3-9(thurs) 天生一對
呢排好耐無入去yesasia個site度睇, 今日偶然按入去, 居然睇到呢d留言, 真係高興到忍唔住笑出o黎…哈哈! 多謝晒你呀, Nicole! 你真係讚到我天上有地下無! 讚美o既說話…受晒…!
…“It's a very vivid account of the TV masterpiece "The Return of the Condor Heroes"!!! Mxxxxx is a gifted writer - a truly bilingual TV critic of the time!”
“這是一篇很能喚起大眾回憶的文章, 文筆很好, 內容也十分豐富, 看得出作者在資料搜集方面花過不少心思! 如果不是看到這篇文章, 也差點記不起劉德華曾與蔣麗萍以古裝扮相擔任過83年度香港小姐的表演嘉賓(該是張曼玉參選那一屆吧)呢! 期待作者能繼續多寫, 讓我們拭目以待!”…
上個禮拜睇o左楊千嬅同任賢齊套“天生一對”…本來無咩期望, 但turn out都ok好睇! 呢套講乳癌o既電影, 幾警世呀…劇情亦不太無聊! 最正係有一大jar無線藝人擔綱演出, 仲要係我最鍾意o既80年代藝員!
首先係我偶像邵美琪做千fa個婦科醫生, 又有張兆輝, 仲有林家棟…全部都係呢期杜琪峰core o既班底…“大事件”呀, “黑社會”呀都係呢班人, 估唔到今次完全唔同劇種都有佢o地…可見杜琪峰係一個好念舊o既人…一路都咁關照tvb o既兄弟姊妹!
今次仲多o左幾個…全部都係呢期無線d電視劇成日見到o既藝員…“施公奇案”o既秦煌同李麗麗, 又有“天幕下的戀人”o既許紹雄, 仲有林家棟個friend郭少云...連“本草”個果珍 (艾威) 都有添…真係以為睇緊無線劇! 最意想不到係幾乎廿年無見o既龔慈恩都有嘛…呢期睇“楚留番之蝙蝠傳奇”先成日見到佢…以為去番廿年前o既tvb!
頭先睇完"難兄難弟"大結局, 又話聽日播"陀槍師姐"喇喎...但係節目表仍然係寫“大鬧廣昌隆”, 真係令人無所適從! 播"陀槍"都好, 呢個我想睇番...但只限第一輯!
"難兄難弟"結局真係幾好睇, 睇得人幾感動...主力重申番劇名本身o既"難兄難弟"主題! 臨尾奇哥同寶珠頒"終身成就獎"俾謝源, 再播番由佢o地做臨記到做大明星o既片段, 配上原聲碟track10隻“誰更重要”…終於重新憶起點解當年我會喜歡呢首歌…就係因為睇o左呢段片段! 初時買隻原聲碟返o黎, 都無咩聽過呢隻歌!
posted by 芒姐 at 7:08 下午
8 Comments:
Monica Jeh Jeh, I think you are WAY too into the "Brothers" series. Too obsess over it! LOL! To tell you the truth, I didn't really like it that much when I watched it.
Mon Jeh,
I m the previous "Anonymous" who asked you to post back those archives passages ar! (Now I know how to show my name : P)
I also like the ending of "Borthers". I see "Law Ka Leung" really cried and have 鼻涕! AND I just love the 吳鎮宇的髮網!!Ha Ha!!
You're welcome, Monjeh. You deserve the praise!!!
haha...thanks again, Nicole!
無錯! "難兄難弟"真係一套極經典o既劇, 當年hit, 依家重播一樣hit...係啦, 個謝源髮網真係幾抵死, 仲有佢勁窒d人老, 話自己keep得好...同埋臨尾個扮芳芳臨記! 其實呢套o野除o左好笑仲幾有深度...真係笑中有淚!
唔知點解今晚最終居然又係做"大鬧"而唔係"陀槍"...tvb點做o野o架, 搞到亂晒籠!
做完難兄難弟後，無記還是播大鬧廣昌隆……一時一樣，真不知道他想怎麼樣 = =|||
咪係...人o地諗住趕返屋企睇陳三元同程峰...點知一開電視見到小芙蓉...!
"難兄難弟"最頂癮既係套戲明明係拍六十年代, 但佢又會將d現代野擺入去。好似李奇寫比寶珠首情詩係"愛是永恆"歌詞, 封分手信係"一千個傷心的理由", 成日無啦啦好認真咁背d現代歌詞, 真係笑到肚痛。我都同意呢套係經得起時代變遷, 而家睇番都覺得好睇既劇。
呢期無記d編排好亂, 琴日六點半做完"茶是故鄉濃"出字幕時, 居然係播"情濃大地"既片段, 係, 我知"情濃大地"係"茶是故鄉濃"既上集, 但出錯片真係好攪笑囉!
"陀槍師姐"又係, 原本做"尋秦記"後都賣哂報紙話重播陀槍架, 點知又轉左做"刑偵", 仲一播播足三輯。今日又臨時抽起, 等我期待左一日睇娥姐, 不過大隻廣同小芺蓉都幾好睇, 超追啦!
哈! 銀姐姐..."難兄難弟"令人無晒寄托...雖然我仲有7點O既"朗豪坊"同埋10:30O既"楚留香"!
大隻廣我真係麻麻地, 同埋短期肉又係重播o左好多次...雖然larp到小芙蓉都幾靚女! 我想睇短髮陳三元!
唔係呀嘛? 播完"茶是故鄉濃"播o左"情濃大地"o既片段?! 嘩! 咁樣都好高難度...真係聞所未聞...係咪呢排珍姐同樂小姐都唔得閒睇電視?!
係, 我都覺得奇哥好正經咁背d現代歌詞幾好笑...尤其佢把死人聲! 仲有祝寶珠三十幾歲生日快樂, 又祝寶珠婆婆生日快樂, 再祝埋寶珠人瑞生日快樂...
發佈留言
<< Home