3-8(sat) “美七”
前兩日睇勁歌, 居然有鄭嘉穎同周麗淇一齊上去唱“最美麗的第七天”o既插曲喎! 個人認為佢o地合唱o個隻“抱著空氣”好聽過主題曲好多…隻主題曲真係好八十年代“大江南北”o個隻feel (不過“大江南北”好聽d!)…無綫仲要玩o野到叫鄭嘉穎同泳兒一齊演繹隻歌…點解要咁玩鄭嘉穎呀? 鄭嘉穎雖然真係好有型, 仲要接近40歲反而愈o黎愈型, 型過以前廿幾歲時的“棒球小子”年代好多…但係唱功又真係差d…仲要拍埋泳兒度輪流唱…呢個安排擺明玩o野!
Oh, o個晚勁歌仲有海潮…點解佢會出番o黎o既然?! 報紙話佢徇眾要求有唱番經典名曲“海潮”…但o個晚居然無播到…激死!
至於套“美七”, 其實真係幾令人失望o下! 難怪收視一路都唔高! 劇情係完全唔得, 又話更有深度更感動人, 真係暫時都仲未feel到囉…去日本o個段都幾牽強o下…有d搵戲o黎做 (雖然日本個景真係幾靚…但亦太過hardsell“專業旅運”, 連訂機票o個part都要做埋, o係日本架車又係要不停咁影住個“專業旅運”標誌…同之前情況極度over的“歲月風雲”hardsell雅芳婷+恒生有異曲同功之妙…um…呢個都好少少o既!)…portray到周麗淇好似低能白痴咁…同埋如果現實中你真係遇到游志穎呢d人, 其實正路係會走夾唔透囉…首先你又劈友又行古惑 (雖然佢實則唔係, 但你見到佢咁你都驚啦), 再o黎一單懷疑殺死自己女友事件, 仲要咩都唔解釋咩都唔講, 跟住一下子飛o左去日本唔鬼見o左! 只係因為大家知道佢係男主角應該唔會係壞人…但係如果你係劇中人, 都真係應該幾驚o下! 比著我都揀程醫生啦…起碼背景無咁複雜嘛!
同埋後段未免太慘喇…又話niki會死…真係走“天國的雞批”o個d慘情韓劇路線…溫馨小品咪好囉…搞到咁慘真係唔多想睇! 上次“天幕下”雖然都有d天馬行空位, 但成套都睇得人好開心, 輕輕鬆鬆鄧梓峰加埋俊男美女靚人靚景係佢成功o既最大因素…今次你搞得太慘…真係好影響人心情o架嘛!
跟住廣告時段唔覺得 [手禁] o左去亞視, 見到個新節目“主播天下”, 係搵d新聞主播以閒談形式講o下時事, 都幾有趣…唔知大家有無睇過呢? 亞視搞o下呢d突破少少 (雖然以前都好似做過呢類形式o既半新聞節目) o既時事節目, 好過拍劇啦…反正劇集實唔夠無綫鬥, 反而時事都可以搶o下d唔睇劇集 (尤其我發覺d阿爸係幾鍾意睇亞視o架) o既觀眾! 仲有o個個咩“今日法庭”, 講o下每日法庭的特別案件…其實係有d無聊, 不過題材亦都算幾新鮮, 同埋唔洗自己度咁多內容, 亦都好過o個d吃力不討好o既咩“行行任篤笑”…所以都值得鼓勵o既…等我有時間認真睇o下個節目先!
另外o個套“太極”…劇種我係一d都唔buy, 不過d人我鍾意, 所以我都會睇o下! 吳美珩真係好有氣質, 好有貴氣…抵佢嫁得咁好! 胡杏兒o既民初裝 (or古裝) 真係完全唔得…上次“亂世佳人”已經俾人插爆, 依家又再o黎多次…無綫真係唔好咁玩佢啦, 俾佢做番o個d現代有型專業人士或者嘴jell jell妹妹, 或者“野蠻”o個隻喜劇, 佢會做得好好多…佢一做苦情戲真係趕客! 喂, 不過林峰個民初look真係ok有型…唔知我係咪bias喇…你話我聽!
至於深夜o個套“酒店風雲”…呢期個chloe開始多戲, 佢個角色真係好煩同埋超唔討好…派個咁o既角色俾佢真係無運行! 最諷刺係劇中係話官恩娜d英文好差, 要惡補英文…有時吳唱k仲會教佢添…真係諷刺到爆! 你會見到官恩娜好刻意扮講唔正 (但好突兀)…而吳教佢時反而又真係講極都唔正…點解要咁樣角色對調?! 但係無綫d戲成日都係咁安排o架喎, 上次“衝上雲霄”, 又係班女仔英文好好但又唔洗佢o地講, 反而不停要d男星獻醜, 偏偏佢o地又係全個圈講得最差o個幾個…好鬼可憐!
