4-9(wed) 鄭嘉穎@93年翡翠音樂幹線直播
嘩! 呢段真係好得! 連呢d片段都有...果然係好勁! o個時好鍾意睇呢個深宵節目, 感覺好live!
呢段真係勁搞笑...正如post呢段片o既snpro兄所說, 當年o既鄭生真係多麼的青澀! 佢第一次做呢個直播節目真係好驚咁...個眼神同表情都超級怯, 仲不停咁不自覺地郁身郁勢…佢o既坐姿, 身體語言都話俾你聽佢幾咁緊張...好搞笑...但幾可愛, 好似一個好乖o既小朋友咁!
更搞笑o既係劉文娟好似tum小朋友咁tum佢, 叫佢唔好咁緊張! 一同佢講o野把聲就即刻好似tum細路仔咁, 仲話“大個仔喇喎, 唔好玩埋呢d咁o既o野喇”....好大姐姐教小朋友feel! 最好笑係最尾教佢同觀眾講bye bye o既語氣...好似同5歲小朋友講o野咁...呢段真係好得...好真情流露, 好搞笑呀! 我諗鄭嘉穎自己睇番都會覺得好好笑! 仲有, 要講多次…劉文娟個樣真係幾似酒井法子!
仲有呢段: “鄭嘉穎首張個人大碟廣告(1993)”…而個宣傳口號居然係: “害羞的男孩”…嘩哈哈哈…好貼切!
跟住呢段我諗係幾年後佢客串做“娛樂新聞眼”之類o既主持…呢次進步o左好多...
14年後o既鄭嘉穎, 真係成熟自信o左好多…男人真係年過30更討好, 愈成熟愈有韻味…同埋有d人生經歷真係會令佢依家相比起14年前man o左好多!
(志雲飯局：鄭嘉穎)
o係呢個節目裡面佢有講番戴老師o既“終身抽佣百分之十不平等條約”…仲有佢話自己20幾歲時都仲未ready, 唔識去表達自己...睇番第一段片, 又真係所言非虛! 同埋後來的"陳曉東"事件, 即係話戴思聰擺晒全副心機力捧東東…呢件事本來我都唔記得, 點知咁o岩執o野時搵到本舊雜誌, 正係講呢件事! 當時戴老師話鄭嘉穎反骨, 依家大家道咩事…!
不過佢都算好彩, 後來遇到佢o既伯樂王心慰…王心慰又真係好睇佢, 由台灣搵番佢返o黎拍“烈火雄心2”, 之後又幾乎開套套戲都係搵佢做男主角, 仲配埋佢o既最佳拍檔niki! 其實佢兩個依家擺明係一齊, 但又唔公開得...接受呢d訪問都好考佢o既答題技巧!
(又係執拾舊雜誌時睇到…鄭嘉穎&王馨平…應該係94/95兒歌金曲頒獎典禮)
posted by 芒姐 at 11:53 下午
15 Comments:
嘩, THANKS FOR THE SHARING
個VIDEO真係唔睇都唔記得鄭生以前係咁樣.. 同而家真係差好遠呀. 雖然佢而家都未真係好social果批 (我覺得), 但至少冇以前怕醜到咁出面囉! 真係好少藝人會緊張同怕醜到咁出面。不過又令到佢變得好細個好可愛咁! 哈哈哈
我同意呀. 而家既鄭嘉穎charm好多, 以前既佢.. 唔係話佢唔靚仔etc, 只不過娛樂圈個個都靚架啦, 再加埋佢個性格, 以前既佢真係唔多起眼.. 好在, 捱左咁耐終於俾tvb拯救返! :)
p.s. : 芒姐，有冇睇勁歌? 呢期amigo集集都要唱歌呀.....救命呀.....
我覺得佢應該真係有整過容, 不過先旨聲明, 我並沒有攻擊佢之意架, 費事一陣又俾人鬧...
劉文娟依家去左邊?
佢個舊拍檔李敏依家就仲好活躍
原來鄭生咁怕醜架,唔怪得知佢家陣做戲都仲係有d羞澀,爭左份自信,但無可否認佢真係越老越型,男人魅越來越出. :>
仲有,乜niki同鄭生真係係一齊咩?我以為又係用作宣傳既緋聞黎咋...
昔日童星「柏林仔」，今日已牛高馬大，港大畢業後就投考警隊做督察，經過九個月特訓，尋日正式畢業，聽日起駐守葵涌警署。但粉絲們唔好開心住，因為柏林話「阿Sir要做正經，唔方便影相簽名」喎！
見佢曬到黑黑實實，加埋個箭豬頭，唔係靠臉上兩個小酒凹，真係唔認得佢。柏林回憶話初初入學堂好難適應，事關屋企養尊處優慣，體能特別差，二千四百米要十五分鐘先跑完，但依家就好Fit，十分鐘多就搞掂。對於能夠做個「真的漢子」，佢話真係等呢日好耐。
匿名,
我都想撞O下"警察叔叔"柏林仔...
fernseher,
我個人覺得係真O既...至少從佢O地平時的眼神/動靜, 同埋平時被傳媒問到時的反應 (當然, 順心配合埋宣傳一舉兩得添啦!), 仲有從傳媒報導的手法...似真居多...不過有可能我估錯O既...哈!
匿名,
我都唔知劉文娟去左邊...佢做主持同唱歌都做得幾好呀!
RE: 劉文娟
http://zh.wikipedia.org/wiki/%E5%8A%89%E6%96%87%E5%A8%9F
在WIKI SEARCH到...
"夢劇院正式拆夥後，劉文娟曾經在任職一間日資銀行，直至1991年推出個人專輯。1994年開始，劉文娟擔任無綫電視節目主持工作，數年後，劉文娟跟一名醫生男友結婚，並且一起移民加拿大。"
...不過唔知係咪真...
匿名,
我又覺得咁多個中佢最唔似有整過喎...純粹討論, 你覺得佢似整過邊度呢?!
christy,
唔好客氣...呢段真係好得, 好好笑...正如你所講, 真係好少藝人會緊張同怕醜到咁出面!!! 尤其睇番佢同依家O既對比 (唔係話佢依家講O野好叻, 但都有好大CONTRAST!)
有呀, 有睇勁歌? amigo集集唱歌呢個安排真係好OVER...不過我居然覺得佢唱得好過方力申...哈! 我都唔知講咩好!
哈， 芒姐好強呀， 咁嘅舊clip都搵到。
嘉穎出道無耐我就係佢fans. 眨下眼就十幾年啦。
嗰年佢做視帝， 我竟然不斷收到我朋友msg恭喜我話我守得雲開。 哈哈~
佢依家真係越嚟越man, 無論我嚟D廿幾歲到十幾歲嘅小妹妹都係佢fans.
睇反依家佢回應同Niki嘅新聞同佢當年回應同Linda 嘅差唔多， 所以我諗佢地都9成真㗎啦。
芒姐,伍晃榮走了...雖然他不是什麼巨星,
但他也陪著我們走過不少歲月!
匿名,
哎呀! 係啦, 唔開心...好唔捨得佢! 我好鍾意睇佢主持體育新聞同埋做"新聞話事人"...佢雖然唔係大明星, 但係似身邊朋友咁, 好親切...比起明星更有親切感! 希望無綫會整個特輯悼念佢, 我想睇番多D佢O既片段!
匿名,
哈哈...我都係咁O岩睇到, 呢段真係好得呀, 超爆笑...尤其係十幾年後O既今日睇番, 更加別有一番滋味!
認同你講RE NIKI & LINDY的講法...
發佈留言
<< Home