2009年2月2日星期一

2-2(mon) 噢! 賣飛佛...G.O.D. X ATV + RTHK 經典電視劇TEE!!!

嘩哈哈哈哈哈…半年前提過o既 G.O.D. x ATV經典電視劇crossover tee, 原來終於出o左喇…唔係o個日咁o岩行過G.O.D.都唔知添…宣傳未免係太少喇! 其實幾個月之前我行開G.O.D., 都有順便問o下sales妹妹呢d電視tee出o左未…佢俾一個十分匪夷所思o既反應我…搞到我好似黐線咁! 哈哈…妹妹, 你實在太無留意時事同埋你公司o既product/新聞喇!

嘩…o的tee型到呀…直頭係為我o地呢“亭”懷舊電視迷度身訂造啦! o個日我見到有我好喜愛o既"變色龍", 仲有“鱷魚淚”, 連“家姐細佬飛髮舖”都有! 上網search o下, 原來連我更喜愛o既"I.Q.成熟時"都有出tee呀...噢! 點解我o個日見唔到o架? 唔通已經俾人買晒...?!

一件要成$250, 其實就貴o左少少o既, 我見有件港台“鏗鏘集”logo恤要$350添呀…哈! 我本來諗住等佢減價先買, 但我d朋友個個都叫我唔好等, 因為到減價時可能已經無我鍾意o既款同size...um, 我初時以為呢d衫應該無咩人買添, 但觀乎我o個日經過已經唔見有"I.Q.成熟時"tee呢個事實, 可能呢個世界上真係有唔少懷舊電視迷 (咁又係, 至少呢度都有唔少:p)...咁我可能真係應該打鐵趁熱...正所謂"千金難買心頭好", 二百幾蚊我都仲負擔得起o既...!

原來呢d衫有咁多粉絲…咁大家都快d去買喇…我唔介意同各位電視迷一齊著起呢d“朋友裝”o係街上相認…嘩哈哈哈哈哈…:p


(G.O.D. X ATV + RTHK 經典電視劇TEE...噢賣葛!)

上網search番, 原來上個月都出過兩則有關新聞o既…

**********************************
T恤撈電視汁

【明報專訊】潮流興「集體回憶」,除了懷舊小吃和古色古香的建築物,電視劇也是一代人的集體回憶。G.O.D.最近推出一系列經典電視劇集T恤,但不是許多人熟悉的《狂潮》、《網中人》,而是亞視和港台的經典電視劇集。配合每件獨一無二的設計與圖案用色,令這個crossover配搭突然變得cult起來。像當中的《鹹魚豆腐白菜仔》就很有英倫跳蚤市場Camden氣息;《變色龍》的黑底金字很有江湖味;還有《繩之於法》則形神俱全,率先打響2009年度本地創作潮。
名稱﹕ATV, RTHK × G.O.D. 經典電視劇集T恤
品牌﹕G.O.D.
售價﹕$250至$350

**********************************
黃金電視劇

(星島日報報道) 最近G.O.D.推出一批經典電視劇集Tee,其中一個系列主題,取自當年大受歡迎的麗的電視劇集名稱,如《變色龍》、《鱷魚淚》和《鹹魚、豆腐、白菜仔》等,其中最令我注目的一款Tee,其心口處印有《I.Q.成熟時》的字樣,令我立即勾起當年晚晚「電視汁送飯」的日子。

就算泄露自己年齡秘密也要說,《I.Q.成熟時》是我十大喜愛電視劇的三甲之一,劇中角色如朱仔(鄧藹霖飾)、細細粒(鄧慧詩飾)和花灑(莊靜而飾),更是當年大部分男學生的夢中情人!戲中情節和人物性格的單純清新,完全沒有夾雜現時的「超低能、勁搞笑」成分,看起來格外賞心悅目。

此外,劇中兩名男主角鍾保羅和蔡楓華的瀟灑俊秀,同樣叫人懷念。

**********************************

o個日睇到呢個tvb賀年mv…係今年咁多首之中我最鍾意o既一首 (舊年我就最鍾意“酷拜”)...旋律輕快, 拍出o黎o既感覺亦都好熱鬧好興奮啊!

TVB賀年歌 - 擦亮新歲…



btw, 聽聞我超鍾意睇o既"律政新人王"今個月會出dvd喇!