2006年10月7日星期六

10-7(sat) “奪面雙琪”七周年+一周搞笑娛聞回顧

呢排d娛聞頭條都離唔開鋒芝同蒙面…不過幾有娛樂性o下! 所以話, 呢個娛樂圈真係無奇不有!

“猶 記 起 七 年 前 伊 健 的 生 日 , 梁 詠 琪 從 其 寓 所 離 開 , 無 盡 的 是 非 接 踵 而 來 , 七 年 後 , 看 來 伊 健 已 擺 脫 陰 影 , 想 得 通 透 , 大 大 方 方 確 認 蒙 嘉 慧 「 正 印 女 友 」 的 身 份 。 不 過 當 YoYo 被 問 及 七 年 前 梁 詠 琪 陪 伊 健 過 難 忘 生 日 時 , 她 即 面 色 一 沉 。”

原來“奪面雙琪”話咁快就七周年…前幾日又到鄭伊健生日 (btw, 點解佢會剪o左個監犯頭?), 佢每年生日, 總令人諗起“生日會”事件…不過今年就係景物依舊, 但人面全非! 女主角由好勝gigi變成蒙嘉慧, 反而大眾o既接受程度提高o左好多…鄭e健亦o係“志雲飯局”默認o左“羽毛波之戀”正繼續發展中!

好勝gigi就唯有再次好好勝地搵個法仔出o黎影張相…真係…好.得.意! 而比佢孖生細路同佢更似孖生o既陳曉東, 真係除o左個樣, 連d舉動都同佢一模一樣 (雖然我曾經o係“結他”同埋“愛你躲你”年代勁buy東東)…又係見舊愛結婚立即拖個新歡出o黎晒! 可能係為宣傳啦, 但總之個感覺都係同gigi“一擔擔”…又係[火羅]爆!

至於柏芝同霆鋒…正如大家o係之前o個篇發表o既留言話齋, 佢o地真係衰埋一堆o架喇…生個仔出o黎似佢o地咁都唔知點算好?! 睇報紙有段評論o係度寸佢o地話“癲喪夫妻, 玩死記者”…因為根本都唔知佢o地想點, 超情緒化…一時又話呢樣, 一時又話o個樣…做埋d o野古古怪怪! 人o地就負負得正, 佢兩個加埋就只係玩死記者咁話喎! 其實佢o地呢次高調倉卒o既婚事…真係似幫謝檸檬造宣傳多d! 反正柏芝又恨生仔, 連佢家姐個b佢都幫人養埋, 咁不如自己生番個…姣婆遇著脂粉客, 無o野好講!

但係佢兩個走埋一齊, 唔知點解有種細路扮大人o既感覺…兩個小朋友玩結婚, 有d核突…仲話要先行老爺同姑仔政策, 首先搞掂四哥同婷婷, 先再向拉姑埋手…總之就係搞笑啦! 仲有呀, 阿檸檬嫂依家瘦得好恐怖, 睇見d相佢對手直情變o左阿婆手, 見晒骨咁…廿幾歲就搞成咁, 佢以前好靚o架嘛…仲要唔係一般靚, 而係好靚o個隻…點解依家, 會跌watt跌到咁? 幾乎連婷婷都靚過佢囉!

仲有另一段新聞又係好搞笑o既…

“拉姑昨日心情大好,因為自從她公開表示因為未獲知兒子結婚而喊足7日後,已沒有人再恭喜她榮升奶奶。”

…因為無人再恭喜佢榮升奶奶所以心情大好…咩logic o黎o架?!

哎! 呢堆人都係“藤lun瓜, 瓜lun藤”…個個都衰埋一堆! 真係不得不講多一次…癡癡呆呆, 必定坐埋一?!

仲有個欣宜, 阿媽入醫院都仲不停咁去做訪問…連佢去探阿肥姐都要接受“東張西望”專訪, 又話瞞住阿媽拍mv係為o左俾個surprise佢…真得意! 個阿媽就o黎死佢仲要走去拍mv…真係唔知有幾咁驚喜?! 咁又係, 可能仲驚喜過佢個friend阿拉姑!



(**更新: 剛剛睇o左欣宜姐最新o既mv…其實去年“白雪公主事件”, 都有少少戥佢可憐…但同情心有個限度…呢個mv真係頂唔蒲! 莫講話佢阿媽[目訓]緊o係醫院就唔應該搞咁多o野…而係佢咁樣un身un晒左扭右扭狂拋媚眼法…真係好可怕囉!)

