2007年4月10日星期二

4-10(tues) 芒姐@蘋果 (4月號之一) +向世界出發2

電 視 撈 飯 (2007-04-06)
http://appledaily.atnext.com/template/apple/art_main.cfm?iss_id=20070406&sec_id=462&subsec_id=830&art_id=6976745

回 味 《 I.Q. 成 熟 時 》

亞 視 繼 《 甜 甜 廿 四 味 》 後 , 推 出 另 一 套 麗 的 年 代 經 典 青 春 劇 《 I.Q. 成 熟 時 》 , 此 劇 由 尚 未 變 成 「 四 大 癲 王 」 的 紅 唇 王 子 蔡 楓 華 , 夥 拍 驟 眼 看 有 幾 分 似 Twins 阿 嬌 的 莊 靜 而 , 還 有 當 年 由 電 台 踩 過 界 的 當 紅 DJ 鍾 保 羅 、 鄧 藹 霖 及 鄧 慧 詩 主 演 。

26 年 前 的 輕 鬆 校 園 劇 , 女 校 男 生 的 故 事 , 現 在 再 看 也 不 覺 out 。 很 多 情 節 , 仍 能 令 你 發 出 會 心 微 笑 ! 細 看 之 下 , 原 來 編 劇 是 鄭 丹 瑞 和 文 雋 , 難 怪 能 寫 出 既 動 人 又 惹 笑 的 故 事 。 上 次 重 播 , 令 蔡 楓 華 「 鹹 魚 翻 生 」 了 一 段 日 子 , 還 舉 行 了 「 楓 華 再 現 」 演 唱 會 ; 不 知 道 這 次 重 播 , 能 否 令 他 再 次 重 拾 剎 那 光 輝 呢 ?

若 你 細 心 觀 看 , 還 會 有 意 外 驚 喜 。 第 一 集 已 同 場 奉 送 「 星 爺 」 周 星 馳 的 處 男 「 臨 記 」 演 出 , 飾 演 向 鍾 保 羅 收 取 保 護 費 的 壞 學 生 , 不 知 道 下 次 又 會 為 我 們 帶 來 甚 麼 驚 喜 ? 亞 視 50 年 , 推 出 一 套 又 一 套 的 經 典 , 觀 眾 這 次 有 福 了 !



《 向 世 界 出 發 2 》 冇 驚 喜

至 於 無 綫 的 《 向 世 界 出 發 2 》 不 經 不 覺 播 了 一 半 , 第 二 周 由 曾 志 偉 帶 大 家 到 汶 萊 參 加 皇 帝 壽 宴 及 參 觀 皇 帝 套 房 , 可 是 卻 無 甚 驚 喜 。 那 間 皇 帝 套 房 , 大 是 大 了 , 卻 不 見 得 真 的 那 麼 華 麗 , 只 見 曾 志 偉 一 味 : 「 嘩 ! 嘩 ! 嘩 ! 好 靚 呀 … … 」 影 帝 的 「 戲 」 應 該 不 止 於 此 , 可 能 他 也 不 屑 去 演 這 場 戲 。 要 探 討 現 代 人 對 物 慾 的 追 求 , 用 不 著 這 些 浮 誇 的 堆 砌 。 他 的 深 情 剖 白 也 欠 奉 , 是 因 為 在 《 志 雲 飯 局 》 裡 已 「 情 深 說 話 盡 情 講 」 嗎 ?

第 三 周 找 來 圈 中 的 虔 誠 基 督 徒 蔡 少 芬 , 帶 大 家 走 進 久 歷 戰 火 的 以 色 列 耶 路 撒 冷 。 蔡 少 芬 是 無 綫 當 家 花 旦 , 不 過 她 的 吸 引 之 處 並 不 在 於 此 , 而 是 她 入 行 16 年 的 種 種 經 歷 與 蛻 變 。 由 91 年 剛 獲 選 港 姐 季 軍 , 穿 金 戴 銀 的 舉 行 了 一 個 過 百 萬 的 18 歲 生 日 會 ; 然 後 開 始 拍 劇 , 演 技 被 批 評 為 花 瓶 中 的 花 瓶 ; 繼 而 與 母 親 反 目 , 經 歷 感 情 波 折 , 打 算 自 殺 了 結 自 己 的 生 命 … … 直 至 信 主 後 , 仿 似 變 了 另 一 個 人 一 樣 。 即 使 沒 有 宗 教 信 仰 , 看 到 她 的 脫 胎 換 骨 , 的 確 教 人 讚 歎 不 已 。 由 這 樣 一 個 有 過 去 的 女 人 , 闡 述 對 她 一 生 影 響 最 深 遠 的 人 和 事 , 確 是 最 適 合 不 過 。 她 自 發 性 地 加 插 背 起 十 字 架 一 幕 , 相 信 也 感 動 了 不 少 「 世 人 」 。 即 使 你 沒 有 被 蔡 少 芬 感 動 , 單 是 看 神 秘 之 地 以 色 列 的 景 色 和 猶 太 人 的 風 土 人 情 , 已 經 值 回 票 價 , 暫 時 來 說 是 最 可 觀 的 一 輯 。

撰 文 : 芒 姐


**************************************************************

成個“向世界出發2”, 睇到依家, 出奇地我覺得最好睇o個集, 居然係原本我最不屑睇o既好勝gigi去女兒國o個幾集…幾乎仲好睇過蔡少芬去耶路撒冷!

