3-2(thurs) 天幕下的戀人 (下)
(續前篇)
呢期d宣傳片無啦啦sell話呢套劇o既男女主角都曾經?過好多樂壇新人獎, 今次仲一齊合作主題曲 (有日劇feel但不太好聽)…但一睇之下, 原來相差12年…鄭嘉穎幾乎?晒93年四台所有新人獎, 因為以我記憶所及, 當年基本上係得佢同馬浚偉兩個男新人, 咁佢靚仔咁多, 梗係多fans好多啦…又會咁橋tvb呢期就係上佢o地兩位93年度最有前途男新人主演o既電視劇…係咪意味著?完“最有前途”新人獎, 反而o係樂壇會無咩前途呢?! 咁應該阿niki o係樂壇前途會一片光明, 因為佢今年只係分到兩個豬肉新人獎!
同埋其實佢兩個o既年齡都差一大截…不過鄭嘉穎係keep得幾好, 同埋男人係kum老d! 以前都無咁覺得…佢其實真係幾靚仔o既!
而於周麗淇…好多人麻麻地佢, 我又ok喎…不過好怕佢d懶音, 最憎懶音怪…同埋佢個樣真係同以前唔同o左好多…睇番d舊相, 佢應該唔止整過d牙…直頭成個樣大執過!
(摷自2001 tvb週刊…咁o岩睇到未有知名度o既佢同佢家姐o既訪問…o個時周文錡靚過佢好多…你話佢無整過容, 我打死都唔信! 反而佢o係呢套戲個樣就幾似佢家姐!)
可惜niki個角色唔多出, 但勝在討好, 所以應該無人會憎佢 (個角色)!
鄭嘉穎做o個個好高鶩遠o既沈朗…嚴格o黎講都唔算太唔討好o既…不過之後搭上有錢女姚嘉妮就唔知會唔會喇?! 佢個角色一開始已經話搵女友唔可以太純, 因為純o既背後就係鈍…跟住又一日o係度拉關係, 上個禮拜o係“娛樂直播”接受佢表弟王賢誌訪問時, 佢話呢個角色同佢本人好唔同, 最大得著就係令佢開始儲卡片…哈哈哈! 實在太好笑…咁都係一大啟發…可見佢真係一個好“純”…仲要係好悶o既人(從訪問中發覺)…!
嘩! 大佬…幾年前好紅o既童星成珈瑩依家變o左好大個, 好老積, 仲要做少女版周麗淇暗戀少年版鄭嘉穎…真係嚇死人! 但最嚇死人o既係…飾演少年版鄭嘉穎o既…正是成小妹妹o既親生大哥成展權…可唔可以唔好咁亂…o黎呀?!
Oh…仲要做夏雨年青時代o既居然係李泳豪…佢大個o左個look真係好唔掂!
至於其他角色…又有王維德, 幾乎套套戲都有佢! 仲有o係 “皇上保重”做劉德華個皇后o既曾慧雲依家居然要做司徒瑞祈個馬姐…真係好可憐! 羅冠蘭就永遠都係做呢d貪心婦人角色…但係好o岩佢! 羅敏莊就正如之前個entry所講…做戲好唔掂…都係去唱番歌啦!
反而最出o既兩個角色, 係黃宗澤同埋何綺雲!
mk wong就都係o個句啦…雖然我唔多buy佢, 但佢真係愈做愈好, 上次“阿旺新傳”已經另眼相看, 今次呢個傻氣角色, 好浮誇, 但又係的確出喎! 佢一日o係個商場度大哎鄭嘉穎做“大哥”已經夠趣緻! 仲有佢叫“權力”, 佢老豆叫“權單佑”…無聊笑位, 不過都ok好笑!
至於何綺雲…我諗大家都唔知佢係邊個…呢…上次“妙手3”做姚嘉妮個八婆護士朋友…o個時已經話佢做得幾似o個個呢…今次d克人憎嘴臉仲做得好, 同埋佢個角色真係好似我o地大學一個同學, 咁當然, 戲?面個角色就梗係要更誇張啦…但d細節真係好似…笑死我!
佢呢個typical貪錢想釣金龜角色, 真係好寫實…仲要唔鍾意都吊住人, 一日有事無事都o係度洗d觀音兵o既情節, 真係好“似曾相識”…睇得人尤其高興! 仲要以“大家姐”身份教d“姊妹”揀男友最少一定要揀經理級, 主任仔就可以慳d…連陳小春接受“東張西望”訪問時都quote佢呢句…可見影響力幾大! 佢仲成日以校長口?去同d姊妹講: ”girls! 醒o下啦!”, 又叫佢o地睇傲翔坊職員“搭邊架“車立”去睇級數…而o個堆girls又真係個個都有佢o地o既characteristics, 好typical想“嫁個有錢人”o個隻…好正! 好好笑!