Wow…仲有呢段“TVB大俠羣星會”…之前有朋友send俾我問我有無睇過?! 又真係無喎! 唔知幾時播o既呢? 完全無印象…同埋點解無啦啦會有呢個節目, 係咪用o黎打亞視d咩大show呢?! 有無人記得?
嘩! o個一代o既小生真係個個都幾打得…劉華同偉仔o個時仲有d肥嘟嘟添…好可愛!
posted by 芒姐 at 10:01 下午
45 Comments:
陳山聰:我地好專業ga, lolz
哈哈我睇勁歌果時都覺得鄭嘉穎好慘! 好心就唔好佢唱一句泳兒唱一句啦, 玩咩! 俾我係鄭嘉穎我唱果時一定好驚好緊張! :P
至於最美麗的第七天.. 一開頭我係幾buy架, 因為隻狗好得意哈哈哈, 但自從少左好多亞jack既鏡頭後我就覺得好悶喇. 其實個劇情真係有d悶, 一件小事唱勁耐都未完... 我同意呀. 俾我都揀程醫生啦! 唔計背景呀, 起碼人地有份固定既工先啦! 哈哈, 果個亞穎都唔知佢正職係咩既! 成日都唔駛返工咁 XD btw, 個人覺得周小姐既戲真係好...唔得。但乜亞niki最尾會死咩?
WOW! 芒姐你一定冇bias呀! 我都覺得太極林峰好好好型好靚仔呀! (不過唔知點解我d朋友都唔覺得-_-) 估唔到佢真係唔同時代既造型都算carry到! 哈哈哈哈哈. 我最鍾意睇林峰做靚人情痴呢d角色哈哈哈! 比起美七我鍾意睇太極多d. 可能我都幾鍾意佢個卡士啦! 個個我都幾鍾意!
呀~ 我又接受到胡杏兒個造型喎! 係幾斯文樣 :) ..雖然喊+流淚呢家野佢係做得幾好.. 但我都希望佢唔駛做d太over太多呢d慘位 :P
btw. 你覺唔覺得吳美衍既戲份好似真係cut左好多咁? 直覺覺得佢每集應該唔止咁少鏡頭。
芒姐，
agree with christy 你絕對無bias!!!我都覺得林峰真係型。:>佢古裝/時裝無論外型/該年代既人既應有神態都handle得好好!唔係樣既問題，而係佢做到果種應有既氣派出黎，前果幾集喊戲內心戲發火戲都做得好到位自然，想搵位插佢都唔得，抵我一直都buy佢。我好期待溏心2，想睇下佢唔做白領做草根可唔可以一樣入型入格。
我覺得太極好好睇，cast正(除左杏兒),劇情好緊湊又有深度帶到道理出來。杏兒真係唔好再喊，佢無論對住咩劇情都係咁樣8字眉谷d眼淚出黎。琴日吳美珩都有喊戲，明顯做得自然到位好多。
我都覺佢地應該cut左好多吳美珩!明明係第一女主角，無可能出咁少架嘛。
btw 芒姐你覺唔覺得太極片尾曲幾好聽?
