2008年4月18日星期五

4-18(fri) 波…係圓o既…

呢個禮拜好忙好忙, 忙到已經好幾個禮拜無咩點睇電視劇…原來今晚就係“古靈精探”大結局, 我仲只係睇到頭幾集咋! 仲話今晚會有兩個結局揀一個, 又有歐陽波比的“賭場風雲”齊歡暢出o黎crossover…都幾搞鬼呀! 得閒要追番晒咁多集先!

雖然好忙, 再加上條脷勁痛…我諗係唔夠瞓+食得熱氣o野多+壓力大心火盛影響, 條脷痛到好似就快斷咁…但係尋晚睇到伍晃榮叔叔逝世單新聞, 都忍唔住要上youtube search o下佢d片段去懷念o下佢!


(伍晃榮逝世消息@TVBN)

正如大家所講, 伍晃榮雖然唔係咩巨星, 但相信無一個香港人會唔識佢…入屋程度分分鐘比起任何一個巨星更甚! 廿幾年o黎大家每晚都會聽到佢把聲, 生動生鬼o既體育新聞評述…平時體育新聞係最悶o既一環, 但一由佢講就唔同晒! 佢就好似大家身邊o既朋友一樣, 所以呢個消息o係香港o黎講都幾震撼o下, 至少尋晚至今日個個都會提o下! 同埋真係幾突然…因為上年tvb40周年台慶個特備節目“新聞話事‧人” 先係由佢主持…o個時見佢完全無事o架嘛…所以話人生真係無常!

“新聞話事‧人”本身個節目已經好好睇, 再加上由佢o黎主持更加係晝龍點晴…令到呢個節目d訪問同埋回顧環節更精彩!


(2003 - 伍晃榮攪笑報道綿羊大賽)

我敢話佢真係前無古人, 後無來者…無新聞報導員可以做到佢咁, 報體育新聞可以做到咁自成一格, 一聽就知係佢…令到唔睇體育新聞o既人都會因為佢而望兩望! 同埋我再次聽番佢報導體育新聞先發現, 原來佢最煞食除o左生鬼有趣o既對白同埋自創o既口頭禪之外, 係因為佢講o野其實好有節奏感, 所以聽起上o黎好動聽, 好吸引!


(伍晃榮精彩講波)

我覺得無綫真係應該快d整個悼念伍晃榮o既節目, 等大家可以重溫番伍生咁多年o黎o既精彩片段…畢竟佢真係陪伴無數香港人成長…見佢仲多過見d自己d親朋戚友!

我會永遠都懷念呢句: “無綫電視記者伍晃榮報導”…雖然以後都唔會聽得到!

8 Comments:

Blogger Unknown said...

it's a big shock to me!!!

12:40 上午  
Anonymous 匿名 said...

真係好突然呀。
我重諗住奧運期間可能會O係電視機度見下佢TIM..之前又有諗過世界杯以後多個人做嘉賓主持.. 不過而家冇了。
係呀,好想TVB快D整個特備節目呀! 一口氣重溫佢精彩既評述都好丫!!

古靈精探-
係呀! 最SURPRISED係有BOBBY呀! 重要做夜晚賭場風雲既齊歡暢! 好搞笑! 其實唔止架, 你可能會搵多一個另一套既角色出黎架!:) 快D追返哂黎睇吧!

1:57 上午  
Anonymous 匿名 said...

芒姐 昨夜的 2小時新聞話事人特別版 有看嗎? 我想這個是否 伍 的特備節目?

古靈精探的結局, 我覺得好廢, 我寧願要于sir死的結局

11:30 上午  
Blogger 芒姐 said...

匿名,

有呀...雖然無幾耐之前睇過, 但都有再睇多次....無綫話唔會做特備節目, 話因為伍生唔係藝員, 同埋已經離開O左無綫, 所以情況同肥姐個CASE唔同...都唔知咩理由O黎O既...不嬲每個CASE都係唔同O架啦...覺得需要整就應該整O架啦...

12:58 上午  
Blogger 芒姐 said...

christy,

咪係...奧運睇唔到伍生...真可惜!

RE古靈精探:

咁神奇...真係未有時間追番咁多集, 可能要下個禮拜先得...

1:00 上午  
Blogger 芒姐 said...

fiona,

i guess to everyone a well...

1:02 上午  
Anonymous 匿名 said...

芒姐, 不如你o係下個post用幾句講下金石良緣丫... 呢套劇好正阿, 不過唔知D收視點解咁低... Thank you!

1:36 下午  
Blogger 芒姐 said...

wahaha,

我都正有此意, 但係只係睇o左頭五集, 其實無咩意見可言...

8:07 下午  

發佈留言

<< Home