4-26(sat) 四大天王15年前後對照
前幾日又睇到呢段“四大天王@九二區域市政局節開幕禮” …其實我都有呢餅帶, 因為呢個節目仲有鄭秀文許志安梁漢文阿王等的“火熱動感la la la”…所以我錄o左, 不過又係花到唔恨!
四大天王絕對係九十年代o既icon…嚴格o黎講, 我係成長於“四大天王”o既年代, 雖然我更喜歡八十年代的歌曲! 四人同台演出果然經典…第一次究竟係92年太陽計劃定係92年港姐總決賽呢? 兩樣都有人話係…我都唔係太記得喇!
Oh…黎明當時做咩咁跳脫? 我記得佢o係呢個節目另一part, 仲有同當年EYT四位少年卡拉OK台主合唱"真愛在明天”添…
跟住有差不多十年後…2003年四大天王合唱當年情向哥哥致敬@2003金像獎
仲有, 15年後o既四大天王再次同台演出@2007香港回歸十周年慶典
點解依家o既樂壇, 好似真係比當年o既樂壇失色o左咁多o既呢?!
posted by 芒姐 at 11:42 下午
16 Comments:
第一次同台應該係92年太陽計劃呢~ 無記錯的話, 果時仲話tvb畀港台搶o左頭啖湯唷~
當年樂壇的確比現在熱鬧精彩...... 有點唏噓呢......
青黃不接
第一次同台係92年太陽計劃呢. 我記得好清楚. 之後就係92年港姐(egypt主題...四個d衫金色...我而家仲有tape响到!)
回憶總是美好.當年d人咪又話四大天王係偶像派冇料到,又話青黃不接80s icon alan/leslie.
到咗而家,四大天王被稱為實力派,又話d新歌手青黃不接...
其實,四大天王今時今日同當年都係做差唔多嘅嘢(咁一定係成長咗進步咗...d...嘅).不過,時間,係可以令偶像變實力.
我講明,我also係四大天王年代傢! L-E-O-N-L-A-I. L-O-V-E-Y-O-U (有冇人記得呢隻歌? 哈哈哈...叫YA YA YA 呀!)
溫哥華匿名人
四大天王YEAHYEAHYEAH
至今仍然喜歡四大天王呀哈哈哈
想當年四大天王真係十分巴閉!!
好珍貴佢地4個同台既片段呢 :)
其實佢地想當年紅到爆燈.. 而家諗返起都真係天時地利人和既GOOD example!
四大天王真係只有張學友一個唱得, 咁多年後(指03年金像獎唱"當年情"果次)其餘三位依然係一開口就走音/flat左/不男不女貓叫咁聲, 點可以被稱為實力派呀?
90年代嘅樂壇其實同香港經濟一樣, 真正嘅高峰喺80年代, 90年代樂壇嘅熱鬧, 其實不過係回歸前由大家刻意合力堆砌出來的歌舞昇平, 正如97年前嘅樓市一樣, 都係由人谷出來的。
Hi, Mon Jeh!
My comment today is OOT: Are you going dormant on Apple Daily's [TV meals]?
我都係四大天王年代....果時最中意LEON....最僧劉華....但咁多年之後....反而掉轉= = 家下呀金句王真係好唔掂 , 睇返以前d片段....好驚訝點解呀金句王以前咁鬼馬= =
匿名:
證明你當年太細個, 太天真亦太傻...
shaw,
唔係going dormant, 直頭係無寫啦...以後無錢食tea喇...哈哈!
re: 四大天王
我諗佢o地(除o左學友)應該唔會算係實力派...不過真係一個年代的經典就真係無容置疑o既...當然, 八十年代係樂壇最輝煌o既年代, 但係九十年代都好百花齊放啊!
So sad.
I miss your tv review, Mon Jeh!
aiya.... any easy way to type chinese ??? there are so many thing i want to say ar...
I remember 四大天王 all hated the term "四大天王"...
but it is the name 四大天王 that made them popular ar....
有冇94年十大中文金曲頒獎典禮睇呀?
匿名,
得閒上youtube search o下...
Govern,
use "pingyin"...
你講得完全正確...可能佢o地依家都唔鍾意呢個term, 但無可否認呢個term係幫佢o地事業"更上一層樓"!
s h a w,
hahaha...good thing ar! afterall, there's nothing you can do forever, i think it's a good time to stop for a while!
發佈留言
<< Home