http://www.tudou.com/programs/view/-90Uzw-Q2AY/
芒姐你直情係有bias啦! 你話鄭嘉穎靚仔有型我冇意見(雖則我咁多年來從未迷過佢), 但你成日講到林峰天上有地下無咁, 我就真係覺得你over左喇, 即係咁, 你話佢平均或overall唔錯, 我同意, 但你成日都講到佢外型好到迷人萬+演技好到誇啦啦+唱歌唔差得過天王天后+跳舞幾乎拍得住舞王咁滯, 彷彿佢樣樣野都係好到冇得彈, 去到邊都鶴立雞群排眾而出, 每一方面都second to none咁, 或者你鍾意佢, 自己都唔為意自己讚佢讚得咁緊要啦, 但我又真係唔覺佢有你同其他林峰迷講到咁好, 不過情人眼裡出西施, 你地讚自己偶像係無可厚非, 但唔好以為自己認為的就係universal facts, 至少, 我身邊有不少人認為林峰好一般而已。
《太極》入面，我最鍾意睇o既係趙文卓，佢好似冇老過咁，咁多年都keep得咁好，o個日有集睇佢點參悟太極精髓，之後佢耍左幾招太極，真係好型！至於胡杏兒，不嬲都唔鍾意贂佢o既古裝戲，佢個樣完全唔match囉，同埋做鬧交or苦情戲o個時，唔知點解硬係over左，d眼耳口鼻”拿”埋一齊咁，我覺得肉緊唔等於好戲囉！反而做佢家姐的李詩韻，雖然新過佢，但自然好多。
講番”美七”(呢個名好衰但又好啜核！)，o個日聽商台查小欣節目中話原來首主題曲本身Nikki係有份唱，但方小姐睇完後覺得唔掂，點名要泳兒唱，所以而家就變左鄭嘉穎同泳兒的版本~~講真，首歌本身咁”土”，邊個唱都冇咩分別啦，咁我反而覺得搵番主角唱會好d囉！而且，唱得差的又何止Nikki呢，阿鄭生都唔係好好多(做戲都一樣)，鼻音重成咁，唔通學左黎天王？~~
至於”皇廷酒店”，我都有睇番，都ok好睇(比起歲月風雲)，o個句「三表哥~~！」真係好經典！不過我唔係好明點解成套戲郭可盈都係着boot~~o係屋企都係啵！唔通佢對腳瘦得滯要着boot遮掩？不過最搞笑都係o個場郭政鴻因為認得可盈首「遺忘自己~~成全自己~~」o既鈴聲，而揭發左佢係內鬼~~其實都幾hardsell~~仲要話郭可盈因為鍾意聽首歌，所以都幫馬德鐘部手提換埋……幾搞笑囉！
套 太極 我一集都冇睇過,事關tvb個預告成日都播杏兒喊個part搞到我當場嘔晒白泡,我覺得佢好誇張 對我黎講唔睇冇咩損失,最美麗的第7天都算ok啦...兩個愛情故事,tvb都幾醒,事關一個故事唔得都仲有另一個去救收視,至於niki揀邊個,如果俾我揀我諗我都係揀呀穎,始終佢都係靚仔過程醫生 淨係睇樣,不過而家d女仔個個都係睇樣,特別係後生女,只有上左年紀先會諗背景 ,至於係未有人死,姑且勿論慘唔慘,唔係咁搞邊有人會再睇落去?係人都估到個結局啦...又一高招...酒店風雲,其實姚子羚都算靚ge...而且雖然係奸到咁,但都證明左佢又成功啦,奸角要做到人人追打先掂,你睇而家d反應??所以都係唔好睇少佢...而且佢變臉又做得幾好...
tessa,
我覺得芒姐個blog作為一個personal blog，佢又從無係呢個blog以專業評論人士自居，有自己既偏好我覺得無問題。芒姐無可能講中所有人想聽既野，一定有人buy有人唔buy。正如你buy佢讚鄭嘉穎唔buy佢讚林峰，我反之亦然，我係buy林峰但同樣地未到一個迷既地步。
我睇左芒姐個blog都有年幾兩年，印象中芒姐無講過林峰唱歌及得上天王天后/係萬人迷同跳舞拍得住舞王，咁我唔排除可能有讀者係留言講過。我相信係度留言既讀者，都係對芒姐咁岩講中佢地有意見既topic先出聲，呢d都係personal thoughts，無中立性可言，如果有人當我or其他讀者講既野諗既野係universal facts，真係多謝抬舉。:>
fernseher,
我都睇左芒姐個blog都有年幾兩年，芒姐講O既野絕大部份我都認同架！而我本身都OK鍾意林峰，覺得佢唱歌同跳舞都好過好多所謂O既歌星，不過唔知點解，芒姐成日話佢同葉璇做《再生緣》做得好好~~但我又真係唔多覺，只可以話恰如其份囉！我同我D Friend都係90年代至而家o既電視精，佢地同樣覺得林峰最好睇o既係《律政新人王》囉！《尋秦記》都幾好~~同埋林峰可能O係內地因為呢套劇而好受歡迎，但O係香港就一定唔係嘞！
不過o係blog打番自己o既喜好，確實係無可厚非o既，當大家討論下囉！
電蟲,
咁我都係，芒姐講既野大部分講中我既心聲先成日上黎姐，有共嗚架嘛。
我都認同你，律政新人王係佢最出彩既一個角色，佢憑呢套拎飛耀進步係當之無愧。尋秦記我會覺得係林峰既轉捩點，以新人黎講佢真係做得好，我覺得係因為有呢套劇佢先咁快擔正。林峰應該係憑再生緣係內地大紅。林峰係裡面個角色無咩特色，得個蠢字，唔需要咩勁既演技都可以handle到，不過峰璇配就令再生緣成為經典。我反而覺得林峰係悶到無得再悶既歲月風雲既演出係咁多套劇中最好，華振邦其實好難做。
我冇話芒姐或你地鍾意林峰/讚林峰不對, 畢竟品味喜好嘅野好subjective, 我無權過問, 亦唔bother去argue, 只不過芒姐自己話"唔知我係咪bias喇…你話我聽", 見佢咁問, 我先回應啫, 你無須如此急於要替芒姐或你自己平反, 我亦冇話過"芒姐講過林峰唱歌及得上天王天后/係萬人迷同跳舞拍得住舞王", 呢個只係個人perception, 明嘛?
