2010年3月29日星期一

3-29(mon) 真的假不了…

呢期d娛樂新聞真係單單都好爆o下…仲要係依家無啦啦每單新聞都會quote番句“真的假不了”…真係本期金句之首囉!

首先志雲大師單o野…查實我又無咩獨到意見想講…佢呢餐真係為仔死為仔忘…仲要係條咁o既仔! 你可以話志雲大師太高調, 太鍾意曝光, 但我真係衷心欣賞佢o既聰明才智同埋EQ囉…上次書展俾人掟書佢仲可以從容不迫咁問o個個人仲要唔要本書已經係最佳例子啦…當然, 佢以總經理身份太過high profile做幕前演出惹人反感亦都絕對可以理解! 但佢今次搞成咁…我又真係估佢唔到…同埋未免太可惜囉~~~

但其實我最想講o既係佢個“真的假不了” 記招...sorry, 我知我唔應該笑...但志雲大師個tone真係未免太似參加朗誦比賽囉...o個d咩"評判~老師~同學~大~家~好~~~"...成件事即刻惹笑o左! 同埋佢句"真的假不了, 假的真不了"令我好想唱番句: "真也許會害怕~假也許更好吧~真與假有何用應該睇化~真真~假假~只要相信它~~~"!

志雲大師爆出呢句“金句”之後, 呢兩個禮拜以o黎差不多日日有咩新聞都會引用呢句金句…當中引得最抵死我覺得係呢兩日最大單o既新聞… “sa基”婚書曝光o個篇【婚分之謎】”…咩“大家唔好驚、唔好亂。38歲的鄭中基和 27歲的蔡卓妍,原來早於 06年在生活上已起了奇妙的變化。本報昨日找到兩人當日在美國洛杉磯秘密註冊結婚的婚書,在白紙黑字及雙方父母見證下簽訂盟誓。兩人日前戲劇性宣佈分手,孰真孰假,只有他們才知,不過真的假不了,假的真不了。有婚書鐵證,瞞不了。”…好抵死…引用得幾好!

今次阿sa同鄭中基呢單料又真係爆喎…估佢o地唔到…仲要當年阿sa只係得23歲, 而“寸屎”o個時都仲幾如日中天! 不過查實結婚/離婚都係佢o地o既事, 佢o地選擇唔講我又覺得ok喎...但最好平時回應就唔好大話連篇, 頂多唔答咪算囉...咁之後俾人踢爆無咁肉酸嘛! 反正依家d記者神通廣大到呢個地步…你唔係覺得呢個世界仲可以有秘密呀?!

不過我最想講o既亦都唔係佢o地o既婚/分訊…而又係佢o地個記者會…唔知點解成個感覺都有d騎呢有d odd…真係唔知點講好! 一開始d人係咁叫左邊右邊呢邊o個邊, 跟住到佢o地喊, 跟住又準備好晒紙巾, 最後仲要鞠晒躬…搞到我以為佢o地俾人捉到藏毒添! 查實佢o地結唔結婚/離唔離婚/偽唔偽人都無咩所謂...只係覺得成件事搞到咁好odd囉! 又或者係我一時間消化唔到啦啦!

同一日宣怖結o左婚又離緊婚…都真係ok震撼o下…正如報紙講:“鄭中基和蔡卓妍昨日一同舉行記者會承認兩人已婚,但隨即又表示正辦理離婚手續,事件發展絕對比兩人演出的電影更峯迴路轉,果真人生如戲,難怪圈中人議論紛紛。”…真係仲dramatic過佢o地主演o既任何一套電影…大家都需要時間消化o下!