跟住, 又見到有一段係講藝人“陳道然去參加蔡一智婚禮”…心諗: 邊個係陳道然呀?! 聽都未聽過…原來係陳淑蘭!!! 無啦啦改咩名呀? 個名用o左咁耐, 依家先o黎改, 邊有人會記得佢叫陳道然呀? 同埋講真, 真係從未見過有任何入o左行一段時間先改名o既藝人係會因此而改運或者紅得起囉…只會俾人感覺好騎呢!

最後, 我想問isabella究竟犯o左咩大錯而俾人雪成年? 如果只係話佢態度唔好, 揀job做…洗唔洗咁重罰? 咁樣對英皇本身都無好處呀? 每一日都係錢o黎o架嘛…不單止賺唔到錢, 仲要培一大筆俾人添…無理由佢o地會咁唔識計數o架…定係又係宣傳手法o黎o架咋?!

Last but not least…當然係今周最震撼娛聞…官恩娜o係眾目睽睽下俾人飛禮/狼啦! o個個男子又真係大膽o左d o既…嘩! 錫佢一啖, 分分鐘要坐監o架喎…值唔值得呀?!



(**更新: 剛剛o係網上睇完呢段強吻片段…坦白講, 無我想像中咁誇…?! 無想像中咁誇唔代表呢個唔係嚴重罪行呀o下! 令我諗起八十年代大show保安未有咁嚴密時, 成日都會o係電視大show見到d fan屎 (主要係女fans) 衝上台“強吻”偶像 (不過係塊面…呢個男fans又狼死d)…但大家又覺得係咩一回事…不過今次男fans狼吻女星, 程度上又係勁d o既!

但係我就咁睇段片, 又唔見得娜姐真係好傷心…仲笑笑口呀…或者佢未識反應啦?! 但以佢咁大溪地o既不拘小節性格…可能唔係真係咁覺得一回事 (至少係無大家想像到咁慘烈)!

26 Comments:

Anonymous 匿名 said...

isabella好似話成日發脾氣,2年內換左5個(大概)助手,又試過冇去幾個JOB,MANI就好沈痛地決定雪佢一年,等佢諗下佢未來條路點行

3:06 上午  
Anonymous 匿名 said...

雖然話雪佢姐
但係成日都見到佢拎呢單野出黎講又見到報
咁其實姐係有無雪到佢呢? @@

12:36 下午  
Anonymous 匿名 said...

芒﹐我覺得你今次寫既‘一週娛樂新聞回顧’﹐仲好睇過查小欣查篤撐多多聲!:D

2:25 下午  
Anonymous 匿名 said...

good weekly review...really captured the highlights of the week!

睇左欣宜個mv未?我頂得順白雪公主look但係都覺得呢個真係有d難頂喎, 懶sexy咁(同首歌都唔夾!)始終覺得佢呢個時候咁高調咁又戴哂超又做訪問又拍mv唔係咁appropriate囉!

有d人話呀娜娜之前有份當選"最想非禮女藝人"佢仲好開心咁話証明自己有吸引力,呢件事佢都有少少責任,唔知佢依家有冇後悔當時咁講呢!

4:15 下午  
Anonymous 匿名 said...

我看了forum的comment,整體上鳳凰4個結局,有兩個說法:

1) 思嘉有去到chapel,因為最後lift入面出現了十字架,代表她去了教堂
2) 思嘉沒有去到chapel,因為在最尾的conclusion,她說作為第四代,打破傳統婚姻云云。

看到最後一集,我覺得思嘉並不是十分愛ko。她只追求這一刻的快樂,但真正的愛並不是這樣。

4:35 下午  
Anonymous 匿名 said...