另外, 我要申明, 我並無buy芒姐讚鄭嘉穎, 我只係唔反對, 因為覺得佢對鄭嘉穎嘅讚美同批評都係objectively reasonable而已。
tessa,
我都係照你既字面意思回應返你姐。我所講既buy其實係指同意，用詞不當左添。:>依家你clarify左，原來係tone同mood既分別。既然我同你都再無咩意見不合。我覺得應該到此為止，講返電視野,ok? :>
re: niki角色太低能
其實現實中都有唔少人廿到尾但思想行徑超低能的人, 就當niki個角色反映某部分現實吧。
同意Fernseher說林峯演得最好的是华振邦。看了他的所有劇集，覺得演得最好的是Ben哥和邦少。Ben是演出了那份深度。馬明在律政2的演出是形似但深度不夠。
雖然歲月不賣座，但看完後真的為林峯高兴，覺得他的演技可以獨當一面了。他和ss的风邦戀是演得很傳神，是近年的佳作。也要贊一贊ss的演技。嘉欣和杏兒和林峯演的情侶都沒有ss演得好。
雖然我勁唔鍾意mk Wong呢個人，不過無可否認佢同唐詩詠果段劇情好睇好多，起碼令我有意欲想追。另外一pair實在太悶，我只想輕輕鬆鬆搞搞笑笑啫！mk Wong d喜劇天份又真係幾ok，佢都係呢一範最吃香。
唐詩詠做o左妹妹仔咁耐，終於有得做第二女主角喇，都做得唔錯。其實佢做戲一直都唔差o既，只不過一路俾人妹妹長不大o既感覺，所以冇得做主要角色，依家終於可以上位啦！
太極...同芒姐一樣，劇種我都係一d都唔buy。功夫片可能可以吸引下d男性觀衆，但女性觀衆我諗真係唔太多人喜歡（不過我屋企居然係我媽由頭睇到尾）。見有林峰，都俾面睇下啦，話晒第一次做民初。首片尾曲都幾好，不過巫馬練功時都播人聲版，有d怪，應該播純音樂好d。
仲有，林峰鍾意胡杏兒是因爲什麽？由憐生愛？知音人？一個掌門成日為左個不明來歷女子誤正事，尤其是個女仔並唔係有幾好時，我係師叔都會趕個女仔走啦！留佢o係度一定會令曉星"不愛江山愛美人"！
同埋胡杏兒真係好唔掂，佢做d正常角色或喜劇會好好多，佢一做呢d戲，演技浮誇+八字眉&擘大口呢d弊病全部暴露。不過又奇怪喎！佢真人睇落屬於"暗精"(暗地裏精明)型，點解可以咁豁得開，做喜劇做得咁好？同佢真人性格好唔似。
to fernseher，草根林峰做過啦！律政新人王呀！雖然佢係律師，不過家庭好草根呀！佢d行爲作風同喜好都好草根呀！
to 電蟲 & fernseher，唔係喎！我都鍾意《再生緣》，皇甫少華傻傻地真係好可愛！同孟麗君絕配啦！
who is ss?
"一個掌門成日為左個不明來歷女子誤正事"
林峰好多角色都係咁, 經常因為自身性格問題而誤事, 之前華振邦咪已經累到自己個老豆破產囉, tvb可唔可以俾d討好d或正經d嘅角色佢呀?
