10-1(sun) 藍月亮
Oh…點解禮拜六晚幾個鐘頭o既黃金時段節目, 居然有三個係amigo主持…我知道佢係被受力捧, 又係高層愛將…但可唔可以唔好太over呀?!
新一輯“心大心細”, 無o左歐倩怡, 取而代知o既居然係每一次出場都強調自己係“思琦妹”o既思琦姐…以佢呢位“一級豬”去配鬼才林敏驄, 真係好格格不入! 佢每次出場 (尤其係開埋口)…都真係嚇死人!!! 佢做主持, 真係差到無人有…而林敏驄講o野, 亦都係抵死到無人有…笑死我! 如果呢個節目無o左阿思琦姐, 相信會更好!
o係網上見到一張十幾廿年前唐寧 (江麗娜)+李永豪 (李泳豪) o既劇照…童星年代o既李泳豪絕對係一線之中o既一線, 雖然江麗娜都多戲拍, 但拍埋佢度都係靠邊站…又有邊個會諗到, 長大後o既李泳豪會做o左茄喱啡中o既茄喱啡, 而唐寧都叫做係新?力捧花旦呀…真係世事難料喇!
我依然強調…我細個時都好鍾意睇李泳豪做戲o架…見到佢依家咁, 真係戥佢心o翕! 同埋我依然強調…我好怕佢o個位超級可愛靚女香港小姐冠軍女友…楊思琦小姐!!!
Hohohoho…睇番節目表, 下個禮拜三(十月四日)開始, 亞視o係深夜四點幾會重播“藍月亮”!!!!! 希望係真o架啦…你知亞視最興今日講o左話重播呢套, 聽日又抽起o左佢o架嘛…希望佢今次唔好令我失望, 我真係期待o左睇呢套劇好耐…o係幾年前, 我已經o係日記度講話好希望有機會睇番呢套劇…
2003-8-16(sat) 大提琴與點三八:
“本來以為今個禮拜做完我最喜愛o既“律政新人王”, 下兩個禮拜上埋o個兩套完全唔掂o既新劇…我就會無晒牽掛, 可以專心一意咁去溫書…點知, 依家我又再重拾我o既電視寄託…好忙呀我! “大提琴與點三八”喎…點可以唔睇呀？下一套, 我希望可以睇“藍月亮”…因為個個都話好睇, 但係我未睇過呀!
重溫呢套劇…我諗最吸引o既並唔係佢o既劇情, 而係佢所勾起o既童年回憶!
一句講晒: 情意結!!!”
2005-8-19(fri) 槍神:
上個禮拜唔覺意睇到亞視, 原來又 (注意: 係“又”) 重播“縱橫四海” (用來打深夜重播的“尋秦記”), 仲一日播兩集…o係6年內重播o左n次…應播o個d又唔播…我仍然強調我係好想睇番有好多有睇過亞視o既人都推介o既青春劇---“藍月亮”…但我咁多年都未睇過! 好似又係有萬二蚊同埋潔儀姐姐…d朋友話好好睇o架喎…可以媲美亞視90年代“經典偶像劇”…大提琴與點三八” !
想o係網上面search o下“藍月亮”呢套劇o既資料…點知近乎無! 淨係搵到少少關於潔儀姐姐o既o野…等我今次睇完之後自己寫…
“袁潔儀，89年亞姐出身，記得他拿了個“大食小姐”獎，那時候覺得他與萬綺雯是最佳拍擋，因?很多戲他們都一起，一起愛上同一個男人、一起被同一個男仔愛，象《藍月亮》、《大提琴與點三八》(芒按: 係咩?! 真係唔記得o左有佢添?!)，那時候的亞視很多青春劇，也是我最喜歡看亞視的那段時候，如有他或萬綺雯主演的《原來阿SIR係隻鬼》 (芒按: 呢套又真係好好睇!)、等我真的很喜歡.”
其實呢期d重播劇真係幾得喎, 搞到人好鬼死忙…禮拜五晚好夜都未[目訓], 無啦啦睇到一套翡翠首映: “轉世驚情” …都幾騎呢o下! 個cast係陳豪+唐文龍+梁琤+關德輝…咁o既cast, 唔怪得知無得o係黃金時段播…但都唔洗o係咁夜首播呀?! 播o左都無人睇啦, 咁不如唔好播!!! 同埋其實好似聽都未聽過有套咁o既戲囉…幾時拍o架?! 仲有, 唔知隻主題曲邊個唱? 其實個旋律係ok, 但o個個人唱得超難聽!
最後, 十月“芒姐再現”新feature…讀者shaw_mag介紹o既“blog裡留voicemail”新現意…不過我仲未摸清點玩啊…唔知u唔user-friendly呢?!
posted by 芒姐 at 3:31 上午
26 Comments:
崔建邦個樣有D似劫殺的士司機個凶徒! 他昨晚(勁歌季選)說英語添呀 ^0^
Another feature, since I know you like sing-K a lot :
越洋合唱K
http://sidekick.myblog.hk/archives/2006/07/03/827/
shaw_mag,
oh, 好可惜...我依家清緊部電腦o既毒, 準備re-install過windows, 用緊safe mode...唔知點解聽唔到聲, 暫時玩唔到呢d features添! 太可惜喇!
miu,
哈哈哈..少少似啦!