芒姐,最近才知道有妳這裡,用了整整一天重看妳的好東西。我也是美琪迷,很多年了。不知妳有沒有見過下面網友的對話,如果內容是真的,我覺得美琪很有傲骨。
----------------------------------
9 回复:?她?的
?主?的很有道理,而且看?子也是宣迷:)
好象上次看??道,?到面?最后??GIGI,他回答?,和GIGI一起演出了很多?,而且是演情?,确?有心?。而且最主要的是美琪太放心他了,??不相信那些??那段??好象?GIGI暗?面?的??也很多),也不回??他。??接?了他和GIGI造成了机?。??就想,女人相信男人?道也算是罪??象美琪那?的女子,我真的很喜?她的性格,?被作?面?背叛的借口。真是很?心,女人?道就???的柔弱??所以,不再看面?了,其?,本?就是因?美琪才喜?的。
作者: mini8980 2005-5-31 21:51   回复此?言
-----------------------------------
10 回复:?她?的
很同意?上的,那段??偶是看了《刑事???案四》有?感慨!?什么好的女人?是得不到幸福呢?前几天听小?儿?伊面在离?她大概一年的?候和美琪?:“只要你?一句?我就回家”。看?在的情形,她再?他,也始??有?出那句?。我??心里?得:一?人不是你的唯一,你便只有自己了。
很奇怪?我听到“只要你一句?我就回家”?句??,心里想的是,?你?然的?身离?的那一瞬?起,?里已??有你的家了。
有一种等待是心死,有一种新生是涅磐。浴火后的?凰?是美得不?常。
作者: 葡萄小皮子 2005-6-2 18:20   回复此?言
-----------------------------------
11 回复:?她?的
?得和老?去采?美琪?,听到她???我也很疑惑,?什么那么?他?不?口挽留,?在看?,美琪有她的?傲,既然已?背叛了,就再也找不到?初的感?,那么就?他?消云散吧。老?在美琪的叮?下??向任何人?起,而我也把它?封在心里3年,那天遇到你?,我?得???大家更了解美琪的?人,把它解封,希望我的做法是?的,美琪不?怨我不守?言!真的很佩服老?,作?一?媒介的人???一????几次面的朋友??藏天大秘密。值得美琪信任
作者: aixltm 2005-6-2 20:04   回复此?言

7:33 下午  
Anonymous 匿名 said...

我諗isabella都係衰架啦~睇佢咁細又提名影后又乘.係得積d架啦!脾氣唔大就有鬼囉~加上細細個就發哂D明星夢.而家又有D成績啦.係巴巴閉d架啦!不過呢.我都覺得英皇唔會只係因為佢發脾氣而雪佢成年囉.一年喎!以佢而家個勢應該可以搵好多錢.所以我估可能係阿isabella唔肯陪老細!激嬲阿楊生!

7:36 下午  
Anonymous 匿名 said...

芒姐, 你個review 好得呀! 寫得好吸引 :)

官恩娜單新聞都幾震撼呀~ 不過學你話齋, 為左娜娜而坐監, 值唔值呢?? 我睇報紙話某d 圈中人都幸災樂禍呀...

8:20 下午  
Anonymous 匿名 said...

Dearest Monjeh,

我諗肥肥將會被激死rather than 病死,個女書又唔讀,返來香港又唔探病,死去拍MV, 仲掛住戴副死人烏蠅黑超去接受訪問!

(I also left this same message @ 帶銀公主男友的Blog! )

Your fan,
CC

9:26 下午  
Anonymous 匿名 said...

個兩段you tube 片我之前都有search 過0黎睇呀

我都覺得阿欣宜狂拋媚眼同扭身扭勢有點兒...難睇囉~

不過佢唱歌就比我預期中好好多~
其實既然佢駛歌懶係勵志咁叫咩「靠自己」,點解唔拍得老土d, 勵志d, 而要拍到咁妖冶呢? 佢拍得低調d, 我的接受程度會高好多

12:17 上午  
Anonymous 匿名 said...

同埋我諗極都唔明, 點解拍個扭身扭勢扮妖冶扮wild以為自己好索的mv = 有孝心?
我完全唔明白背後個logic...

12:57 上午  
Blogger 芒姐 said...

雪人,

喂! 首先多謝晒你o既讚美先!

其實我覺得阿娜姐單o野, 又無大家形容到咁可憐...佢自己其實都唔係真係咁hurt...不過既然大家煲到咁大, 梗係乘機見多兩日報啦!

至於阿欣宜姐背後個logic...我都百思不得其解! 或者肥姐見佢扭得咁高興, 都會忍唔住起身shake her body o卦?!

佢o既歌藝...係不嬲都唔錯o架! 如果唔係咁醜人多八怪, 可能會討好好多!

1:18 上午  
Blogger 芒姐 said...

CC,

或者阿肥姐見到會覺得...oh, 我個女真係失禮人...然後即刻起番身咩病都好番晒呢...欣宜都係用心良苦o者!

1:20 上午  
Blogger 芒姐 said...

rainbow,

係你o既諗法都不無道理...果然係高見高見...我諗都似喇! 當年葉佩汶同何嘉莉都係因為咁所以被雪之嘛!

1:22 上午  
Blogger 芒姐 said...