呢part主力諷刺個個女人都想識公子, 想“嫁個有錢人”, 講唔同女人o既態度講得好好…而何綺雲個角色真係好出…上位在望! 不過佢咬字好有問題, 聽得人好辛苦! 反而因為“李笑好”角色而上o左位o既湯盈盈, 今次又係做番以前d八婆角色…原來做醜角先出到位, 我諗佢自己都估唔到!
尋日o岩o岩出o左姚嘉妮…上次o係“妙手3”佢同何綺雲個doctor hunter角色都做得好好…今次佢兩個又係做同類型的克人憎角色…o岩晒佢o地!
posted by 芒姐 at 6:36 下午
6 Comments:
Monica Jeh Jeh, I have been meaning to ask you, why do you call Bosco Wong MK Wong?? I don't get it...By the way, I knew Niki is going to go out with Bosco for awhile in the series, but then Kevin still likes her and she still likes Kevin, just wonder if they ARE really going to end up back together.
Oh, I totally "buy" Niki's acting, not singing though. :) I think she really is a good actress, better than some of the TVB actresses...like Sonija...(oh don't want to name names, there might be someone out there that likes her!)
Well, if you remember...I've said that I always thought Bosco Wong looked and sounded so "Mongkok" since he first appeared in those music prgs 5 yrs ago (which means those "leng jai"(s) who think they themselves are stylish ["ying"]and trendy etc...but in fact very...well, you can find a lot of such SLJ {sei leng jais) in Mongkok...so there's such term in HK)...and "MK" is the short form of Mongkok commonly used in HK...
哈哈,我都好鐘意睇呢套劇架,雖然我好多同學都話唔知有咩好睇,但我覺得至少不用再捱三個大叔,有靚仔靚女靚人靚景,對於我呢種shallow妹好?口味囉~~
哈哈,完全同意《甜酸爺爺》搵楊思琦來做萬人迷真係一個敗筆,well,基本上所有佢的劇我都麻麻地囉~~
mr wong真係唔錯架,澳運六星時代我已最心佢啦,可惜佢一直做來做去都只係第二男主角,又或者咁講,第二男主角先係佢發揮之位啦~anyway,我覺得佢好過吳唱k好多囉~
我都好鐘意睇電視架,得閒交流下啦~~
沒有申請blogger,唯有用住匿名寫啦,我叫鄧塔啊~
終於等到你講呢套劇. 無記呢排成日做古裝劇, 真係有d悶(尤其係果套棟篤狀王,雖然未睇過,但係睇到宣傳片黃子華果句夾硬黎的"sure win"就冇哂胃口). 我都想講成珈瑩大個女左真係冇咁可愛,暗戀佢阿哥就更加有點變態...同埋除左阿niki之外, 阿司徒瑞祈講野都好難頂下(d戲好屎唔在講)!
to tfil:
係呀!司徒瑞祈講o野都係一舊舊...仲有個大家姐何綺雲, 就好似含住舊檻講o野咁! 大家都好有語障! 至於懶音, niki依家都好o左少少...新人中最勁o個個莫過於黎諾懿! 聽到佢講o野真係想熄機!
其實成珈瑩o係烈火雄心2後都已經過於老積, 過於"識做戲"...依家仲走入尷尬年齡, 真係好尷尬! 佢阿哥前幾年ok好樣...依家有d跌watt!
to 鄧塔...點解叫阿塔?! 係咪因為叫stephanie? 無..."初戀無限touch"上腦o者! 其實你唔需要申請blogger都可以留名, 只要click"其它"就可以打你鍾意o既代號喇!
mk wong...我諗真係唔係我o地呢個年紀朋友杯茶...正如我之前所講, 佢太mk! 不過唔buy還唔buy, 客觀地講, 佢係做得幾好! 即使係buy o個d, 做得唔好都一樣要彈...呢個係我o既宗旨! 吳唱k的確係愈做愈唔掂! 六星中我始終最支持林峰, 第二我諗係陳鍵鋒啦...哈哈!
楊思琦...真係so sorry, 接"天幕"o個套"馬戲團"又有佢, 可以不睇!
好呀...歡迎所有不同年代o既電視迷一齊父流o下!
發佈留言
<< Home