2008年5月5日星期一

5-5(mon) 奧運聖火+齊來學潮語

Oh, 上個禮拜香港有史以來第二次傳奧運聖火, 可惜我唔o係香港, 錯過o左呢個咁歷史性o既時刻…睇唔到古巨基o係短短二百米不停轉手, 又睇唔到曾老先生點樣傳聖火, 仲要錯過埋同樣年近一百 (四捨五入o黎講啦…)/講o野超funny o既何生o係澳門傳聖火…真係可惜!

呢次傳聖火都可算有趣…最有趣在個名單呀嘛…都唔知點選出o黎?! 雖然話每人心中都有個名單, 而我亦覺得依家體育運動同商業利益掛鈎都係無可厚非o既, 畢竟都要搵人贊助o架嘛…但係都真係唔好太over, 唔好太random囉!

楊千嬅間公司 (定係贊助商) 勁喎…知道香港難入圍, 改申請去澳門做火炬手…勁! 呢d先係食腦呀嘛! 但我唔明點解o個個咩中華小姐冠軍又係唔知咩國際性選美o既入圍佳麗呀 (?!), 又可以o係香港跑? 阿成虫大哥又會去o左三亞?! 咁阿何家二房大小姐又會o係香港跑? 點解唔join埋佢daddy同埋細媽 (四太) 一齊跑澳門呢? 咁咪更有代表性?! 其實由何生四房幾廿人接力跑晒成個澳門, 應該更有代表性呀…仲代表上下一心, 和諧共處添! :p

之前睇報紙講今年會考中文科的“屈機”/ “O嘴”試題…真係覺得原來我好“背”o下, o係呢件事之前, 我真係唔知咩叫“屈機”…真係sorry! 雖然知道之後仍然覺得呢d“潮語”有d牽強…哈哈…我老喇! 不過社會上其他階層/年齡層o既用語, 正如粗口一樣, 唔講都要識呀嘛…之後就收到朋友send俾我o既“齊來學潮語-上/下篇”…好得喎! 抵呢d學習卡大賣…食正條水, 又有創意…仲要d中英文解釋同埋例句都寫得好好, d圖片同埋英文翻譯簡直笑爆嘴, 超抵死囉! 果然係有d計…要發逹, 真係要食腦o架!

齊來學潮語(上)

齊來學潮語(下)

叫隻馬騮食完蕉記住“收皮”幅圖都幾抵死, 仲有“火羅”o個幅圖隻公雞話未天光叫錯o左都好好笑! “to warm girl”o個個都唔錯…同埋o個句“依個補習天王仲響電視扮三國人物咁娘屎o既?”又係超抵死, 講出大家o既心聲! 仲有“撻著”o既例句…當然, 最抵死係“賣飛核”o個句啦…超賤…但超好笑!

又o係youtube睇到d正o野! 好勁! 連亞視兒童節目“飛虎隊”主題曲都有…



呢段仲勁…我真係唔知劉玉翠有做過“飛虎隊”o架喎...

12 Comments:

Anonymous 匿名 said...

何家二房其實全部都係香港出生香港大(之後再去外國),應該冇係澳門住過,咁佢代表香港好正常.

11:43 下午  
Anonymous 匿名 said...

"其實由何生四房幾廿人接力跑晒成個澳門, 應該更有代表性呀"

你呢番言論好有問題, 如果何生全家跑晒成個澳門叫有代表性, 咁香港一站係咪應該由幾大地產商玩晒?

希望你只係講笑, 如果你真係咁諗的話, 我會對你好失望.

12:18 上午  
Blogger Unknown said...

OMG!! I love your comment about the Ho's Family. This is sooooo "Monjeh's Style"

My hubby and I laughed like crazy after reading your blog today.

7:17 上午  
Anonymous 匿名 said...

"其實由何生四房幾廿人接力跑晒成個澳門, 應該更有代表性呀"

你呢番言論好有問題, 如果何生全家跑晒成個澳門叫有代表性, 咁香港一站係咪應該由幾大地產商玩晒?

希望你只係講笑, 如果你真係咁諗的話, 我會對你好失望."

唔該啦. 明知道人地講緊笑 (有XP o係句尾)就唔好gum認真啦

4:22 下午  
Anonymous 匿名 said...

to 2號匿名:

人地講笑同講真你都唔識分, 麻煩你踩場行遠d啦, 唔好喺度搞事!

5:37 下午  
Anonymous 匿名 said...

其實幾位匿名同看不過眼都好認真下...

11:28 下午  
Anonymous 匿名 said...

不同人有不同的寫作風格, 用平常心看吧。

1:53 上午  
Blogger 芒姐 said...

朋友, 唔好玩啦...好明顯係講笑啦o下嘩?

daphne, thanks for appreciating my "sense of humour"!

其實無咩大不了o既, 正如上一位匿名所講, 寫作風格呢d o野總有人buy又有人唔buy...睇得呢度o既人, 應該都會ok buy先會留o係度o卦? 唔係都唔會o徙呢d時間啦:p

6:43 下午  
Anonymous 匿名 said...

出左個名單之後日日都大把人鬧到飛起,因為真係幾離譜下
話"社會縮影"講得對,因為證明香港商人治港,有錢就得,將聖火變左政治show,賣人情咁,同埋睇頭條新聞講得好好笑,"因為咁岩五個老餅,廿個多餘" XD

我都覺點解佢唔去澳門跑而要香港跑,千嬅就倒返轉,eason,leo,志雲竟然都有份law,最難譜係個xx小姐,我想十個有十個香港人都唔知佢乜水,仲有佢係西安人唔係香港人呀!!d人話不如找朱玲玲好過啦!!

同學說反而李澤楷真的有份support sports,但結果反而佢阿哥跑,係咪代表佢一家人?

曾生反而唔奇呀,反證香港都預左佢呢d擦鞋人的一定有份,但運動員有bb 7個月都跑,有個傷殘裝義肢都跑,佢行得都唔肯跑,咁先有問題

12:36 上午  
Anonymous 匿名 said...

"屈機"這個字一開始只係打街機時ge用語黎ge
意思係利用遊戲內ge bug用取得勝利ge意思
時下不少年青人都會打機架嘛,講講下愈來愈多人講就變成潮語lo~

我見芒姐你話唔明就解釋一下~^^~

11:16 上午  
Blogger 芒姐 said...

阿yan,

原來係咁o既意思...我之前都聽人講話係同打機有關...估唔到依家會被廣泛應用!

1:26 下午  
Blogger 芒姐 said...

匿名,

呢個名單真係令人"r"爆頭...

1:28 下午  

發佈留言

<< Home