睇完之後對佢o既感覺好o左少少 (係少少咁多), 我又真係覺得佢講o野真過lemon tse好多喎…咁當然, 呢d不嬲都係見仁見智o既, 你亦可以覺得佢好假! 其實由始至終我都話: objectively, o係o個件 “奪面雙琪”事件o黎講, 梁gigi真係無做錯 (provided你相信佢o地真係o係鄭健健同邵美琪分o左手先開始…咁當然, 就算真係, 佢都一定係導致佢兩個分手o既導火線)…就算錯, 都係鄭伊面先生錯得多d, 佢同邵美琪分o左手又無好好處理 (或向外公佈) 件事, 搞到最終發生好勝生日會事件…但係梁詠琪就必須檢討佢待人處事o既技巧, 諗o下點解一件明明點睇都唔係佢最錯o既事, 會被傳媒一面倒地寫衰佢, 仲要寫足七年…甚至佢同鄭伊健分手, 全香港o既人都幾乎要開香檳慶祝…所以, 佢一定要改善o下佢o既attitude, 否則幾努力都無用!

唔講佢o個part, 齋睇d女兒國風俗, 都夠過癮啦…咩一成年就要“過七關” (即係同七個陌生男子瞓七晚?!), 仲有“走婚”o既風俗, 同埋o個度d人o既婚姻觀…都幾得意o下! 世界之大, 真係無奇不有…呢一集反而係暫時o黎講最有趣o既!

蔡少芬o個集睇o下以色列+猶太人o個d歷史, 亦都幾有趣…尤其當讀書時, 大部份人都有讀過bible, o個d故事全部耳熟能詳! 同埋蔡少芬都幾真誠…雖然佢有時d用字真係未必表達得好好, 可能同佢好早就輟學有關…當然同樣地, 亦會有人覺得佢好假同埋好over…我就覺得ok o既…有d位又真係over o左, 似傳教節目多d, 未必人人頂得順…同埋佢唔好o係教堂唱起hymn o黎會好d囉…哈哈! 仲有, 佢最好真係唔好化咁濃妝, o係呢個場合, 我覺得佢個妝反而係最over o個樣o野!

至於呢個禮拜o既阿燦, 唔知點解佢依家講o野變o左咁歇斯底里? 個tone有d瘋o左o既楓華feel…係咪佢真係人生太大起大落到受唔住刺激! 佢一邊好激動咁話錢唔重要, 錢唔可以衡量一個人有幾成功…係, 佢係講得o岩…但係你聽得出佢反而係好著緊人o地話佢無晒錢! 其實, 佢先係最覺得無錢=唔成功o個個囉! 以前o既佢, 好似豁達好多! 太可惜喇!



今次“I.Q.成熟時”重播, 可以o係報紙寫到自己鍾意o左好多年o既一套戲, 個感覺真係幾奇妙!

記得第一次睇呢套戲係1994年, o個時未有internet, 根本無得同人discuss, 最多係搵到幾個同學仔咁o岩都有睇到, 勉強可以講o下…無人同你討論劇情, 實在太孤獨!

到第二次睇係1999年, o個時已經興起上網, 又有討論區/newsgroup…所以都可以搵到一班志同道合o既朋友去discuss o下劇情…雖然我多數只係睇, 好少講, 但都好高興可以找到共鳴!

到2003年, 唔係電視重播, 係自己o係英國開o黎睇, 所以都無咩人可以一齊discuss…但有o左自己個site, 可以post出o黎同人分享o下感受…暢所欲言, 亦都係好痛快!

到o左今次2007年, 居然可以o係報紙有一欄講o下自己o既感受, 個感覺好奇妙…當年又點會諗到, 今日可以有咁o既機會o係呢個媒介向更多人推介呢套我咁欣賞o既戲…真係好感動啊!

睇番“甜甜廿四味”同“I.Q.成熟時”兩套青春劇, 發覺都好多好相似o既情節…基本上其實大部份青春劇都係咁…初頭d年青人就好friend, 跟住是但一個做o左班長或者升o左做經理, 朋友間有距離就開始唔o岩喇…到最後先冰釋前嫌friend番!

仲有, 除o左覺得莊靜而似阿gill外, 唔知有無人覺得o係“I.Q.”做事頭婆o個個演員, 好似九十年代亞視另一個演員王素歡? 唔知佢兩個有無關係o既呢?

題外話: 頭先o係中環見到廖碧兒, 已經係唔記得係第二定第三次o係中環撞到佢…真係幾靚囉, 仲要係一次俾一次靚, 真人一d都唔肥, 好fit喎, 抵佢迷倒咁多人!