2008年7月24日星期四

7-24(thurs) 變色龍回顧

尋晚“變色龍”終於大結局…我懷住期待o既心情, 撐住眼瞓諗住睇埋呢套追o左兩個月o既上世紀七十年代近百集長劇…點知睇完尾二o個集…就瞓著o左…真係激死! 我一心諗住要睇埋佢o架嘛! 但係呢套劇又好似無咩人upload上網, 睇到最尾miss o左個結局, 好掃興囉! 實在太過份…等我再上網search o下有無先!

上次已經講過“變色龍”隻主題曲真係愈聽愈kum聽, d歌詞真係好得…尤其係三十年後聽番更另有一番感覺…真係“人生與命運, 原是一天百變”…尋日尾二o個集一開場潘志文同劉志榮o係尖東打交, 跟住馬敏兒向新世界中心方向走o左去…嘩! 睇番o個d三十年前o既香港街景真經典…o個時新世界中心仲起緊 (依家已經覺得佢係好舊o既建築物), 望去另一邊有個倒三角型物體又係起緊…唔知會唔會係紅館呢? 仲有佢o地打交o個塊地, 依家就係星光大道往尖東方向o既必經之路, 仲可以望到對面海o既景物添…我有時經過尖東都會特登行o下o個度睇o下景…好有趣! 最鍾意睇番呢d戲劇版o既“光影流情”…好得意! 亞視應該物盡其用, 剪晒呢d三十年前後香港街景對照o黎同無記個“光影流情”對hum o下嘛!

咁就三十年…真係整整三十年喎, 真係一段唔短o既時間…劇裡面有一大半演員已經唔o係度,即使o係度o個d都有青年變成甘草! 我真係好想知道依家馬敏兒同蔡瓊輝變成點呢? o個個年代o既麗的花旦, 我最鍾意都係佢o地兩個! 原來蔡瓊輝一開始係做麗的新聞報導員, 又幾意想不到喎…唔知youtube會唔會有人有d珍藏片段呢?

呢幾日睇番之前十幾日d報紙, 原來上個禮拜蘋果都有順住個勢做o左少少深夜重播劇“變色龍”同埋“衝上雲霄”o既回顧…值得睇o下:


http://appledaily.atnext.com/template/apple/art_main.cfm?iss_id=20080713&sec_id=462&subsec_id=830&art_id=11341785&cat_id=10141962

時 光 倒 流 30 年
黃 金 視 窗 : 劉 翁 變 色 龍 勾 老 港 回 憶


沉 靜 多 年 的 電 視 大 戰 , 近 日 已 移 師 到 深 夜 時 分 , 無 綫 、 亞 視 深 夜 重 播 的 劇 集 , 紛 紛 成 為 觀 眾 熱 烈 討 論 的 話 題 , 吸 引 程 度 遠 勝 黃 金 檔 首 播 劇 集 。 其 中 無 綫 重 播 03 年 以 航 空 業 為 題 材 的 《 衝 上 雲 霄 》 , 靚 人 靚 景 配 搭 , 結 果 創 下 無 綫 深 夜 時 段 高 收 視 紀 錄 , 平 均 有 7 點 ( 約 有 44 萬 觀 眾 捧 場 ) ; 那 邊 廂 亞 視 為 悼 念 「 鎮 台 之 寶 」 劉 志 榮 病 逝 而 重 播 78 年 的 《 變 色 龍 》 , 熟 識 的 面 孔 和 香 港 舊 貌 , 滿 載 香 港 人 的 集 體 回 憶 ; 兩 部 劇 集 兩 種 情 懷 , 惟 欷 歔 的 是 , 不 論 30 年 還 是 短 短 5 年 , 兩 劇 演 員 在 事 業 和 人 生 旅 途 上 已 有 很 大 的 轉 變 , 正 如 關 正 傑 主 唱 的 《 變 色 龍 》 主 題 曲 歌 詞 「 人 生 與 命 運 , 原 是 一 天 百 變 」 般 發 人 深 省 。


(1978 年 首 播 的 《 變 色 龍 》 一 班 演 員 , 當 年 登 上 麗 的 官 方 刊 物 《 電 視 週 刊 》 的 封 面 , 相 隔 30 年 後 , 雜 誌 已 停 刊 , 封 面 人 物 有 的 淡 出 娛 圈 , 有 的 回 巢 再 戰 , 更 有 的 早 已 離 世 , 令 人 欷 歔 不 已 。)

棄 演 從 政 惜 早 逝

劉 志 榮 ( 飾 賀 昇 )

