2005年8月3日星期三

8-3(wed) 港姐謝師宴

上個禮拜六set o左timer又錄唔到o野…好唔高興! 本來想睇o個個 “港姐謝師宴”節目o架嘛, 點知個錄影機又唔知出咩問題錄唔到…好可憐! 不過我相信呢個節目就真係無人會錄o架喇…算吧啦! 其實我已經無以前咁addicted to港姐show, 我都同意近年o黎呢d節目係吸引力大減…以前直頭會?o係屋企唔出街, 坐定定o係度追港姐決賽…呢個“港姐情意結”絕對係受我d表姐影響, 事關我幾歲時已經跟佢o地一齊o係婆婆屋企擔?仔坐定定o係電視機前面睇港姐, 仲要我同佢o地一齊俾分…須知道我當時只得5歲 (印象中係1984年高麗虹o個屆), 完全唔知點為之靚? 點為之身材好? 但都好認真咁坐o係度俾分…表姐叫到嘛! 但就因為o個次 (加埋之後可能仲有幾次), 就培養o左我呢個俾分習慣, 到九十年代直頭畫定張俾分紙坐定定俾分!

今年港姐又係好似上年咁將準決賽同決賽combine埋一日一舖過快晒…咁都難怪o既…o係大家對港姐幾乎已經完全失去興趣o既今日…好難再同八/九十年代比…所以咁樣做都可以慳番d budget! 上年就整個咩 “香港美麗大學”, 今年就走溫情路線, 又去探訪南亞災區, 又要d港姐分組去完成一d tasks…十足十大學o’camp咁…要d港姐show到懶係團結! 最頂癮係有一part要d港姐圍住o係度share感受, 又話要大家互相遊說其他佳麗o係海嘯中俾佢先獲救, 大家講到喊晒咁…

今年d港姐睇睇o下都順眼o左好多, 仲個個都好似某d“明星”, 有個我覺得似郭藹明, 有個似race, 有個似theresa…但最似o個個係5號=彭晴 (港台dj)…不過我都係最睇好呀鄧英敏個女鄧上文…佢有表演慾, 幾有potential…總好過呀欣宜姐! 另外我覺得15號陸詩韻同埋12號張允姿都有機會跑出!

oh…hocc個舞台劇居然兩o下就賣晒飛, 洗唔洗賣得咁快呀? 又無得睇!

另外, 尋日睇 “東張西望”見到陳子聰同埋吳彥祖, 尹子維, 連凱“四大型男”話唔知夾咩band…見到陳子聰依家肥嘟嘟咁, 都唔知講咩好? 以前佢好型, 拍得住吳彥祖o架嘛…點會搞成咁o架? 唔知係咪呀賭王下令要谷肥佢, 等佢無咁多狂峰浪蝶呢?

仲有, 我好欣賞我前偶像千fa回應緋聞o既技倆…記者問佢對於有傳佢係鄭中基一生o既第二最愛 (第一最愛好似話係佢初戀女友)有咩感想…佢話: “我好多謝佢o既支持囉!”…勁! 真係你吹佢唔漲!