3-12(sun) 鄭嘉穎
從來都無鍾意過鄭嘉穎, 唔知點解呢期睇"天幕下的戀人", 愈睇愈覺得佢幾有型又幾靚仔喎 (其實objectively, 佢以前好似仲好樣d添, 但係subjectively, 以前又無咁樣覺得過...好複雜!), 即刻走去唱k都再唱多次呢半年來成日唱o既"三角兩面", 再唱番兩首佢十年前o既代表作"一千個願意"同"分分鐘記起"! 仲想摷埋d舊頒獎禮出o黎睇添!(題外話: 當然有食住條水唱o下"難兄難弟"主題曲...個mv居然係"難兄難弟"電影片段! 當年我咁追捧呢套劇, 梗係有去捧呢套電視版o既場...一個字: "爛"! 戲爛, 演員造型爛 [尤其寶珠個假髮同電視版差好遠], 所有o野都爛! 連演員都頗爛...換走o左最唔似o既芳芳, 但係舒淇都唔見得比宣萱扮得似, 反而98版"神探李奇"o既吳綺莉仲好d! 再加埋阿叻扮o既唔記得邊個, 同埋行姐扮o既家燕姐...真係唔多掂! 無o左黃紀瑩, o黎個同樣懶音王陳彥珩...一樣咁可怕!)
不過鄭嘉穎又真係咁多年都無大紅過, 即使當年橫掃晒各台o既新人獎, 但都唔見得太紅, 兩o下仲唔見埋要過台灣發展! 睇篇訪問佢個螢幕最佳拍檔niki都話, 鄭嘉穎其實又靚仔又型又cool, 但係就差o左d運氣…不過我仍然覺得睇佢d訪問係有d悶o既…可能悶就係佢最大o既缺點! 同埋佢同依家同期被力捧o既小生年齡差成十載, 係有d格格不入囉, 佢應該屬於上一代!
佢同niki呢對螢幕情侶又的確係幾ok喎, 睇得人幾順眼! D人唔鍾意niki, 我又覺得佢幾爽朗幾funny (同埋唱歌無我想像中咁差!)…從幾次訪問中, 我都覺得佢講o野幾有趣, 尤其上年台慶o個滴淚同埋o個句: “我無諗過o黎?獎, 我以為係o黎抽獎咋喎!” 笑死我! (仲要o岩o岩發現原來佢都係我o地o既“79同盟” [哈哈…無錯, 從來都唔會掩飾年齡…人人都會老o架啦, 除非你死o左o架o者…真係太呀Q!] 唔知佢換o左證未呢?! 仲要發現原來佢同楊怡係同年同月同日生, 都係79年8月30日, 而呢兩個花旦我都幾buy…等我去搵o下有無其他認識o既人係呢一日出世, 可能會幾o岩key! 又多一個“79人”, 歌壇就旺80[其實應該係早年o既英皇o者!], 電視居然旺79…林峰, 吳唱k, 廖碧兒, 胡杏兒, 楊怡, 依家仲有個周麗淇…力捧o個批大部份都係呢一年出世…真係 “老餅”都有出頭天!)
搞到我有d想睇番佢o地上次合作o個套“翡翠戀曲”, 因為當時覺得又唔吸引題材又勁怪雞 (主要係唔知套戲想點?), 所以無咩點睇到…後尾睇番原來有我兩大“偶像”邵美琪同葉璇做…miss左真係呻笨! 原來呢套戲又係王心慰做監製…真係每個監製都有佢特定o既班底! 佢次次開戲都幾乎係搵番o個堆人…“翡翠戀曲”有鄭嘉穎, niki, 夏雨等…仲要原來“yummy yummy”又係佢做監製, 跟住又係有鄭嘉穎, 唐詩詠, 許紹雄等…佢真係好鍾意用鄭嘉穎!
記得當年有幾集“開心華之里”, 係搵鄭嘉穎呢位新進靚仔歌手介入朱健鈞同麥家琪 (個"家"字一定要特別大聲+拖長o黎讀)o既戀情, 我o個時仲覺得…有無搞錯? 梗係揀朱健鈞啦…諗番覺得自己超有taste!
(鄭嘉穎+王馨平@94年一本隨香港電視附送o既時裝書)
“天幕下”個大家姐何綺雲的確係做得幾好 (好搞笑...前幾日去拿身份證聽到counter叫何綺雲小姐, 我即刻望過去睇o下係咪佢...不過佢應該仲細過我o地!),, 新人o黎講就更加無得頂...d克人憎咀臉同埋教佢個妹去兇佢男友o個d樣簡直令人拍案叫絕! 就算唔係佢做主線d戲都交足貨…究竟呢位姐仔o係邊度走出o黎o既呢? 但係個細妹阿“勁嫂”唐詩詠就真係愈做愈唔掂, 尤其同阿水配o個d戲好難睇!
姚嘉妮都做得幾好幾自然…佢同何綺雲兩個“妙手孖寶”確係做得唔錯! 其實姚嘉妮幾年前做o個套“公私戀事多” (唔exactly記得套劇叫咩名, 只係知同粗口無咩分別!)….記得有一幕佢扮竹升, 同劉永健o係街邊見到雞旦仔, 跟住扮唔知係咩o黎咁話: “oh, 呢d marbles咁o既物體好cute呀, 係咩o黎o架?!” o個段真係笑死我, 第二日返到學校大家仲激烈討論o左一輪添…笑o左好耐! 雖然呢套戲無咩人記得, 但呢段真係好深刻, 亦令我對佢刮目相看! (尤其係發現佢係少有英文talk得o既亞姐!)
