6-2(mon) 演藝界512關愛行動
尋日“演藝界512關愛行動”真係好眾志成城…雖然我依然係欣賞當年的91華東水災“忘我大匯演”多d…一句講晒, 又係情意結! 今次亞視就做得好過無綫…無綫雖然claim話唔播廣告, 但耐唔耐就好似轉播叱吒咁搵個主持朱凱婷坐o係度講o野唔影現場…所以今次亞視o既表現要讚o下!
仲有, 一路都唔記得講, 上一套“銀樓金粉”, 我居然最尾都有追睇o左幾集…呢套劇真係出乎我意料的好睇, 尤其d人我其實唔係特別buy, 仲要個劇種係我完全唔buy o個隻, 但唔覺意睇o左一兩集居然吸引到我睇埋落去…而我身邊亦有唔少同我想法一樣的朋友, 都話出奇地被呢套劇吸引o左…真係世事無絕對!
o係youtube睇到呢個mv…係"天上凡間"主題曲-“一切是創造”…不嬲都幾鍾意呢首歌…好輕快, 聽到人好開心! 仲有, 我記得其實"天上凡間"都幾好睇…細個時好鍾意睇…雖然已經唔係好記得講咩lu…呢個tvb版mv仲搞笑, 有d似“閃電傳真機”殭屍爺爺同殭屍孫女o既“跳跳紥紥遊香港”…初段可以睇到九十年代初香港的景色, 仲有支紫色旗插o係度fik下fik下, 雖然同首歌唔係好配合…後段o既鬼秘就有d似我最鍾意睇o既“我和殭屍有個約會”囉…
仲呢段仲正…“1985李克勤-霧之戀@"十九區業餘歌唱大賽"冠軍”…嘩, 阿李同學個腔同依家幾乎一樣, 係感情掌握無依家咁好o者...好神奇!
posted by 芒姐 at 11:39 下午
12 Comments:
講起"銀樓", 見到秦沛最後個look我諗起"癲佬正傳"佢嗌"有殺無賠"個樣
果日"512關愛行動"睇無線睇到把鬼火，睇睇下d台上表演，無啦啦轉左去訪問d台下觀眾；後來轉返去亞視先知，原來因為亞視班演員唱梗歌！有冇搞錯？駛唔駛咁啊？好肉酸啊!
調返轉，到無線演員唱歌，亞視都一樣直播。我覺得亞視真係抵讚囉。家下係籌款節目，無線呢個時間仲要咁分台分派，睇到我好嬲。
仲有，無記演員唱既串燒歌好似長過亞視。唉，希望亞視拍多d好節目啦。雖然我通常睇無線，但見到無線成日恃住自己係大台就蝦人，我就好嬲喇！
"耐唔耐就好似轉播叱吒咁搵個主持朱凱婷坐o係度講o野唔影現場"
咪係
睇到人地呆呀
其實我唔需要有個主持人響樹囉 -_-
咩事呀, 我係睇緊個SHOW唔係睇你做主持呀. 你估而家做緊娛樂直播咩。
佢初初咁樣飛我都唔為意
點知一望佢身後個SCREEN先知亞視人唱緊歌
點呀..唱幾分鐘姐都唔播.. 又話不分你我既?!
最正係節目開初周星星去左現場呼籲, 亞主持人話俾返現場既時候亞星爺已經講完咁濟 -_-
算喇我當你真係要有個主持人o係度喇
咁做呢d直播節目唔係應該令家庭觀眾有置身於現場既感覺架咩?
佢咁飛法我真係好想知自己到底miss左幾多囉。
-我-想-睇-完-全-部-呀-。-
P.S. : 下! 勇少算正式同左Queenie一齊喇?? 跳左隻舞就算架拿?!
anyway, 佢同queenie, diane同裘俊都係外型好唔match但係又未王於反感反而係覺得好笑哈哈哈。
christy,
咪係...無綫咁樣做真係cheap到爆...
跳舞o個集之後上個禮拜頭仲有兩集係講佢o地一齊o左o架喇...仲係醫院嘴呀嘛...
diana同裘俊的談情戲...反而我個人不太喜歡...都係勇少o個段爆笑d!
紙巾,
其實我真係完全唔明無綫點解要咁做...明知o係呢d情況咁樣做係會俾人鬧爆同埋顯得勁小家...無理由咁無"政治智慧"o架? 咁樣好令人反感...
Vince,
哈哈..."銀樓"d劇情直頭老套到爆...但唔知點解, 又真係ok好睇喎...我自己都覺得好費解!
芒姐有冇睇娛樂新聞呀呢幾日：
(星島日報報道)肥媽昨日以香港電視專業人員協會執委身分，與會長徐小明召集50多位藝人灌錄賑災歌《四川不哭》，並會錄製成唱片義賣。
由於召集人肥媽屬有線藝人，有線及驕陽請來張衛健和旗下多位藝人撐場，無方面只派出喬寶寶、王俊棠及魯振順等出席，亞視則有張文慈（Pinky）、萬綺雯、呂晶晶與林韋辰等，而歌手亦只有英皇派出Sun Boy'Z及李逸朗，另外還有Soler等。謝婷婷因病缺席，答應出席的謝霆鋒亦未見蹤影，肥媽指婷婷與霆鋒將會改日再補錄。
無線真係好..奇怪。
點解大台唔可以有大台風範多點？
至少為善事都可以掛?!
那天我一早看到亞視寫著冇廣告全程直播就一直看亞視,一邊看forum在討論這個節目,我先知TVB咁cheap咁小家,一有有線同亞視藝員唱歌就無端端影朱凱婷喎,連周星馳都cut真係好離譜,d人係forum咪話:難道周星馳都係亞視/有線人?" 同一時間係forum出了十幾廿個post讚亞視踩無線,仲叫人轉睇亞視,好少會咁,感覺真係好痛快!!
無線Cut片段被斥小家(太陽) / 無線直播敵我分明(東方)
無綫、亞視、無綫收費電視台、有線昨日均有播映《512 關愛大行動》，四個電視台並不播放廣告。不過有網友就指無綫好小家，當有線及亞視藝人在台上表演時，無綫即時將鏡頭轉為主持人說話，反觀亞視就全程播放。難怪網友bearbear99 說：「無綫真小家，如果當初因為落雨改去電視城舉行，無綫會唔會唔畀有線藝人出場？」
笑哈哈,
tvb今次真係搵o黎搞...俾知o係呢d慈善活動做埋d小家o野會俾人鬧爆, 仲要浪費人手去cut呢度cut o個度, 真係賠了夫人又折兵!
christy,
哈哈...呢幾日去o左外遊無咩睇電視...不過唔知點解都有得睇有線新知台, 所以都有睇到呢單新聞...
無綫今次真係輸晒...
估唔到"一切是創造"首MV咁騎呢...
套戲大綱已經唔記得，但反而有關佢的花邊新聞仲有印象，好天原本本由王書麒同林熲嫻的，但當林穎嫻要去外國讀書，所以找了梁佩玲(即梁藝齡)來頂替，但她因為外形所限，始終不太活潑.....
jac,
我好似有睇過王書麒拍林穎嫻o既另一套戲...不過唔記得o左個名...林穎嫻當年都ok受歡迎, 個look好可愛+討好! 不過梁佩玲都唔差...
發佈留言
<< Home