胡杏兒真係咁差咩? 我又覺得可以接受喎, 反而接受唔到趙文卓一把年紀扮小子(尤其胡杏兒向佢表白, 佢唔知點反應果段)。
匿名，
律政係草根，但假假地都係專業人士。家好月圓既角色真係百分百草根人，佢整餅架咋。同埋先幾年既林峰同依家既都好唔同啦，自佢變男人左之後佢接親既角色都係痴情+有錢/年輕才俊/有社會地位/有型有款，所以我絕對期待佢點樣可以洗底將屋企人擺第一既草根平民。
我無話唔鐘意再生緣呀，我只係想講林峰係再生緣既演技係佢既演藝路上並唔算突出。
and agree with k.c.，我都覺得林峰做痴情已經夠哂皮架啦，仲要次次痴情到可以犧牲哂所有野，真係太無作為啦。如果tvb既目的係捧佢做深情公子然後吸納一班女fans，我覺得已經達到哂，林峰唔轉戲路既話佢只會停留係樽頸位，希望家好月圓會係個好開始。
套太極我好同意你講找胡杏兒好唔得,不過有少少民初咁時代先至好返少少,完全不敢想像她做古裝的樣子!同埋呢d"古裝劇"有個好"現代人"樣子的林峯同吳美行真係完全格格不入,唸住佢講太極先至睇,但係又係呢d感情戲就冇哂興趣la
林峰都叫”現代人"樣?!佢不嬲都被係”tvb古裝王”嚟喎…
點解呢度突然變咗林峰討論區?我覺得林峰演技ok, 而且睇佢睇咗咁多年, 唔順眼都睇到順眼啦. 咁佢個人都算好勤力. 不過佢呢兩年觀眾緣突然好咗好多,d人(我唔係話你呀芒姐)好似讚佢到”神化”咗佢.皆因佢”疑似”有斉白馬王子的條件有錢靚仔有上進心斯文有禮貌有家教…其實因為佢近年真係洗得個底好乾淨, 令人唔記得佢以前攬女夜浦醉醺醺又食煙.
我又唔覺得林峰好靚仔, 真係咁靚嘅就唔洗去整容啦, 而且, 原諒我坦白一點, 其實我覺得佢未整之前比較順眼。
係, 我都覺得最近D人好似神化咗佢咁, 好奇怪。
to k.c.，我反而覺得趙文卓ok喎！學你話齋，一把年紀扮小子，都有難度架，佢都已經算扮得似啦！至於胡杏兒，佢只要唔喊唔叫都ok既...仲有馬明想講下，我覺得佢都算係另一個鍾意用好多表情去做戲既演員。就算係憨，都唔係憨到塊面寫住"我好贛"架嘛？o係律政2，佢都一樣太多"擠眉弄眼"，不過後期有改善到。
to fernseher，你估林峰唔想轉戲路咩？d監製係都要派佢做情深王子都冇計架！其實我覺得情深冇問題，但係唔好咁癡情囉！仲要係為埋d唔值得咁癡情既女人癡情。好似Al佛咁，果個常在心日喊夜喊又無理取鬧，係我就一早飛佢啦，點知Al佛居然最後愛佢愛到"死"，認真無奈。
今次家好月圓雖然係整餅，不過都叫做"太子爺"喎，哈哈！況且我唔信佢呢個"草根平民"會唔癡情囉！肯定又係好愛好愛鍾嘉欣，為佢默默做好多野果d啦！好悶呀，次次都係咁！唉！想睇一次完全無感情戲既林峰，又或者做一次對女友好衰好衰，衰到殺人放火姦淫擄掠無惡不作既世紀大賤人...
Al佛真係咁情深就唔會一腳踏兩船啦, 仲要係搞女友個死黨添喎, 我就唔覺得Al佛個角色特別討好喇!
留意左好耐，次次d 留言同林峰有"la lung"，就會有好多隱形讀者彈出黎。:>
我覺得林峰係明星中計樣唔算突出，不過有份氣質係度囉，有大將之風，所以20出頭做秦始皇都handle到，可能真係出身既問題。
林峰近呢1,2年先至係咁比人portray佢係白馬王子，我覺得某程度上係順水推舟囉，佢接親d角色都係咁，d專訪好多時都要搵個主題，即係你睇完佢寫篇野你就覺得佢係個咩人，咪就地取材囉，+埋佢屋企背景亦都much more persuasive。我同你唔受唔緊要，佢d fans 受就已經成功左，做明星最緊要有個定位姐。
我係youtube睇左家好月圓既一個報導，鐘嘉欣話林峰係裡面都有d似alfred，真係放長雙眼睇下會點啦...
馬明...我覺得佢同鄭嘉穎有一個共通點，就係做戲時欠缺一份自信，好就住就住。唔知大家又點睇?不過我覺得馬明係律玫2已經有改善。
鄭嘉穎以37歲的年紀還可以扮型而令人接受，不簡單，只是演技欠奉。最美麗的第七天劇情沈悶，很難看下去。
太極覺得很好看，大部份的演員都做得很好，節奏明快。
馬明做男一，還需要点時间磨練。
馬明外型唔得, 演技又麻麻, 真係好難做第一男主角。
最美麗的第七天唔係太好睇, 但都比太極好少少, 唔鍾意d電視劇撈埋d內地演員, 我好怕聽配音的。
有一排冇留言, 芒姐提左一句林峯居然咁多feedback, 我諗我都可以講點解林峯最近好似越來越紅, 因為我以前對林峯完全冇感覺, 甚至少少負面, 因為佢以前畀傳媒塑造嘅型像喺有錢仔一名, 洗老豆錢, 鍾意泡女, 仲有少少串, 但不能否認佢一出道做戲就幾ok.
