5-16(fri) 一呼百應
呢期奧運熱…係時候要講o下奧運!
o係youtube睇到好多經典片段:
經典回憶-1988無線奧運1:
嘩, 真係好經典, 好精彩! 阿姐仲好後生, 仲有當年力捧o既金牌司儀-我好欣賞o既鍾保羅, 同埋好"稚嫩o既wendy姐, 仲有一位係邊個o黎o架呢?!
墊底音樂仲要係我最鍾意聽o個首奧運主題曲…
經典回憶 -無線1988奧運2:
睇第二段片, 忽然覺得原來鍾保羅講o野都幾溫柔o下 (雖然諗番起佢做"IQ成熟時"其實都已經係)…同埋把聲好吸引 (which我其實應該不嬲都認為係, 但唔知點解今次特別覺得!)…真係好懷念佢做主持…
原來"睇奧運, 睇無線"呢個slogan已經有咁耐歷史…
(睇奧運, 睇無線 宣傳片 (1988))
(1988年首爾(漢城) 奧運會- 陳百強與西城秀樹,趙容弼等同臺演出)
究竟o個時首奧運主題曲叫咩名呢? o個日o係"無間音樂"又聽到…其實年年奧運前後都會聽到o係d show度唱番, 幾好聽o下! search完一輪, 終於知道係叫“一呼百應” …o個日o係個mv見到黃翊, 仲以為佢係大合唱o既其中一份子, 點知search番資料, 原來佢係主唱者…oh! 又係一個“開心大發現”!
其實咁多年咁多隻 (奧運歌呀, 世界盃歌呀etc), 我反而覺得呢隻最好聽, 最合我心水! oh…“心意贈知己, 火炬傳千里…”…o係youtube淨係搵到英文版:
posted by 芒姐 at 12:38 下午
10 Comments:
我最喜歡ALAN 的"To be no.1"
原來"睇奧運,睇無線"咁有歷史?我記下只係追溯到96奧運."睇奧運,睇無線.ers!"仲記得嗰期電視最紅陶大宇,仲有magazine caption 寫 "去到邊到也見陶大宇,利害!" 唉.
溫哥華匿名人
我好記得「一呼百應」呢首歌喎! (因為果時好似O岩O岩開始興唱卡啦OK無幾耐, 我有個AUNTIE成日唱呢首歌) 我屋企人都錄低左! 而且當年無線都日播夜播架!D歌詞我記得晒! 同埋好似黃翊之外, 仲有一個女仔一齊唱架!
g_amazing:
箇位女仔名叫李明珠, 1988年曾為歌手, 同年在寶麗金出過一張大碟. 現於法律界就業.
by i-Joel
我見到標題「一呼百應」，還以為是講四川地震，演藝界「一呼百應」賑災，豈料是講奧運。
係呀, 「一呼百應」的另一位主唱者叫李明珠, 不過佢o既資料我又真係唔知喇...無綫搵當時兩位新人主唱呢首歌o既舉動都真係好大膽o下! 但首歌真係幾好聽!
96年的張大勇/陶大宇真係紅得好交關...去到邊都見到佢...連"翡翠音樂幹線"佢都上o左幾暈...仲有香港第一次o既花車巡遊, 我好記得都有佢份...當時全港最紅一定係佢!
四川地震賑災當然要"一呼百應"啦...呢樣唔洗講...血濃於水嘛!
芒姐,你有所不知喇!睇睇呢條link,就會搵到你想要o既野!
http://www.youtube.com/watch?v=j0zotilhvJs
Mr 路人,
wa...thank you so much!
之前search youtube無人post o架...好彩你再睇O下咋! 仲有"黃翊 最愛的妳 MV"...我都搵O左好耐...多謝你呀!
發佈留言
<< Home