《 變 色 龍 》 和 80 年 的 《 大 地 恩 情 》 也 是 劉 志 榮 的 電 視 劇 代 表 作 , 尤 其 《 大 》 劇 中 飾 演 九 斤 一 角 更 叫 觀 眾 留 下 深 刻 印 象 。 其 後 劉 志 榮 以 主 持 和 司 儀 工 作 為 主 , 包 括 多 屆 亞 姐 選 美 司 儀 及 主 持 遊 戲 節 目 《 開 枱 》 等 , 被 喻 為 亞 視 鎮 台 之 寶 , 99 年 劉 志 榮 離 開 亞 視 從 政 , 惜 今 年 5 月 15 日 因 心 臟 病 引 致 併 發 症 逝 世 , 終 年 56 歲 。

移 民 加 國 將 回 巢

潘 志 文 ( 飾 鄺 志 立 )

潘 志 文 乃 《 變 色 龍 》 主 角 , 他 早 年 移 民 加 拿 大 , 稍 後 回 港 復 出 接 拍 亞 視 新 劇 《 法 網 群 英 》 。 對 亞 視 為 悼 念 劉 志 榮 重 播 《 變 色 龍 》 和 《 鱷 魚 淚 》 , 潘 志 文 質 疑 說 : 「 《 鱷 魚 淚 》 劉 翁 ( 劉 志 榮 ) 都 冇 份 演 出 , 唔 通 依 家 o的 人 新 到 搞 唔 清 邊 個 潘 翁 邊 個 劉 翁 ? 第 日 潘 志 文 死 , 唔 通 播 劉 翁 o的 劇 ? 」

退 出 娛 圈 歸 平 淡

魏 秋 樺 ( 飾 林 硯 梅 )

00 年 拍 完 台 灣 劇 《 包 公 出 巡 》 後 , 魏 秋 樺 淡 出 娛 圈 享 受 單 身 生 活 。 近 日 亞 視 重 播 的 《 變 色 龍 》 , 正 是 她 在 佳 視 倒 閉 後 加 盟 麗 的 拍 攝 的 首 部 劇 集 。 談 到 這 部 劇 集 , 魏 秋 樺 日 前 顯 得 有 點 欷 歔 : 「 好 多 朋 友 話 部 劇 好 好 睇 。 不 過 , 睇 番 劇 中 好 多 演 員 都 已 經 唔 度 , 真 係 好 可 惜 。 」

當 家 花 旦 落 異 鄉

馬 敏 兒 ( 飾 程 望 棣 ) 、 蔡 瓊 輝 ( 飾 鄺 潔 雲 ) 、 劉 緯 民 ( 飾 程 啟 聰 )

《 變 色 龍 》 中 , 馬 敏 兒 飾 演 劉 緯 民 胞 妹 , 蔡 瓊 輝 則 演 劉 之 太 太 , 兩 位 不 但 是 麗 的 時 代 同 期 出 道 的 當 家 花 旦 , 而 且 更 於 85 年 先 後 離 開 亞 視 移 民 多 倫 多 。 不 過 , 馬 敏 兒 曾 於 03 年 重 返 亞 視 拍 攝 《 萬 家 燈 火 》 , 蔡 瓊 輝 則 完 全 絕 迹 江 湖 。 至 於 劉 緯 民 亦 是 85 年 離 開 亞 視 , 之 後 轉 行 從 事 珠 寶 生 意 至 今 。

老 戲 骨 紛 離 塵 世

張 瑛 ( 飾 程 有 財 ) 、 鄧 碧 雲 ( 飾 鄺 李 秀 英 ) 、 董 驃 ( 飾 黃 大 鈞 ) 、 吳 回 ( 飾 鄺 大 全 )

《 變 色 龍 》 中 一 班 老 戲 骨 位 位 份 量 十 足 , 如 昔 日 粵 語 及 國 語 片 明 星 張 瑛 、 鄧 碧 雲 、 李 月 清 ( 飾 阿 嬌 ) 、 平 凡 ( 飾 賀 老 九 ) 和 唐 若 菁 ( 飾 賀 老 太 ) 、 導 演 吳 回 及 馬 評 家 董 驃 等 等 , 可 惜 過 去 30 年 間 , 張 瑛 、 鄧 碧 雲 、 董 驃 、 李 月 清 、 平 凡 和 吳 回 先 後 離 世 , 一 班 老 戲 骨 演 技 大 鬥 法 的 精 采 情 景 頓 成 絕 響 。

話 你 知 : 劇 集 Logo 穿 上 身

亞 視 近 日 一 口 氣 重 播 的 兩 部 經 典 劇 集 《 鱷 魚 淚 》 和 《 變 色 龍 》 , 獲 售 賣 香 港 道 地 文 化 家 具 用 品 的 「 住 好 o的」 拉 攏 合 作 , 推 出 一 系 列 以 經 典 劇 集 logo 作 圖 案 的 T 恤 , 首 批 crossover tee 包 括 《 鱷 魚 淚 》 、 《 變 色 龍 》 和 《 天 蠶 變 》 , 之 後 再 推 出 《 大 家 姐 與 大 狂 魔 》 等 劇 。