林峯最近幾套戲嘅痴情型係幾成功, 入哂屋, 佢e+去到邊都有一大班人圍, 我唔喺講fans, 而喺普通人, 不分男女, 林峯出現嘅哄動程度不下於好多大明星. 唔知我咁講又話我神化林峯. 哈哈. 我父母都覺得林峯好過MK Wong 同吴唱K之流, 佢地兩老宪全唔知我鍾意林峯, 所以冇biased. 林峯真係多左一班成熟fans, 我其實喺四大天王年代嘅人, 但從來末迷過佢哋, 當年反而鐘意”天王殺手”, e+臨老嚟中意林峯, 真喺撞鬼!
查實我喺畀Alfred厄咗唔少眼淚之後, 開始對林峯有興趣, 上網揾齊佢d訪問同唱歌片段, 完全對佢另眼相看, 佢喺幾talented, 佢唱歌跳舞好唔再講, 連最近見佢响太極打功夫都叫做有個型, 拍著趙文卓都唔失禮. 最緊要喺佢本人比我想象中有修養, 家教好好,絕對唔係不可一世嘅有錢仔. 特別喺我都有去好多functions近距離見過佢, 好多時都喺見佢好攰, 真係做到殘哂, 佢入行唔係為名為利, 覺得佢想證明自己唔靠父蔭都掂, 有志氣得嚟又好踏實, 前幾年佢响tvb都沉左一排, 等足七八先有得出唱片, 今年佢就做足十年, 比佢遲入tvb 嘅鄭嘉穎同陳豪都做左視帝, 佢都算默默耕耘, 任勞任怨.
林峯有冇整容唔喺重點, 冇當然好, 有亦無妨, 佢去執好樣都表示佢對份工作認真, 講真我覺得鄭嘉穎吴唱K好樣過林峯, 但佢地近年觀眾緣反而差過林峯好多, 始終証明觀眾都唔喺盲目嘅. 邊個有實力有進步, 邊個唔掂原地踏步, 一眼睇出.
嘩! 如果咁樣都唔算係神化林峰, 真係唔知點先算??
大家唔好介意我唔太特別buy林峰, 我其實都唔係唔鍾意佢, 我都覺得佢有進步、努力、勤奮、工作態度好, etc. etc., 我只係唔覺得佢好似你地所講咁各方面都咁perfect, 其實你地個個讚佢讚得咁緊要, 某程度上已經顯示出你地個stand, 你地話冇bias我就點都唔信架喇, 或者咁講, 其實你地as一個fans去神化林峰, 我覺得好ok架, 有邊個fans唔係覺得自己偶像樣樣都一流丫, 我明架喎, 但你地一方面強調自己冇迷佢, 另一方面又讚到佢曉飛咁, 我就覺得好搞笑囉, 唔通咁會令到你地對佢嘅稱頌有說服力d咩?
算啦, 我又冇話林峰有咩特別唔好, 大家其實唔洗咁著力幫佢平反架, 其實都係果句, 品味喜好嘅野好subjective, 大家都無謂再企圖互相說服對方林峰係好定唔好喇, 畢竟大家都係鍾意睇芒姐寫嘅野先會入黎呢度, 無謂搞亂芒姐個場啦, 係咪?
tessa,
我唔喺針對你嘅話,不過你用"神化"兩個字我覺得幾有趣 ^^
我認我喺100% fans, 所以我一定係biased, 只不過係各自表述, 呢d嘢無得說服,大家吹吓水咁解, 我諗冇人想搞亂芒姐個blog.
我和poutine一樣是看了幾十年的戲，從沒有迷任何人，到這个時候才做了林峯的fans，也算異數。
從沒有神化他，我不是十多歲的fans。論演技，當然不能和松哥比，唱歌沒有張学友好，跳舞當然沒有城城好了。
喜歡他的努力和默默耕耘。曾經有數面之緣，那份謙和有禮還是少見的。我是会去看他的戲，我這个很少買唱片的人，還買了三張他的唱片，支持他。
好認同poutine既"只不過係各自表述, 呢d嘢無得說服,大家吹吓水咁解,我諗冇人想搞亂芒姐個blog."。
我相信各大讀者上黎留言都係有感而發，無話要說服人地去同意佢地既觀點，亦無得說服。o岩聽既可以附和，唔o岩聽既亦都可以反駁。是否biased,又係一個主觀既standard。其實personal thoughts可以有幾中立?
