
疑問(三): 鄧靄琳十七歲入行, 咁應該無讀預科啦, 咁點解可以用兩年時間就可以讀完心理學呢(佢話"o個兩年孤身遠方, 好寂寞時...", 所以應該係兩年?)? 陳慧嫻讀過預科都要讀四年啦, 美國同加拿大都係行美制, 點解陳慧嫻要四年, 鄧靄琳兩年就得?

壹周刊話:「直到一個晚上,她看見兒子在書房鬼祟地畫畫,正想問他畫什麼,他卻將畫紙扭在一團,丟進垃圾桶。」

佢個仔真係幾蠢, 係醒目o既就應該撕到爛晒先丟, 做左虧心事又唔識得毀屍滅跡, 唔驚俾佢阿媽發現後再打佢一鑊金架咩? 咁無危機意識, 難怪o係喇沙生存唔到!

另, 莊靜而好似幾靚女咁喎!

1:58 下午  
Anonymous 匿名 said...

『另一主角莊靜而, 當時可謂“迷倒眾生”(我個人認為當時o既佢有d似依家o既“阿嬌”)…』

當年的莊靜而比阿嬌漂亮得多了! 阿嬌不是不漂亮, 但太濃妝艷抹了, 一點也不清純, 再加上她的背境, 很難令人接受她那「扮純情、裝可愛」的形象! 最討厭她常常對著別人繃臉撇嘴, 每次回答問題總是一副不耐煩的樣子, 如此沒體面的人, 怎能在演藝圈立足? 空有美貌, 卻毫無內涵、才華的木美人, 我才不看!

6:20 下午  
Anonymous 匿名 said...

1) 我真係覺得匿名者的語氣好似我同金髮美女的一位mutual frd
2) 「佢個仔真係幾蠢, 係醒目o既就應該撕到爛晒先丟, 做左虧心事又唔識得毀屍滅跡, 唔驚俾佢阿媽發現後再打佢一鑊金架咩? 咁無危機意識, 難怪o係喇沙生存唔到!」 救命, 寫得好好笑, 好抵死呀, 我一讀到呢一段, 直頭笑到收唔到聲, hahaha, 芒姐, 你d fans 同你一樣講野咁抵死咁啜核呀~
3)我當年都好鍾意莊靜而ga, 尤其係睇IQ成熟時同香城浪子時
4)想請教靈兒, 阿嬌有甚麼背景呢 (因為我一直都以為佢真的好清純), 好想八卦一下

11:59 下午  
Anonymous 匿名 said...

我都覺得阿嬌姐經常黑口黑面咁對住人, 不過我相信佢唔係擺款, 只係因為佢比阿sa鈍, 講野又唔叻, 所以先較少出聲和經常擺出一副唔知點好的樣子而已!

阿嬌姐係濃妝艷抹, 不過唔關佢事喎, 佢地個stylist要佢地點打扮佢地就要點打扮架啦!

1:17 上午  
Anonymous 匿名 said...

點解鄧藹霖老得咁快? 佢D眼線又真係畫得勁左DD :P

11:34 上午  
Blogger 芒姐 said...

Miu,

其實鄧藹琳都唔算老得快喇..."iq成熟時"另一位主角莊靜而仲勁...佢o係幾年內由超靚女變成一個師奶!

我覺得鄧藹琳o既問題係佢老o左之後懶前衛o既髮型同打扮...同埋佢d超厚化妝!

12:26 上午  
Blogger 芒姐 said...

靈兒&不是阿嬌fans,

我都同意最靚時候o既莊靜而係靚過阿嬌o既, 不過莊o係不出幾年內跌晒watt...阿嬌到依家都ok!

我都唔係阿嬌fans, 更加唔buy英皇d人...twins一出道都幾清純, 真正性格同背景就唔知喇! 不過我相信佢o地d化妝又真係唔到佢控制o既! 至於佢la口la面, 又真係令人睇得無咁高興...不過我亦同意佢無阿sa咁識do, 所以無咁討人歡喜!

12:36 上午  
Anonymous 匿名 said...

「討厭她常常對著別人繃臉撇嘴, 每次回答問題總是一副不耐煩的樣子...」

其實都唔係既,可能佢成日係鏡頭前面不停咁笑完又笑,要俾個嘴塊面同牙「較」鬆下休息下掛,未必係擺款既,哈哈。

12:37 上午  
Blogger 芒姐 said...

雪人,

又似你同金髮美女的一位mutual friend...係同一位定係另一位? (因為我記得上次你又講過有個人似你o地o既mutual friend嘛!)


