H-E-J-N-O-M <=> 芒姐再現: 2006年8月19日

2006年8月19日星期六

8-19(sat) happy 150000…三白金喇!!!

各位觀眾…三白金!!!

2006年8月19日(星期六)凌晨一點左右, 我居然親自捕捉到呢度由149999個蘋果跳到150000個蘋果o既一刻! 哈哈哈…當然我有人為地[手禁]多幾下去造就o左呢個歷史性時刻! 上次o既雙白金時刻我捕捉唔到, 簡直引以為憾…好o左今次終於俾我親自見證到!

雖然呢個蘋果counter都真係好似我本人咁多defects, 時跳時唔跳又或者亂咁跳, 仲要同半年前“2006-2-25(sat) 芒姐再現”o岩o岩搬o黎呢度時加入o既小黃格一d都唔配合…小黃格到呢一刻已經跳到去"132164"格喇, 可能小黃格係準確地計番“芒姐再現”以o黎o既page views啦, 而蘋果就已經壞壞地, 唔知點跳…但我唔理, 食開有感情, 既然都食o左三年, 我會繼續以呢個紅蘋果counter為指標…都係o個句: 情意結嘛!

對於大家一路以o黎o既支持, 小女子不勝感激…芒姐何得何能? 根本從來無諗過會得到讀者如此厚愛! 由最初只係得閒發o下o翕風, 講下累積o左廿多年o既電視經, 再講o下生活瑣事o既“芒姐.diaryland”…演變成今日喻興趣於“工作”(其實係“娛樂”成份居多) o既“芒姐再現日記”, 見到自己是但o翕發花癲地講o下對電視娛樂o既愚見, 居然會得到大家咁大o既回響… 其實真係好意料之外! 網絡世界…真係可以你好估佢唔到! 舊年呢個時期, 呢度都只係得30000個蘋果, 一年之後居然多o左十萬個, 都真係要多得帶銀公主o既推介…無您, 就唔會有今日o既我!

我相信有一大部份o既讀者, 都係由帶銀公主度link入o黎…至於其他forum或者網頁, 我就真係唔知喇…亦都希望大家唔介意o既話可以留個言話我知!

其實讀者o既留言, 可以話係芒姐o既精神食糧, 係我o係煩忙工作以外繼續keep住呢個blog o既動力…每個讀者o既留言或者email, 我都一定會睇, 亦會盡量回覆! 其實大部份留過言o既讀者, 我都會記得, 尤其係留得特別多o個幾位就更加深刻…當然, 最記得o既梗係由以前芒姐diaryland已經留言o既讀者…好多雖然素未謀面, 但己經好似係識o左好多年o既朋友一樣!

無論你之前有無留過言都好, 如果你唔介意o既話, 歡迎留個言話我知你幾時開始入o黎同埋從咩途徑入o黎, 等我得個知字都好呀!