我覺得討論應該著眼於言論內容，而唔係作者既stand同留言目的，反正呢2樣野又係好主觀，正如自己係唔係fans，大家心中都各自有把唔同既尺，無得argue。在我黎覺講有回應我就好開心，不論反對還是贊同，我唔會介意人地睇到既mood係咩。
btw我都覺得神化呢個term用得好搞笑:>
唔夠你地搞笑，一個二個一廂情願地相信自己偶像樣樣都好到加零一，連半句批評也說不上的說話也容不下，天下間又傻又天真的人真係何其多！
嘩，成三十幾個comments我以為芒姐覆左comments tim。
其實呢個世界上冇最好, 亦冇最差, 個「最」字全部都係加左個人意見落去架。 再講, 由頭到尾都冇人講過林峰is the best, 林峰最好好到加零一。
well.
其實大家都真係express緊自己既意見姐. 和氣生財呀各位哈哈哈。
p.s. 1: 嘩, 我唔認我係峰迷架！因為林峰稱唔上係我「偶像」, 只不過我覺得佢有時好靚仔(因佢好睇個造型髮型match唔match佢)做戲唔錯咋, 同埋我接受到林峰呢個人囉。不過如果咁都叫迷佢既, 咁我都有好多偶像呢 XD
p.s. 2: 芒姐見到呢三十幾個comments都應該嚇左一嚇 :P
我大致認同christy既comment。其中我都認為無人講過林峰係the best of the best。畢竟mood呢樣野好主觀，又係無得argue，因此亦都唔會多加解釋自己講過既野。
"連半句批評也說不上的說話也容不下"
我對呢句既理解係"佢地因為見到有人對林峰既睇法not as good as theirs就走去批評/罵/攻擊意見不合者"，暫時黎講我仲未見到有讀者咁做。
我諗芒姐見到呢30幾個comments，心諗以後都係唔好係blog提及林峰二字。:>
christy,我都認同你所講既"做戲唔錯咋, 同埋我接受到林峰呢個人囉。不過如果咁都叫迷佢既, 咁我都有好多偶像呢"
同道中人也!:>>
完全同意poutine.我also係"四大天王"年代,迷過leon城城.但呢十年嚟已經'心如止水.我响溫哥華仲要係睇過期港劇,唔追新嘢電視播咩我睇咩.林峰d劇/個人...ok啦,不過我個aunt勁like溏心,所以送咗set正版dvd我.睇之前幾乎唔知有林峰, 响冇其望下...嘩...同其他人一樣,從此中咗alfred毒啦
林峰係唔係响屋企擺咗個超級桃李陣???!!!
溫哥華匿名人上
I mean 桃花陣．．．
溫哥華匿名人
芒姐其實都唔想講咁多野煩住你，不過追開太極既我，又忍唔住要講多幾句。:>
其實杏兒除左喊戲/激動位浮誇之外，其他位都做得幾好。失憶前後既對比佢都做得幾到位，琴日同柴威對峙個幕亦做到大小姐既氣燄。不過睇睇下，乜原來佢個角色係咁唔討好架?所謂利用感情比欺騙感情仲賤囉!真係覺得佢接呢個角色係行左衰運,學你apple篇專欄所講,浪費哂佢累積左既觀眾緣。
仲有，好認同你篇專欄講既重複又重複用同一堆人既問題。自年頭已經不停見到馬明,李詩韻,仲有出親都係擔正既杏兒同mk wong。馬明先犀利,隨後上既幕後大老爺同古靈精探又係有佢!咁被力捧法,我都唔知應唔應該戥佢開心啦...
仲想講一講李詩韻,我覺得佢做得幾好wor,喊戲同激動位都拿捏得幾好,杏兒同佢一齊係戰場逃走時果幾幕竟有比下去既感覺。不過我覺得佢把聲有d怪,講野好似無咩氣,要擔正仲要等一等。
what if it's raymond and not kenneth or selena or myolie or bosco that ends up getting overexposed? will you guys hold a slightly different opinion by then?
嘩! 各位, 真係多謝捧場...我無睇一陣, 居然出現了30幾個留言, 以為自已忽然咁受歡迎添...嘩哈哈哈哈...原來係林峰 (oh, 或者加埋"biased"一詞)! 佢應該開心, 因為證明佢呢期真係紅, 無論係正反聲音...有人討論先有noise, 藝人最怕就係無人bother去提...
