3-11(sat) 斷背山
終於我真係走o左去買上一期tvb周刊, 因為俾“藝人親戚關係大揭秘”內容吸引, 同埋想睇o下“天幕下的戀人”! 估唔到咁橋兩篇都係關於上個禮拜提過o既藝人…鄭嘉穎+王賢誌+向海嵐&李泳漢+李永豪+黃宇詩! 仲畫埋個family tree解釋俾大家聽個複雜關係…原來鄭嘉穎同王賢誌係“隔代表親”, 咁就算唔熟都唔出奇! 向海仲要係vincci個舅母o既表妹, 咁唔識都唔出奇添!
另外一篇係講李泳漢+李永豪+黃宇詩…上個禮拜先講話佢o地好似完全無啦間咁, 今個禮拜就有呢篇報導睇…又話原來泳漢同泳豪細個成日去華娃屋企, 泳豪就會同黃宇詩個阿哥爭打機, 但係泳漢居然會同黃宇詩一齊玩煮飯仔…唔怪得知佢真係咁女性化! 佢仲懶係話唔知自己細個做咩會玩埋d咁o既o野…其實又洗咩唔認呀? 佢本身個感覺真係好?型…呢期仲有週刊標題話 “李家鼎斷背仔送手機俾王喜, 王喜唔o趙但唱”…嘩! 呢個標題真係超賤!
(居然o係小掃除時發現僅有o既幾本88年“選擇”…仲有小時候o既孖李做封面! 佢兩個細個真係幾得意…尤其係大孖真係幾靚仔…你點會想像到依家o既佢會變成咁o既樣?!)
“斷背山”呢期真係hit喎, 除o左娛樂版講, 連港聞版都不停以呢套戲做題材, 又咩“港版斷背山”…講o係公廁搞o野o既兩個有家室男人! 最搞笑係仲做o左個調查話如果要演港版斷背山, 問d人覺得邊兩個藝人最適合…結果係陳冠希同玻璃人陳鍵鋒 (我照quote o架咋, 雖然“玻璃人”某程度上都幾寫實…真係sorry晒!)…因為佢兩個夠晒青靚白淨喎!
呢個“斷背”term成為本期“潮語”…連yahoo search都熱爆, 真係唔好話唔威! 以後唔好話人基, 只可以講: “你好斷背喎!”否則可能會俾人笑你“背”!
(仲搵到本87年我“偶像”邵美琪做封面o既“選擇”)
今期壹周封面o既“吳唱k同觀音娜扮反面真相戀”都幾好笑…無買o黎睇, 不過之前睇報紙暗名o個d報導都有話佢o地其實真係有路o既…都無咩所謂, 只係見佢兩個呢排扮反面d新聞幾好笑o者…同埋兩個感覺都愈o黎愈cheap囉!
尋晚tvb又話做完"難兄難弟"做"陀槍師姐", 點知今晚最終又係播番"大鬧廣昌隆", 一時一樣, 搞到人無所適從! 人o地諗住趕返屋企睇陳三元同程峰...點知一開電視見到大隻廣同小芙蓉! …最怕大隻廣o個把懶有趣o既聲!
posted by 芒姐 at 11:21 上午
5 Comments:
係啦，無線咁都攪錯，不過呢，我係公司收到佢地既節目表時，都係話做小芙蓉，唔知點解又話做陀槍師姐，最離譜係預告都錯嘛。
芒姐，你睇「天幕下的戀人」時，有冇發覺大家姐其實幾靚?? 我覺架，佢做妙手時，我都有留意佢，佢做model，但做戲都唔錯喎，你覺得呢??
幾個禮拜前節目表係寫陀槍, 跟住近期改o左小芙蓉, 但電視預告又陀槍...只可以話係一片混亂! 今日我又睇到一樣錯, 下午明明做完"娛樂直播", 佢居然預告話下個節目係"娛樂直播"...當我一頭霧水時, 佢出卡通片...啞晒! 仲有銀姐姐講o既茶是故鄉濃做完後居然出錯情濃大地o既預告...咁都錯得?! 真係離晒大譜! 無線呢期唔知想點?!
講真...我都覺得大家姐幾靚, 係有d語障o者! 但我d friend個個都話覺得佢勁樣衰...其實佢個樣唔錯喎, 分分鐘可以話靚過周麗淇, 只係niki個形象討好d囉! 姚嘉妮都幾ok呀!
但係我覺得姚嘉妮好似深夜港灣o既甄楚倩喎...
哈哈哈...姚嘉妮似甄楚倩我都係第一次聽...但你講開又有真係有d似, 不過姚嘉妮點都好樣少少...甄楚倩感覺超作狀!
係咩甄楚倩好作狀咩? 咁衣家果d fiona, stephy唔作咩????
我覺得yolinda唱砍好好架, 去yolindayan.com 聽下啦^^
發佈留言
<< Home