佢唔係做得唔好, 但未免太多喇!
邊位之前提過'他令我改變'
http://www.youtube.com/watch?v=kvxBgmOy2AA
係我呀! 嘩!!! 多謝你呀, m, 真係好多謝你!!! 我搵左好耐架喇, 多謝x10!!!
首歌好好聽呀! 哥哥把聲同梅姐把聲係出奇地和, 兩位巨星果然係最佳拍擋!
原來湯鎮業後生時都真係幾靚仔!
many many thanks to m!
李永豪 (李泳豪) 細個時又真係幾精靈, 想唔到而依會搞成咁!
"以佢呢位“一級豬”去配鬼才林敏驄, 真係好格格不入! 佢每次出場 (尤其係開埋口)…都真係嚇死人!!! 佢做主持, 真係差到無人有…"
Agree!
oh...我仲未整番部電腦, 只係睇到但聽唔到個"他令我改變"mv啊!
不過套"五虎將"都真係久違了...唔記得o左首主題曲叫咩名呢?
Sandy,
靚佬湯當年被公認為五虎中最靚仔o架...不過之後唔知點解跌watt跌成咁o者!
B,
李泳豪細個真係好得意, 好精靈, 做戲仲要幾得o下...真係唔知點解大個o左會搞成咁?!
Phoenix,
hohohoho...發覺原來都真係好多朋友唔buy楊小姐!
monjeh
主題曲係飛躍舞台, 即係 在台上我覓理想~~~~
另, 湯佬梗係靚啦, 要睇天龍八部+烈火青春!
btw, 藍月亮!!!
http://www.youtube.com/watch?v=mxVk7bJKxiI&NR
唔通見橫掂就黎重播就放出黎預告? :o
m,
oh真的好精彩呀, m! 整咩忽然會有人post呢段o野出o黎...之前o係網上搵極都係咩資料都無! 你果然係勁呀, 搵到咁多片...fully utilized youtube呀o下!
個片頭原來係一張張定格咁...仲要有容錦昌哥哥添! 就咁睇d相, 呢套劇裡面又好似潔儀姐姐吸引過萬二蚊...難怪你話劇中係羅頌華哥哥 (btw, 佢係咪都主持過500飛虎隊?) 揀佢而放棄萬二蚊!
同埋...個片頭好"夢劇院"囉!
又, 我就係成日記得"在台上我覓理想"呢句, 但又唔知隻歌叫咩名...我細個一直以為係叫"五虎將"囉...哈哈! 另外, 我想問主角係邊幾個呀? (我記得有苗僑偉, 楊盼盼, 靚佬湯, 仲有"儂本多情"做商天娥之前個情人o個個男仔...但係又唔係真係有五虎o架喎!)
噢! 我睇過"烈火青春", 有哥哥同葉童o架嘛... 係呀, 湯鎮業同哥哥都好靚仔o架, 反而葉童就真係完全唔起眼!
五虎將仲有董瑋, BTW, 果個放上 youtube 既人兄/姐 好似係羅頌華哥哥 fans!?
Re: "儂本多情"做商天娥之前個情人o個個男仔
戲中("儂本多情")個名好似叫紀曉男, 真人就真係唔知喇, 要睇番隻vcd先知!
o下? 鐵齒銅牙紀曉男???!?!??!?!
佢o係"五虎將"好似叫唔知咩亮...定係真人呢?! 八十年代初至中o既劇集成日都有佢o架喎!
m,
係呀...我初時以為係atv fans, 點知睇埋佢其他片, 就知原來係羅頌華哥哥..."八婆會館"又係佢, "藍月亮"又係, 連我之前提過又無人睇過o既"四驅橋聖"都有...真係令人振奮喇!
Sandy,
98年上新版"烈火青春"時, 我都有去kps租番舊版"烈火"o黎睇...不過我都唔記得有靚佬湯lu...葉童個look好怪!
monjeh
呢篇野寫得好正
http://swtsang.mocasting.com/p/74419
98 年果陣時你已經係 FA FANS??
Re: 鐵齒銅牙紀曉男???!?!??!?!
No la! "鐵齒銅牙"那位是紀曉嵐嘛! 以前o係電視睇"儂本多情"時根本唔知邊個係紀曉嵐, 到後來睇vcd見到o個位人兄叫紀曉男, 都"o下"o左一聲!
哈哈哈...其實"儂本多情"d演員名個個都改得幾有趣o下...仲幾有詩意添!
m,
哈哈..."他那雙像古代神殿大理石柱的腿，再加上那副結實的身材"...搞到人想再重溫o下添!
無錯, 97年"二丁目"之後己經係fa fans啦...記得98年高考...溫書溫得悶悶地仲特登走落去太古城kps?o下在做商台直播節目的千FA..作為一個高考生, 做出d咁o既事, 實在無聊得很! 不過通常都係考試個人先搞到咁癲o既o者!
發佈留言
<< Home