2005年9月26日星期一

9-26(mon) 人間蒸發

今日開始上新劇“人間蒸發”…我都幾期待呀…事關“懸疑劇”我不嬲都幾buy (感覺同“刑事偵”有d似添!), 仲要d主角都幾合我心水…所以呢套劇拍緊o既時候我已經有留意! 首推當然係勁有型o既苗僑偉啦…上次睇 “學警雄心”都係因為要睇佢復出之作…呢套都係繼“學警”之後期待o左好耐! 尤其佢配吳美珩都幾fit…好過上次拍米雪 (再次強調, 米雪唔係唔好, 仲係keep得超好添…不過拍苗僑偉始終有d姊弟feel)! 仲加埋廖碧兒, 正係“妙手3”之中我最鍾意睇o個幾個主角…咁一定要俾番d面啦!

至於八點o個套“翻新大少”…真係好唔該晒! 更加佩服無線o既勇氣…套咁o既倉底貨都可以改個名就扮新戲上…呢套甚麼“鴨寮下的金蛋”好似已經o係無線o既收費頻道播過, 依家改個名就當新劇上…仲要咁多個主角除o左歐陽震華, 真係無咩邊個討好…但歐陽波比十年如一日o既搞笑面口其實大家都睇到有d膩! 至於其他o個d主角就真係…完全唔明無線呢期點解無啦啦力捧蔡子健, 俾佢做兩線劇o既“主角”! 跟住套劇d宣傳slogan仲要力sell三大港姐冠軍--向海嵐, 郭羨妮, 楊思琦一齊演出同一套劇…但三位冠軍人馬都咁…哎! 客觀地睇, 郭羨妮樣貌係算靚o既, 但真係一d都唔討好…我so far都未聽過任何一個朋友話係buy佢o既…另外o個兩位就唔洗講啦…尤其呀“向海”真係幾唔靚o下…佢頂多係做古裝時個樣ok少少…每次做時裝都有頗驚嚇o既效果!

尋晚個k-100最後一集o既“千夜星光k-100”都幾好睇…幾多精彩片段播番出o黎…唔睇番差d唔記得o左鍾淑慧+黃子揚+丘國良呢個組合…但最最最克人憎o既依然係o個個劉綽琪…佢真係咁耐都無變過, 永遠都咁吵耳…上個禮拜有個中秋節目又係有佢做主持, 又唔知自己把聲鬼死咁難聽, 一日o係度大聲叫囂, bilibala…好似街市賣菜咁…點解佢仲可以生存o係呢個圈o架…無線真係咁無人用咩?!

原來今年會重新有番“翡翠歌星賀台慶”…嘩! 久違了的節目…細個年年都力追o架! 不過後尾又確係愈做愈求其…難怪收視屢創新低! 其實無線91年第一次將d歌星分拆做一個台慶節目, 都係因為歌星人數愈o黎愈多, 人氣又愈o黎愈勁…但到o左96, 97年, 歌星開始失勢, 大牌歌星又唔出呢d節目, 連出道兩年o既kelly都可以做隊長…確係不成氣候! 依家停o左差不多八年再整番呢個經典節目出o黎…我幾期待!

但最邪o既係尋日o係度整理d珍藏錄影帶時, re-re o下wind (即rewinding) 一餅“94翡翠歌星賀台慶”時, 居然斷帶囉…好好好sad呀! 幾年前都試過斷o左餅極具珍藏價值o既帶…搞到我幾心痛, 整夜唔?都要修補番佢 (詳情好似之前講過, 唔再講多次喇)…尤其係d大show比起劇集更難錄得番, 因為更加少出vcd (雖然好似依家“台慶”都出晒vcd喇)…但今次要我修補番我又覺得好煩, 又要拆帶, 又要黐番佢…好大工程! 哎! 錄影帶的確係比較脆弱…可能我真係要考慮將所有錄影帶錄晒落vcd!

呀! 多得讀者朋友報料: “我本善良”好似即將出vcd喇, 所有 “我本善良”fans萬勿錯過! 仲要係o係我o既 “合作伙伴”YesAsia度有得預訂…當然要幫佢o地宣傳o下! 我問過YesAsia喇, 確係10月7日開始有售…唔知會唔會送番隻俾我呢…呵?!

Image hosted by Photobucket.com
(但我唔明點解“我本善良”vcd封面係用溫兆倫同邵美琪呢期o既近照o既呢? 我覺得用番齊浩男同石伊明o既造型會經典好多喎! Oh…where is my“俄羅斯屋頂頭”石伊明&“騎著電單車的黑皮褸”齊浩男?!)


亦要多謝另一位讀者朋友報料: 找到 黃翊“最愛的妳”歌詞.