6-18(wed) 1988年第七屆新秀歌唱大賽
嘩, 又搵到d正o野! 係1988年“第七屆新秀歌唱大賽”o既片段…有我好喜愛o既sammi!
其實當年我都有錄影到呢個節目, 但係用以前o個種細帶錄影機 (我諗年青少少o既朋友都未必知我講咩…), 跟住無幾耐就被淘汰o左…不過到淘汰o左之後, 我仲可以細帶機駁大帶機睇到呢餅帶…所以我記得91年睇完“浪族闊少爺”好迷當時仲有d baby fat o既sammi之後, 仲忽然如獲至寶咁搵到佢3年前參加新秀時的影帶…開心o左好一陣子!
可惜部細帶機同d細帶已經唔知去晒邊, 我亦都有十幾年無睇過呢餅帶喇…依家o係youtube可以睇得番, 真係好感動…
(第七屆新秀 Opening Part 1)
呢part勁…有安仔同sammi同台演出…我記得當年唔知睇過咩訪問 (亦都唔知訪問內容有幾多percent真確)…sammi話當年參加新秀, 係為o左見佢偶像…許志安! 唔知大家有無睇過同類型訪問呢?!
(第七屆新秀 Opening Part 2)
(第七屆新秀 Opening Part 3)
其他參賽者仲有唱”海旁獨唱“o既梁詠琳jay姐姐 (唔知點解對於佢唱呢首歌好深刻, 仲有佢著o個條裙都係好深刻), 我記得之後 (好似係92年) 佢都有同sammi一齊上"婦女新姿"接受訪問, 講番一齊參加新秀o既瑣事!
(jay姐姐@"婦女新姿"片段)
原來face to face o既吳少芳都係參加呢屆新秀…呢個真係唔睇番都唔知…有d驚喜! 同埋當然唔少得當年扮哥哥張國榮扮得好似o既冠軍譚耀文啦! 仲有一個叫許子聰o既後來都好似有出過唱片!
(第七屆新秀 Opening Part 4)
(第七屆新秀 宣佈賽果一刻)
不過呢一屆新秀另一樣最令我記得o既, 居然係由日本o黎o既評判兼嘉賓河合奈保子…佢當日同成龍大哥合唱o既“午夜吻別前”, 雖然我只係o係呢個場合聽過, 但唔知點解真係永世難忘…n年後有次唱k見到有得唱“小雨典 (點)”…仲即刻扮佢o既口音唱o左一次…唔知youtube有無呢隻歌o既mv呢?!
posted by 芒姐 at 11:10 下午
10 Comments:
sammi係唔係已經入行20年lor?
但佢仲好似好後生,同埋...佢俾我感覺真係唔覺得佢out喎~
以前唔係好中意sammi,但上年睇左佢concert,真係覺得好睇,同埋佢真係有實力同有壓台感,抵佢紅!
Hello Again Monjeh!!
妳講到 Soni 既 Beta 機? 家庭用機市場的確徹查失敗, 但成功地成為電視台作拍攝及資料儲藏用近20年(因為效果及質素比vhs要好)當年atv新聞部用的就是 beta cam.現在應該已被dv取代.
By i-Joel
當年陳德彰係咪仲同周慧敏拍緊拖?
梁詠琳大Sammi一年,但感覺就係兩個唔同年代既人.
BTW,睇到學警3宣傳,原來林利(林洋立)就係返來拍e套,做周海媚前夫.另外cable前主播梁嘉琪就做陳鍵鋒老婆(應該唔會好依法証2咁做咖喱啡呱!)
javaer,
88年應周慧敏應該係同緊陳德彰啦...
jay姐姐除o左話Sammi似唔同年代, 其實感覺有d大鑬都扯唔埋...但其實又有d"啦間"...哈哈!
我都有睇到林利o係蘋果篇訪問...咁多年後又見佢返番無綫做戲, 都幾得意! 對上一次的印象已經係90年o既"我本善良"!
i-Joel,
hihi! 其實科技呢d o野我又真係唔識...只係知道佢係入一d比起依家用開o既錄影帶面積大約細四份一o既帶落去...但係之後點解咁快又無o左, 我都唔係好知...哈哈!
nobby,
係呀, sammi入o左行二十年啦...真係完全睇唔出...所以做入行係有好處o既! 同埋當時佢個look反而成熟d (點睇得出佢16歲?), 依家愈o黎愈後生!
芒姐,
"只係知道佢係入一d比起依家用開o既錄影帶面積大約細四份一o既帶落去"
I think you are referring to VHS-C.
哈哈..
我反而想講下譚耀文
佢出道以至後來係我心目中既印象反差好大
阿譚參加新秀時扮晒哥哥
後來有樣學樣整個鴨屎頭
我當時覺得佢勁樣衰架
後來佢改拍電視
開始順眼左
去到做"縱橫四海"明智傑果陣
人大左成熟左開始有男人味
我覺得阿譚charm左好多
仲開始覺得佢幾靚仔添
到依家我都幾欣賞佢架!!
Marky，
應該都係。。。
張c奶，
我都係從阿譚開始做＂１號皇庭＂開始幾欣賞佢...O個時D報導又講到佢對陳芷菁好癡情咁O架嘛...同埋佢做戲都幾好! 明智傑直頭型添啦...不過其實佢唱歌亦都幾唔錯O下!
發佈留言
<< Home