4-1(tues) 繼續寵愛
又係一年一度o既四月一日愚人節, 每年o既呢一日都會開呢個topic, 今年當然唔例外!
不過不覺已經五年, 時間真係過得快...但係相信無人會忘記五年前o既四月一日所發生o既事...亦因為今年係五周年, 所以各單位都有大搞一d紀念活動, 最大型o既應該係呢兩晚o係紅館舉行o既“繼續寵愛•2008 Miss You Leslie天王巨星音樂會”…
既然講開“不死傳奇”系列, 當然要post埋哥哥o個一集啦…
(張國榮不死傳奇part1)
四月一日:
2007:
風繼續吹
2006:
誰能代替你地位
2005:
愚人節
2004:
4月1日
2003:
陪伴我們那代香港人成長的“哥哥”
SALUTE TO A LEGEND (1)
SALUTE TO A LEGEND (2)
SALUTE TO A LEGEND (3)
SALUTE TO A LEGEND (4)
SALUTE TO A LEGEND (5)
(忍唔住要post多次呢個我覺得係咁多年來最精彩+最目不暇給版本的“MONICA”...除o左哥哥, 仲要特別留意台下歌手+觀眾的反應, 背後的"啦啦隊姐姐"砌出的"M-O-N-I-C-A"字樣, 同埋好似仲見到"手語人"王維德個家姐王敏明負責跳舞囉...)
另外…o係youtube又睇番好多九十年代的mtv…全部都係我地o個年代唱k一定有唱過o既歌…不過係唔明點解當時成日安排三個人唱合唱情歌? 驚兩個唔夠號召力? 想搵舊人帶新人?!
第一首係蔡一傑+王馨平+鄭嘉穎合唱o既“緣份”…經典90年代寶記合唱歌, 連d mv o既style同埋tone都全部咁相似...
成日講到當年鄭嘉穎同王馨平係好“忘年戀”咁…其實只係差一年, 有幾忘年?! 不過當年鄭嘉穎個樣又係o靚仔d, 而王馨平又真係成熟d o既…不過又未至於好忘年o卦?!
(緣份-蔡一傑+王馨平+鄭嘉穎)
仲有呢首, 又係鄭嘉穎+王馨平, 不過今次搭湯寶如o既“飛出戀愛街”…@勁歌金曲瑒場跳舞 (但錄音) version!
嘩, 唔好講笑...都戥佢o地有d難受o下! o個期真係興咩都跳一餐, 人人都要跳, 無論你跳唔跳得...woobomba除o左關淑怡o既另外兩位女歌手已經係一大例子...其實今次“飛出戀愛街@勁歌”對於佢o地三個已經算跳得幾好, 起碼無咩甩拍子....咁你話係咪依家o既鄭嘉穎型好多呀?!
(鄭嘉穎+王馨平+湯寶如-飛出戀愛街@勁歌)
仲有呢首…又係寶記九十年代經典情歌+k歌必唱之選…小恩子同蔡一傑o既“愛一次便夠”…
(愛一次便夠-蔡一傑+黎瑞恩)
posted by 芒姐 at 10:08 下午
12 Comments:
http://phpbb3.mcb.com.hk/viewtopic.php?t=6762
Vince,
哈! 我O個日O係文娛中心都咁O岩見到張POSTER...但係有"卡拉孖寶", 點可以無"手語人"王維德O架?! 太可惜...
唔講哥哥喇。
多謝芒姐你提起王馨平。我係佢既超級擁躉。寶記歷年既女歌手，我最鐘意佢，仲有關淑怡同黎瑞恩。反而AUNTIE V我只係OK。
上個月睇呢度播既｛斑馬在線｝，D才子講金庸，又講武俠片。佢地話請唔到王羽，所以就搵LINDA上去唱｛我和殭屍有個約會｝既主題曲｛夢裡是誰｝，仲搵黎小田伴奏！
佢結左婚之後仲KEEP得幾好，唱功亦都冇退步。不枉我追隨佢咁多年。有興趣CLICK去睇下！
http://www.youtube.com/watch?v=OzYHX9RECnc
我都唔講哥哥喇。
王馨平其實唱歌好好聽．好記得有個唔知咩節目，佢一路”表演”燙衫一路唱歌，好sweet同溫柔，我記得霑叔睇過都大讚．不過佢個樣唔知點解一時時．．．有時ｏｋ靚，有時又面腫腫．
溫哥華匿名人上
點解芒姐個主題係"繼續寵愛", 但內容就圍繞寶記歌手嘅? 搞到大家都要刻意咁話"唔講哥哥喇"添...
好啦我講哥哥啦。
呢5年黎既愚人節都會播一d懷念哥哥既節目，次次睇完都覺得哥哥d歌真係好好聽! 唔知邊個節目佢同梅姐唱冰山大火! 超正! talented呢家野真係唔睇得少, 佢地都真係冇乜人可以代替, 好犀利, 跟住就會覺得冇左佢地真係好可惜。
不過琴晚睇完我諗緊, 過多十年八年tvb重會唔會年年都係咁播呢d節目呢?
-
我唔知原來鄭嘉穎同過linda一齊呢!
re: 過多十年八年tvb重會唔會年年都係咁播呢d節目呢?
好難講, 始終哥哥同梅姐嘅地位真係好超然(比起鄧麗君、羅文都更超然), 尤其是哥哥, 佢對香港樂壇、電影以致整個流行文化所付出, 所貢獻, 所象徵的是那末多, 真心疼愛佢的歌迷又是那末多那末長情, 電視台遲d或者未必會年年都播, 但遇著某d特別日子(例如10周年咁), 相信佢地總會做d野卦?!
哥哥真係好出色, 無論有冇呢d紀念節目, 喜歡佢嘅人都一定會記得佢, 記住佢。
Sandy,
再加上哥哥o既離世太突然 (相比起其他患病o既巨星大家都會有少少心理準備), 同埋尤其係o係4月1日愚人節, 更加無人會唔記得!
christy,
哥哥o既地位真係無人能代替...但係好多talented o既人, 往往都係英年早逝...哎!
鄭嘉穎同linda都o係埋一齊一段唔短的日子o架...!
匿名,
好多時一篇都會講多過一個主題...
溫哥華匿名人,
王馨平其實幾有一種獨特o既氣質...好靚又唔算係, 但係好斯文大方o個種!
Marky,
我記得有一年因為王馨平媽媽林翠過o左身, 電視不停做佢d報導, 我先發覺: "嘩, 點解佢同佢媽咪咁似樣!"...覺得佢兩母女都好有氣質喎! 不過佢d歌, 我又真係唔係識好多隻!
發佈留言
<< Home