亦都要多謝你讚美我+我的讀者...唯一可以解釋到o既都係我成日講o個句: "癡癡呆呆...坐埋一[木台]"嘛! 希望大家唔介意我categorize你o地為"癡癡呆呆"啦...哈哈哈!

12:40 上午  
Blogger 芒姐 said...

匿名者,

哈...你果然係睇得好仔細, 亦都好心水清! 很好!

其實我睇時都無諗到呢d疑團...而答案都係估估o下...知道答案o既朋友請指教...

re疑問(一):

我諗係明周o岩...講到佢o地飛晒過去加拿大, 應該o岩o卦, 同埋通常d明星都鍾意送仔女去外國, 尤其佢講到佢個仔都唔係咁讀到書, 又去o左國際學校...香港咁competitive o既教育制度佢唔會survive到o架喇! 而且, 明周一向可信d!


re疑問(二): 其實正常係十九歲入大學, 咁但係有d未生日o既同學, 都只係十八歲...如果去美國或加拿大某d地方, 係讀完grade12就入大學, 咁十七歲入大學其實唔出奇! 同埋o係國際學校跳一兩班其實亦很平常! 相信佢個仔唔需要太醒都可以做到.

re疑問(三):

其實我唔肯定鄧靄琳係咪去讀degree, 可能係就咁一個course, 又或者係diploma...我真係唔知喇呢樣! 不過佢好似係入o左行先讀浸會傳理系o架...所以可能佢本身已經係degree holder...要check一check!

如果佢本身有degree, 再讀另外一個degree應該唔洗讀晒三年!

至於陳慧嫻...據我所知, 佢應該係讀得比一般人耐o既 (唔記得止唔止四年...), 事關佢一向都唔太係讀書材料, 所以讀呢幾年書對佢o黎講其實幾吃力...同埋, 我覺得對佢o黎講直頭係一個最錯誤o既決定...雖然話o係呢個年代, 唔讀過大學都係有少少遺憾...但係o係娛樂圈根本就唔需要啦! 再加上佢並唔係讀書材料, 唱歌先係佢強項...o係學校, 佢都淨係主力玩talent quest! 娛樂圈呢d o野, 一過o左時機就無o架啦嘛...除非佢諗住讀完書轉行, 否則一走o左就好難好得番起...仲要佢係o係最紅時離開, 又讀咁鬼死耐都未讀完...返番o黎成個樂壇已經係另外一個世界! 最慘係除o左流失o左一大班fans, 連個男友+最佳拍檔都無埋...真係賠了夫人又折兵!

oh...我o地呢度忽然間變成升學研讀會添...哈哈!

最後, 好認同你講佢個仔有幾咁笨+不能在喇沙survive到的分析! 笑死我!

1:00 上午  
Blogger 芒姐 said...

茵,

我都同意你o既講法...佢咁樣只可以話係唔識do...注定無阿sa咁討人歡喜! 除o左個樣靚d, 其實阿嬌o既性格真係唔多o岩娛樂圈囉! 成日都目無表情咁...你估王菲咩?!

1:02 上午  
Anonymous 匿名 said...

Oh! 陳慧嫻唔係讀書好叻架咩? 聽聞佢初入行o個兩年經常晒自己會考成績好好, 直至入唔到港大先無再將讀書成績掛o係口唇邊... Oh! 原來我俾人欺騙左咁多年!!

2:06 上午  
Blogger 芒姐 said...

匿名者...

um...睇o下你認為點為之叻啦...每人o既standard都唔同o既...或者o係o個個年代讀到預科都唔係太差o既...至少肯定佢讀書叻過同佢同級o既林憶蓮! 可能係我要求太高o者...o係娛樂圈, 佢唔算差o卦!

2:30 上午  
Anonymous 匿名 said...

芒姐,

都係講緊同一個mutual frd 呀~

7:47 下午  
Anonymous 匿名 said...

"疑問(三)" 記憶所及, 如果我冇記錯, 當年吳錫輝係已經有太太, 但聞說同鄧有親蜜關係, 事件被公開, 鄧就話去外國讀書, 吳後來同太太離婚, 鄧返港與吳結婚 ~~~

5:00 下午  
Blogger Asma Killy said...

它是有趣的和漂亮的分享,我很高興查看你的有趣和翔實的博客,以保持它在我的書籤和會顯示給我的朋友們,特別是這後,您的博客,希望,你會保持它了,並會讓您的博客更多的信息和有用的,你會藉機努力,
http://fashionsglobe.com/home-decoration/garden-decor/

3:17 下午  

發佈留言

<< Home