2-21(tues) 警訊

今日有少少時間, 特登去explore o下我最喜愛o既尖東…總覺得呢個地方充滿八十年代色彩, 廿多年都無咩點變! 尤其尖東火車站落成後, 去呢度方便o左好多!

點知一出火車站, 就俾一個姐仔截住…劈頭第一句同我講:“小姐…小姐我無惡意o架, 你唔洗驚…”我初時以為佢想問路, 但一聽佢o個句“我無惡意o架”就知佢係咩人啦…無啦啦同人講我無惡意o既人, 通常都最有惡意, 即係好似同你講:“no offence”o既就最offensive一樣!

不過我好impressed o既就係依家呢d“騙徒”個樣愈o黎愈pro, 愈o黎愈樣貌娟好, 愈o黎愈討好! 前幾次o係中環截住我o個d就又青春, 又靚女, 今次呢個打扮比較中性, 感覺十分pleasant, 又有禮貌…同銅鑼灣o個d“鬼祟篤篤師奶黨”差好多皮…at least你無咁好意思去拒絕佢! 仲要第一下就向你派片, 話:“我唔係壞人…係xx製作公司/政府宣傳部人員…”去搏取你信任…如果今次我唔係趕時間, 都想睇o下佢玩咩?! 但因為得番幾個字去遊覽我最喜愛的尖東, 又要趕住去某地方, 遲o左我就真係俾人打死…所以佢未講到第二句我就邊走邊“唔該晒”佢! 費事一同佢糾纏第一下, 就半個鐘都唔洗走!

不過我對於呢d“警訊”騙徒真係愈o黎愈欣賞, 唯一嬲就嬲在佢居然覺得我個樣好呃…真係 “喜有此理”!

無意中搵到一個周國賢blog…真係佢自己寫o架喎! 內容又唔係特別精彩, 同埋佢d英文真係好亂o黎, 但係有好多私伙相睇…同埋好少藝人會自己寫blog, 相信佢d fans會睇得好開心…我都睇得幾開心呀!

周國賢blog