匿名者,

感謝你的捧場! 我也相信美琪是很傲骨的! 不過一切已成過去, 鄭伊健與蒙嘉慧一起都好過好勝gigi o既!

1:24 上午  
Blogger 芒姐 said...

bb,

我估係(2)...不過d咁o既open ending, 又未免太open, 拍o左等如無拍!

btw, 知唔知邊度有得睇番第26集?! 我仍然無得睇!

1:26 上午  
Blogger 芒姐 said...

tfil,

多謝讚賞!

剛剛睇o左欣宜個mv...真係白雪公主我都忍你, 呢個扭屎忽花mv真係頂唔蒲!

um...娜姐都要負少少責任o既...不過其實我又覺得唔太關佢講關於當選"最想非禮女藝人"之一o既言論, 而係佢一向個形象又性感又熱情如火, 係令人想入非非d!

1:29 上午  
Blogger 芒姐 said...

vertical club持咭金髮美女,

喂! 多謝晒啦! 仲勁過查篤撐...我唔敢當!

麻煩你話我聽我應該點俾番張卡你?! 我真係搵暈全屋o架, 因為一年以來都無掂過...幾驚搵唔番你張卡呀! 嚇死!

1:35 上午  
Blogger 芒姐 said...

paul,

有o既...雪o左幾日囉...跟住又?番出o黎講幾個禮拜...咁都唔知算唔算雪喇?!

1:36 上午  
Blogger 芒姐 said...

JOYCE,

isabella事件真係似乎宣傳多d...當年mani都用過呢招對付boyz o既steven, 最終咪又係不了了之...但係搏得幾日見報!

1:37 上午  
Anonymous 匿名 said...

平心而論, 其實欣宜係幾有天份o既, 唱同跳都好過好多人, 但係佢最弊就係成日以為自己好靚女, 作狀, 同面皮厚, 好心俾人踩得咁勁就收歛o下啦... 真係唔知話佢樂天好定咩好喇! 不過其實我係幾欣賞佢咁樂天同永不言敗o既性格, 只要佢唔好再扮靚女同咁作狀, 我唔會太討厭佢o既!

其實我一直都好懷疑, 佢係咪真係秋官生o既呢? 論外型就真係完全唔似(佢同肥姐真係成個餅印咁, 不過我覺得佢阿媽靚d), 但係講演藝才華又真係似係有秋官o既遺傳喎(肥姐唔係幾跳得旭, 但係秋官幾十歲人真係跳得好過好多後生仔女)!

2:16 上午  
Blogger 芒姐 said...

Sandy,

我絕對認同你o既講法...舊年佢俾人勁踩o既時候我都有講過, 其實佢唱歌跳舞都好有天份, 醜...又大把人醜過佢, 呢個世上有幾多人真係好靚呀, 有咩資格話醜...但佢最大問題係佢作狀, 俗稱"醜人多百怪"...佢d懶迷人o既表情同埋懶誘人o既舉止...真係好嘔心...好多人其實唔係衰醜樣, 而係衰作狀, 自以為好靚咁...咁先係令人最反感o既!

佢初初出世個樣都有d似秋官o既, 依家又真係唔多點睇得出...反而同佢個同父異母妹阿詠欣幾似樣!

我都係覺得肥姐肥得o黎其實靚過欣宜好多, 皮膚白好多, 個樣精緻好多! 同埋以佢咁o既身形, 跳舞已經好靈活o架喇...定係因為六, 七十年代o既藝人個個都跳得o下呢?!

10:53 上午  
Anonymous 匿名 said...

哈哈哈,寫得好好笑!特別係欣宜果部份。
我係咁兒睇左陣個MV.......覺得有d似以前肥既時候既mariah cordero (係咪咁串)。

官恩娜果度...係幾得人驚架喎突然咁樣強吻~

6:26 下午  
Anonymous 匿名 said...

sorry係maria (唔小心打多左個H)

2:10 上午  
Blogger 芒姐 said...

茵,

我覺得肥媽扭得仲好睇過欣宜, 至少無o左"懶靚"o個個element, 浮誇都算啦! 欣宜妹...其實正正經經唱o下歌咪好囉...把聲咁好, 想走"偶像派"實在係o徙o左!

娜姐...又係可憐o既! 正如我個friend話...如果係吳彥祖可能會開心d...

9:54 上午  
Anonymous 匿名 said...

yo, when i saw gigi and her french bf on the ming pao weekly cover, i had the exact thought as you have! what a coincidence! 好勝gigi永遠是好勝gigi! ha

10:23 下午  

發佈留言

<< Home