不過請寛恕我無法逐個留言去覆, 齋睇我都睇o左成個鐘...今次真係"多得林峰唔少"...哈:p (呢句都係講笑咋...各粉絲自見諒!)
Idle Chat,
well, to me..yes! in fact i like myolie a lot (except her chinese costumes or "mun chor" looks) and selena is quite ok as well...but the fact is that tvb's arrangement which leads to the over-exposure of them would make ppl sick of them (even to those who like them/are indifferent)...well...at least in my opinion...
至於係咪算"迷", 我又覺得係好個人o既definition, 你可能覺得日日追電視劇已經叫"迷", 我又可能覺得要去跟o下偶像, 出o下function先算係"迷"...迷唔迷本身都係一個謎...
林峰係咪perfect...無可能係啦, o下嘛?! 第一就無人會係perfect...第二, 唱歌我覺得佢算係好(尤其o係藝人之中), 如果放在歌星堆, 佢都唔差, 不過小肥/陳栢宇o個d可能仲好...跳舞, 因為第一次睇時out of expectation, 無諗過佢會跳得仲好過舞蹈藝員出身的吳唱k, 樣...我個人對於樣的要求很低, 尤其男士...所以我覺得佢算幾好樣 (當然, even李克勤我都衷心覺得佢個樣唔差的時候, 可能我的standard同一般人唔同)...不過你話佢個鼻, 我個人都相信係有整過, 因為真係同以前唔同o左 (請各粉絲原諒...唔知點解o係自己blog寫o野都要落disclaimer?!)...但我係prefer佢以前個樣多d, 亦都覺得佢完全無需要整...不過呢d個人喜好, 我不便評論...至於有無必要認, 我覺得無...除非你係想好似freeze或吳文忻咁sell呢樣o野...但香港人一般接受唔到你高聲呼叫話自己整過 (包括我), 都係o個句寧俾人知莫俾人見嘛! 但係如果s4加埋林峰5個之中你話邊個最好"樣"...真係齋講樣, 我個人會覺得係陳鍵鋒...
至於演技, 新進o個批我覺得佢算係最好o個個...mk wong都好有進步(雖然我依然唔buy佢), 不過大家定位唔同, 一個深情, 一個搞笑...
re太極:
我認同胡杏兒唔喊苦喊忽同八字眉時會好好多...我都係鍾意佢做有知識有學問的專業人士 (當然又係個人喜好啦!)...因為佢係做到o個種感覺...平時見佢以"胡杏兒真身"上遊戲節目或接受訪問時, 你會睇得出佢係好聰明同埋轉數好快...呢d人我欣賞...苦情唔係佢強項, 亦無必要令佢吃力不討好!
李詩韻演技我一向覺得幾ok, 前年"肥田"時已經講過就不多講...尤其當時佢仲好新, 係算做得十分唔錯...但一日兩套有佢排陣上係做得差...同埋到依家佢咬字都有d怪怪咁, 呢樣可以improve!
oh, 見到有吳美珩出o黎做宣傳...好高興呢! 都係o個句...佢真係好有氣質, 好有貴氣!
re: 太極片尾曲
係幾好聽, 配合到套劇個feel...不過每次趙文卓練功都播o下又未免多o左d...
re: 美七
呢個名真係好啜核...上次有位朋友留言時寫低o架...我都覺得好抵死!
嘩, 鄭嘉穎+niki+李詩韻o個段真係想死...節奏又慢, 劇情又煩...拖極都係o個度...日本d景係靚, 你搞到劇情咁慘係淒美d...但真係好悶sorry...仲要玩到有愛滋咁大...我以為係話佢有d咩慢性病或cancer...點知...跟住niki係咪會死 (我都唔知, 之係聽人講o乍!)
呢段真係完全令人失望...雖然我鍾意睇嘉穎niki, 但係無可否認, mk+natalie o個段"飛甩雞毛"都好睇d...有時都有得笑o下! 唐詩詠係好靚囉我覺得 (但又唔等於我好buy佢)...同埋仍然未有女主角的格...但阿chloe做完"酒店"的出位大奸角同埋"鐵血保鑣"的第一女主角之後, 又跌番落去做第二女主角的朋友 (李思欣都吃重過佢)...都真係幾可憐!
re: 陳山聰:我地好專業ga
真係想死! 太hardsell, 太over...仲要架"專業"車不停o係日本外景出現...你要sell個sponsor, 唔係用d咁低庄的手法...上次"歲月"的雅芳婷已經笑爆嘴啦...唔知會唔會真係有觀眾因為睇完套劇而去買呢? 定係反而更反感...? 我都唔知喇!
發佈留言
<< Home