《 衝 上 雲 霄 》 眾 星 運 滯

當 年 無 綫 為 力 捧 新 五 虎 , 以 吳 鎮 宇 及 陳 慧 珊 等 實 力 派 演 員 帶 領 , 開 拍 航 空 業 為 題 材 的 《 衝 上 雲 霄 》 , 可 惜 乘 勢 彈 出 的 吳 卓 羲 卻 後 勁 不 繼 , 05 年 兒 歌 頒 獎 禮 獲 鄭 欣 宜 公 主 一 吻 , 惹 來 數 百 宗 投 訴 ; 06 年 拍 廣 告 講 英 文 , 一 句 「 賣 飛 佛 」 形 象 大 插 水 。 至 於 在 劇 中 以 好 男 人 形 象 示 人 的 馬 德 鐘 , 更 頻 頻 與 女 藝 人 爆 出 緋 聞 , 甚 至 被 指 背 妻 偷 食 , 馬 德 鐘 變 成 不 忠 , 婚 姻 亮 起 紅 燈 , 人 氣 不 再 。

女 主 角 也 遭 同 一 的 命 運 , 葉 璇 04 年 與 方 力 申 主 持 雅 典 奧 運 , 於 直 播 時 互 寸 爆 出 大 笑 話 , 其 後 更 成 為 話 題 女 王 , 先 後 與 熊 倪 、 「 殼 王 」 陳 國 強 及 內 地 影 星 張 國 立 兒 子 張 默 傳 緋 聞 。 胡 杏 兒 雖 然 其 後 與 同 劇 的 黃 宗 澤 合 作 《 我 的 野 蠻 奶 奶 》 擦 出 愛 火 花 , 但 其 演 技 卻 頻 頻 被 指 誇 張 , 日 前 更 被 吳 鎮 宇 爆 在 拍 《 衝 》 劇 期 間 , 哭 訴 拍 劇 要 靠 關 係 。


Oh, 之前已經有讀者提過, 依家睇o左咁多段報導更加想聽番吳鎮宇呢段訪問喎…

哈哈, 原來“鱷魚淚”劉翁咩? 我都無留意到添…咁樣亂重播去悼念佢又搞笑o左d喎! 不過“鱷魚淚”相比起“變色龍”, 又真係無咁好睇…希望佢之後真係會重播埋“新變色龍”啦!

仲有, 佢話G.O.D.會出一系列以經典劇集logo作圖案的T恤…哈哈, 我真係有衝動去買番件“變色龍”tee送俾自己做生日禮物…唔知佢會唔會搞個主角簽名會, 我可唔可以搵潘志文o係件衫上面簽個名呢?! 嘩哈哈哈哈哈! 正!

12 Comments:

Anonymous Javaer said...

有鎮宇&志雲大師個集Wa!Wa!Wa!,有興趣就download聽聽:
http://www.mediafire.com/?yyw2yyeztjxdqdxq

4:30 下午  
Anonymous 匿名 said...

TO JAVAER

不能DOWNLOAD??

6:17 下午  
Anonymous javaer said...

try this:
http://www.mediafire.com/?mzf2ddm3zlx

9:32 下午  
Blogger 梁巔巔 said...

原以為之後會播新變色龍接住 (上集死剩嘅原班人馬再大合唱), 點知播番 oD唔好睇嘅八大豪俠. 唉.....

其實真係唔明亞視嘅, 以前大把好片播 la!

3:41 下午  
Blogger Meshi said...

該劇以鄺志立一句豪語作結:「我唔再怕0的契弟,因為我最契弟!」

11:49 下午  
Blogger 芒姐 said...

Meshi,

o下...?! o個個年代唔會咁激嘛?!

3:04 下午  
Blogger 芒姐 said...

梁巔巔,

係啦...我都想睇"新變色龍", 唔知係咪因為要就奧運所以只能播d無咁長o既劇...但依家o個套咩"八大豪俠"真係好唔該晒! 希望奧運完o左之後會播"新變色龍"啦!

3:06 下午  
Blogger 芒姐 said...

javaer,

thanks! download o左喇, 有時間即刻聽番先!

3:07 下午  
Anonymous Al佛 said...

芒姐可以0係youtube睇變色龍大結局既精華片段:
http://www.youtube.com/watch?v=cGJTyYre8bI

9:48 上午  
Blogger 芒姐 said...

Al佛,

嘩! 多謝你...我返去一定會睇o下!

5:59 下午  
Blogger 芒姐 said...

Al佛,

終於睇O左喇...等O左一個禮拜終於睇到結局, 仲有好多街景睇...超正! 仲有, 估唔到鄺志立真係以"契弟"作結...O個時D戲尺度都幾寛鬆喎!

2:02 上午  
Anonymous 匿名 said...

thanks for share........

12:23 下午  

發佈留言

<< Home