(阿Sa鄭中基 婚分昏記者會)

當然, 大家都知道我一向都好buy鄭中基同楊千嬅呢一對 (佢當年為千fa作o個首“二月三日”呢個冧女招數又確係高…依家咁睇睇o下…鄭中基又反而唔似雜誌形容到咁花心…反而幾情深…真係估佢唔到!)…即係好似安仔同sammi咁! 但我亦都當然明白感情呢d o野除o左當時人之外, 其他人又點知咁多呢…不過亦都當當當當然, 作為觀眾/fans亦都有佢o地主觀o既期望o既, 係可以理解o既…你睇o下近期fb仲出現o左個“請余德琳(Michelle)自動退出, 無謂拆散一對美好情人”o既group…真係騎呢到爆!!! 仲有另一個咩"鄭中基蔡卓妍承認已婚4年"都可以係一個group...真係世事無奇不有!

最後係尋日睇到呢篇“真的假不了”系列o既“真的是金句!”…又係幾好笑o下! 全部都好經典…同埋我想話查實大劉d金句都唔弱, 尤其佢幫人改o個d花名成日都好啜核! 仲有阿賭王當年逐個品評自己d親生女又係笑爆嘴...最鍾意呢d金句王...:p


娛圈 360:真的是金句!

金句妙在言簡意賅、流芳百世,明星名人精心鑽研或爆肚自創的金句,更是無聲無息地啟發着我們的思考,令人明白剎那光輝不是永恒、堆填區也令人心曠神怡、空肚不可吃早餐。當然我也要多謝陳志雲,多謝那句「真的假不了」,令大家又可重溫傳頌 30年的經典金句!撰文:蘇芬妮

終極金句:「剎那光輝唔代表永恒!」
蔡楓華
事發日期: 1985年
藝人最忌真情流露,就算紅唇王子當年不滿張國榮在《勁歌金曲》第二季選奪三首金曲,自己的《愛不是遊戲》不入選,也不應在直播節目發爛渣,結果變成自己咒自己,但他的坎坷遭遇甚有警世作用,往後歌手傳不和,都不會明目張膽表露,前車可鑑也。

「唔好空肚食早餐!」
黎明
事發日期:不詳
某日黎明胃痛,便向友人訴苦,話吃了三文治生菜加雞蛋,難以消化,更語重心長叮囑友人「不要空肚食早餐」。有人笑他講廢話,蘇芬妮嘗試 think out of the box,我猜「金句王」意思是叫大家消夜吃飽點。

「個綠色真係靚,心曠神怡!」
李嘉誠
事發日期: 09年 8月 13日
香港首富出身寒微,素以勤儉聞名於世,但想不到他連垃圾堆填區也可以來個深情擁抱。常言老人家說話最真,因此我猜他未必是「賣樓讚樓香」,而是嗅覺衰退。

「好天真同埋好儍。」
鍾欣桐
事發日期: 08年 2月 11日
捲入淫照風暴的鍾欣桐被迫開記招交代事件,笑着發表天真論,形象再降一個評級,後來案件審結真相大白,陳冠希確認了淫照女角,想深一層,當初有人指淫照乃「移花接木」,奢望 fans相信,才是最天真最儍!

「真的假不了,假的真不了。」
陳志雲
事發日期: 2010年 3月 18日
冇錯,陳志雲仍然被 ICAC釘實,不能透露案件的詳情,但為何又要舉行世紀公關騷,及留下一句玄到爆燈的真假論?若不是袁彌明所指的「曝光狂」,也許大師想給大家玩玩對聯,消弭連日來被迫追睇陳志雲報道的怨氣。

「我犯了天下男人都會犯的錯!」
成龍
事發日期: 00年
明明背妻偷食兼搞出人命,居然還可理直氣壯地拉埋全世界男人為他做擋箭牌。成龍犯「色戒」外,更犯了兩個嚴重邏輯錯誤:第一,他假設天下男人都是鹹蟲;第二,他假設天下鹹蟲都會犯錯。

「香港只有娛樂圈,沒有樂壇。」
黃家駒
事發日期: 93年
80年代歌手多翻唱外國的流行曲,原創音樂少之又少,加上偶像派歌手相繼出現,令家駒有感而發,希望激勵音樂人認真去創作音樂。此話對後世影響深遠,令更多人尊重原創音樂。

