3-4(sat) 爆笑急轉彎

推介推介: "爆笑急轉彎"...一個我好鍾意睇o既搞笑節目! o個頭同人講完好想睇番呢個節目, 呢頭睇節目表真係見佢深夜5:15重播! 尋晚播o左last一集, 今晚同下個禮拜五都仲有得播...好興奮! 雖然睇過無數次, last一集我仲有錄到添 (因為當時好鍾意楊千嬅)...但依然好期待佢重播, 總好過睇恬妞o個個"開心浪漫俏佳人"呀!


鄭中基雖然係一個活生生o既 “無賴” (最好以利孝和夫人o係勁歌總選o既口?讀出“無…賴…”), 但我真係幾buy佢, 事關佢超級funny! 佢雖然又唔靚仔又“壞事做盡”, 但係都能夠吸引到咁多靚女友, 必定有佢o既原因! 識唱歌係其一啦, 但我諗佢funny先係最大原因!

“爆笑急轉彎”簡直係佢o既代表作, 事關佢o既搞笑細胞完全表露無遺! 三個主持基本上都各有特色o既, 咁先可以擦出火花…阮兆祥做主持係功力最深厚, 但係好多位都over左, 太刻意去搞笑! 蔡一傑就只係得一個字: dull! 佢係就係靚仔 (尤其扮女人時真係幾靚), 但口才真係一d都唔得, 成日都接唔到d位, 啞o左咁o係度…佢都係適合去番唱歌跳舞(仲有呀, 又話年初會有草蜢演唱會part2, 點解到依家都未有? 我好期待再睇呢個我個人認為十年來最好睇o既演唱會)! 不過佢又有佢o既存在價值o既, 梗係要有d人負責搞笑, 負責窒人, 有d就負責俾人窒…最鍾意睇佢o地互窒d場口…無線搵呢幾個人一齊主持, 梗係覺得佢o地各有長處o既! 但係最出o個個, 居然係鄭中基囉! D笑位捉得好準…我都係睇完呢個節目更加欣賞佢o既funny!

至於個節目本身, 都ok有趣…最欣賞o既環節就係煮? (我諗係抄smap個節目)…好記得有一集係整拉麵, 人o地師傅就o係度拉正常o既麵…鄭中基無啦啦整o左一細撮出o黎自己摺埋一邊o係度拉, 場面好搞笑…唔知會唔會重播番呢一集呢?!

今集有蘇志威同劉小慧加埋佢個仲係bb o既女蘇君蕎, 鄭中基依然抵死…原來阿細同小慧同唔差…應該搵佢頂傑仔個位!

仲記得有一個環節係叫佢o地做一d task, 有一集係要佢o地幫輕輕鬆鬆o既鄧梓峰湊一對孖仔…呢隻都幾搞笑…梓峰對孖仔亦幾得意!

尋日播o左o既last一集, 主力係曬鄭中基同楊千嬅o既溫馨…事關三個主持都請o左佢地最friend o既朋友o黎, 鄭中基就梗係搵楊千嬅, 呢d gimmick無線一定唔會放過…又合唱又一齊做戲…好sweet咁! 令人諗起當年鄭中基作o左隻“2月3日”俾楊千嬅做生日禮物…係就係非常?o既, 但係俾依家個女友阿sa聽到, 都真係激死…隻歌錄o左就永遠都o係度, 仲勁過個愛的紋身, 真係洗都洗唔甩! 同埋都係o個句, 我仍然覺得佢同千fa襯好多!

尋日o個集仲有一個環節係講佢o地扮卡拉ok mv畫面, 一個幕後唱, 一個就演繹…最好笑係祥仔扮蔡?華, ronald幕後代唱“絕對空虛”, 點知唱唱o下轉o左句 “火中抽出鐵棒…”出o黎 (一眾80年代fans或者會知我講咩…又可能要係70年代電視精先得! 總之係麗的年代青春劇fans就會知係咩歌…可能因為o個期 [99年聖誕前] 亞視深夜o岩o岩重播緊“IQ成熟時”同埋“青春三重奏”…我咁記得係因為當時知道會重播“IQ成熟時”, 開心o左好耐! 係我溫mid term的一大動力!) 仲要第二集祥仔叫佢唱隻歌d狗仔聽, 佢又唱多一次呢句“火中抽出鐵棒…我知道燒傷了一隻狗…”, 證明佢一係就係蔡楓華fans, 一係就同我o地一樣係80年代電視精!

呢個節目雖然曾經o係深夜重播過好多次, 但依然咁鍾意睇! 唔該一連播晒13集, 等我可以重溫番…反正o個個時段成日播來播去都係o個幾個節目!