同埋其實如果我係沈朗, 我都可能會揀佢都唔揀阿詩…起碼醒d又無咁煩! 哈!
唔覺唔覺下個禮拜又大結局, 跟住o個套爛cast+爛題材o既咩“馬戲團”…又可以唔洗睇喇!
posted by 芒姐 at 11:34 上午
11 Comments:
你好犀利呀!!你係TVB打工????
點解乜都知既?? 仲有d keep左咁耐既magazines
我都係一個電視迷黎?
所以好鍾意睇你個blog :]
我最初係因為對周麗淇同王宗澤都有好感，所以睇套「天幕下的戀人」。(btw我覺得阿王宗澤果兩個咀角好得意，佢笑起上o黎個咀好似batman電影?面扮joker o既jack nicholson~~邪邪地但係好吸引。)
點知最大o既驚喜係鄭嘉穎!佢最初出道時話係「棒球小子」，但係除 o左陽光氣息就無以為繼。而家反而覺得佢年紀大o左，人成熟o左，順眼o左好多!有男人味添呀!
有d男人真係需要有d經歷，有d時間o既洗禮至得o既~~
你好, 首先要認親認戚先, 我係金美個frd, 不過唔係金美介紹我0黎, 而係睇帶銀公主個網頁, 見到佢提你個名, 又諗起金美, 先走入0黎, 姑勿論我識唔識你, 我都好鍾意睇你寫0既野, 好到肉, 亦分析得好獨到, 好interesting!
我覺得何綺雲做「天幕」都唔錯, 但做妙手時好唔得, 尤其有一段時間係講佢同鄭子誠(??)有婚外情時, d 對白好似讀出0黎咁, 完全反襯出姚嘉妮d 戲掂好多... 哈哈, 睇何綺雲個樣, 真係唔知原來佢細過我地囉 :-p
好驚。竟然0係呢度見到雪人個名。。。都係0個句﹐網絡世界真係小之又小。。。
你放心﹐芒姐一定記得你﹐我諗佢都知你係邊個﹔況且﹐你地都有過數面之緣啦。。。:P
我路過既, 好想問o下你有無睇TVB逢星期日晚播o個個唔知咩「演鬥廳」, 想問o下你點睇~~
我覺得個節目好悶呀, 尤其係o個個伍衛國, 又老又醜又土又鈍又走音兼成日食鏍絲, 我好怕佢架, 都唔知點解會搵佢做主持, 佢走音既程度拍得住Twins, 唔記得台詞/遲鈍既程度勁過一級蠢豬楊思琦~~ 好趕客o羅!!!! 可唔可以換主持呀????
To "good in a":
我當然唔係o係tvb打工啦, 我只係一個從小到大的電視迷...同埋一個鍾意儲垃圾的人, 所以咩都唔拾得掉!
to rona:
哈哈! 你講開mk wong個咀, 又的確係搞笑! "嘉穎仔"的確係得, 成熟o左反而正o左好多, 呢期我好buy佢...仲特登摷番d舊錄影帶出o黎...睇到佢選新人o個年o既新人巡禮, d fans係哎佢嘉穎仔(which is TOO cute囉! 但寶記當年係興製作呢隻偶像, 93嘉穎仔, 94有個好可怕o既洪鍵華, 95有東東), 同埋佢係靚仔但有d呆滯! 不過佢又的確係最多fans o個個, 但hit左兩年就唔知去o左邊?! 可能跟o左阿linda返老家!
to 雪人&金美姐姐:
我梗知你係邊個啦,你係alixx (我唔知你想唔想我開名)呀嘛?! 多謝你捧場...但你點知芒姐=我呢?
咁我都要認親認戚...其實九年前我已經認識你啦...f6 joint sch astronomy camp嘛...哈哈哈哈哈! 仲有o係大學時o既"數面之緣"啦...我記得o架!
何綺雲做妙手係無依家咁好, 但個死人樣都好克人憎...有潛質! 哎...睇樣係好難估到一個人o既真實年齡, 尤其係d名星! 其實何小姐幾歲呀? 我懷疑佢可能係三姐妹中最細!
同埋我覺得呢三姐妹選角真係wely good囉...大家姐真係好似大家姐, 每人都好有佢o既特色...姑勿論佢o地真實邊個最大啦...王心慰選角係有一手!
to「好驚伍衛國」:
「演鬥廳」我基本上個個禮拜都會睇, 但仲衰過以前阿姐個名曲滿天星...
伍衛國除o左個樣keep得幾好外(我個人認為啦), 係全完唔得o架...佢去拍戲可能好d, 但做主持同唱歌佢一d都唔掂...
其實我前幾篇都有講過呢個節目, 詳情見:
2-28(tues) “富貴逼人”系列 ,
2-20(mon) 義不容情 ,
哈哈, 你咁同開我名無乜分別喎 ;-p 唔通我叫 alien 咩~ 哈哈哈, 不過名呢家野無乜所野, 學kelly 話齋, 個名改0黎俾人叫0既 :)
點解知芒姐係你呀, 因為好似曾經0係金美小姐個blog 度提過芒姐, 咁好自然就聯想到
講開何綺雲做得出識, 忽然諗起馬蹄露, 佢做三八又係做得好好, 個樣一行出0黎已經好黑人憎同貪錢 (咁我覺得何綺雲靚d)
我諗住你可以叫alive咋...四大型男組成...唔錯呀!
無錯, 名係改o黎俾人叫, 但網絡上開真名有d危險, 我剛領教過...哈!
oh...你居然將何綺雲同馬蹄露比...佢實在太可憐喇喇喇喇喇....
發佈留言
<< Home