「我一滴都唔贊成!」
賭王何鴻燊
事發日期: 08年 9月 18日
賭王何鴻燊向來敢怒敢言,提到許晉亨這昔日女婿,更是毫不留情地公開批評。愛女超瓊曾表示要向前夫許晉亨借種,但賭王皺起眉頭說:「我一滴都唔贊成!」再狠狠地拋下一句「垃圾!」

「我比我想像中堅強!」
劉嘉玲
事發日期: 02年 11月 3日
500名演藝界人士圍在中環政府總部集會,突然劉嘉玲從人叢中步出來,昂首踏上台,一字一句且清晰有力的發表演說,每粒音也震撼着整個會場,也喚醒了世人的良知。

「有人當正自己係華倫天奴……個細佬─華倫地牢!」
劉鑾雄
事發日期: 01年 10月 23日
大劉出口成文,罵人窒人句句經典,替人改花名更是創意無限。當年有指他的愛將凌緣庭曾與鄔友正拍拖,卻是子虛烏有,大劉為了公義,便陪對方開記招澄清。

「杏加橙!」
劉德華
事發日期: 95年
以前未興向廣管局投訴,但劉德華在 95年無綫台慶玩遊戲時無端端爆一句諧音粗口,累無綫接獲 600多宗投訴,兼罰款 10萬元。

「男朋友可以冇,但工人一定要有。」
諸葛梓岐
事發日期: 08年
患公主病的諸葛梓岐自細便有工人服侍,更揚言即食麪也未煮過,若未來老公家中沒工人又娶着你,可能得番皮包骨!

「非法進入異性體內插旗。」
李克勤
事發日期: 96年
又是無綫台慶時出事,克勤解釋何謂強姦時,聯想力豐富,及後不時被譚詠麟重提,揶揄克勤「插旗最有經驗」。

「一隻手指捽死佢!」
洪朝豐
事發日期: 00年 1月
比洪朝豐年長 6年的寶詠琴因受訪而爆發洪寶戀,昔戀情只維繫 11個月便戲劇性分手,洪因愛成恨向傳媒爆大鑊,字字狠毒,令人記憶猶新。

「我流住藍色嘅血!」
郭富城
事發日期: 97年
歌仔有得唱,撈世界要醒目, 97年起已擔任百事可樂代言人的城城,多番強調自己是藍血人,看來你應該移民潘朵拉星。

「我唔係股神,只是股民。」
李兆基
事發日期: 08年 1月
被捧為亞洲股神的四叔,一向有鋪貼市癮,但謙稱自己是股民。後來雷曼爆煲,四叔「水瓜打狗」,有人剝花生贈興。

「我真係好鍾意好鍾意唱歌!」
古巨基
事發日期: 04年 5月
在叱咤頒獎禮哭謝 Paco已令人毛骨悚然,開騷爆滿又哭至面容扭曲,其實基仔最鍾意唔係唱歌,係喊。

「我心口有個勇字。」
楊千嬅
事發日期: 01年 1月
在叱咤樂壇頒獎禮的「名句」,成為她遇上刁鑽問題的最佳擋箭牌,不過去年與丁子高到賭城鬼祟結婚,又不見得特別勇。

「我會照顧邵美琪一生一世。」
鄭伊健
事發日期: 95年
邵美琪受傷入院,伊健即發表愛的宣言,惜 99年移情戀梁詠琪成負心漢,「准我一生也愛你一個」幸好只是歌詞!

「飯可以唔食,衫唔可以唔買!」
章小蕙
事發日期: 90年代
鍾鎮濤娶妻娶到破產,只可怪自己有眼無珠,但前 B嫂的格言令港女有樣學樣做壞規矩,卻令不少港男無盡嘆謂。