3-11(tues) 活力健康操
有日放假, 唔覺意睇到“放學icu”播緊呢段“活力健康操”…嘩, 真係好cutie…忍唔住要上youtube search o下同大家分享!
其實好似播o左好多次o架喇, 不過我真係第一次睇…好好笑! 好有趣! d小朋友超得意, 尤其係第一行譚玉瑛姐姐隔兩個o個位細細粒小妹妹…咁細個都記得晒d動作…好叻呀! 睇小朋友跳呢d健康操真係好得意! 但更得o既係譚玉瑛姐姐好投入跳o既樣, 仲有司徒瑞祈個樣…oh, 雖然佢好落力…但個樣未免過份搞笑! 不過日日運動身體好, 大家都應該跟住做o下呀…
(活力健康操)
又o係youtube見到一段珍藏片…又係我最鍾意年代o既sammi主持其中一集“週點”…仲有舅父波, 草蜢同埋黎明詩…唔知點解睇睇o下覺得黎明詩其實同衛蘭感覺幾似, 又係肥肥o地, 鬼鬼o地咁, 仲要係都有個好似樣o既細妹!
(sammi@1991週點)
仲有呀, 之前有位讀者marky話佢o係89年左右, o係淺水灣見到李克勤拍唱片封套仲影低o左當時的情景…佢send o左俾我同大家一齊分享o下…唔知係拍邊隻唱片封套呢?
早前又有朋友send o左個 改篇版o既“回首”mv俾我…想講o既唔係d歌詞, 而係o個位歌手o既唱腔…嘩, 真係似到呀! 好勁! 係咪又係馮文樂呢?!
(停口 (臭豆腐) -- 卡拉OK版)
posted by 芒姐 at 11:36 下午
12 Comments:
活力健康操確係好嘢.....我反而想知個旁白係邊個.....聽到毛管"棟"......嗰吓"大力士手"真係一絕
另外强力推介呢個:
http://www.youtube.com/watch?v=P3xIiTq301k
仲有毛巾操架!
http://youtube.com/watch?v=1Ec3PwqyOiM
講開隱性廣告，最勁既唔係係雅芳婷同恆生。歲月風雲全套劇都係sell緊一間汽車廠。睇完呢段汽車廠介紹，簡直好似睇完縮水版歲月風雲咁，連廠長d對白都要一樣，真係笑死!
http://youtube.com/watch?v=WyUoi1-Yn8c
講開"週點”,當年阮兆祥主持好多音樂節目.最記得逢x'mas/new year eve一定有成晚連續好多個鍾，會不停有ｄ年輕歌手（grasshopper,闢淑儀之類）出現傾吓同玩吓遊戲．中間仲會播好多歌的MTV.仲記得當年係叫MTV唔係MV．而阮兆祥通常係講”music video"．唔知點解嗰時覺得佢講得好型！
溫哥華匿名人上
阮兆祥的英文發音係幾OK.
http://www.youtube.com/watch?v=Yg6CeHuhQFY
繼 GL@聖劍門～亂搞BL關係之～風磊私奔 GL@第七天～惡搞《最美麗的第七天》～最美麗的宣傳片後再一次惡搞
匿名,
哈哈...點解d人會咁鍾意講佢兩個係基?! 不過上次o個段有創意d...
匿名,
係呀, 阮兆祥的中英文咬字都算係非常唔錯o架喇...佢當年做音樂節目真係做得幾好!
溫哥華匿名人,
當年x'mas/new year eve的通宵音樂節目, 我年年都會捕o係電視機睇, 因為有好多mtv (無錯, 當時真係叫mtv, 唔知點解依家要改口叫mv), 仲會有超多歌手出現...我當時仲好一廂情願地以為係live節目o黎o架...到90年代中期先知原來係錄影o既!
fernseher,
個毛巾操又真係唔知想點...d主持跳得好唔齊...
依家d劇集幫廣告商好hardsell地賣廣告已經去到一個好核突地地步...其實可唔可以高招d, 依家咁樣咪仲令人反感!
Vince,
係啦..."大力士手"真係好趣緻...旁白位叔叔都講得好有節奏...算係咁o架喇!
嘩...你post呢段又係得喎...我衷心佩服佢o地, 講每隻字都好清楚...仲和埋音添!
你好, 我之前都常看你這個blog, 不過留言就應該是第一次!!
我也愛80年代的電視節目呢~~
多謝那位讀者肯share李克勤的相片出來呢!!
李克勤89年出的唱片, 應該係"Purple dream" , 即"一生不變"那張!!
我覺得相片中, 應該就是在拍這張唱片的封套吧!!雖然不同衫, 但背景很似呀!!
唱片封面:
http://www.yesya.com/cd/ht/hackenlee/hacken05/hacken05.jpg
vicky,
你好! 我都係諗係咪"Purple dream"...但服裝又好似唔同...可能換o左衫! 同埋佢隔離o個位姐姐好搞笑...克勤的表情亦都好搞笑!
發佈留言
<< Home