2006年5月1日星期一

5-1(mon) 老馮日記

睇o左兩集“老馮日記” …都又真係幾好睇! 估唔到馮德倫除o左靚仔, 做戲唔錯, 做導演都有一手! 真係好估唔到佢同吳彥祖兩個靚仔 (其實我個人認為佢比吳彥祖更靚仔添…個人喜好啦o下! 吳彥祖係靚仔, 但我不嬲又唔係特別buy佢, 反而stephen o個隻個樣怕羞得o黎暗啞底又幾funny就更掂喇!) 連做導演都做得咁好…呢個世界真係唔公平, 點會有樣之外仲咁有才華?!



呢套o野拍得最正係好寫實, d橋度得好, d位同埋個節奏亦都捉得好好…全部都好真人真事feel, 好多都真係有發生過o係自己或身邊朋友身上, 例如跌o左電話落屎坑, 講秘密俾朋友聽點知轉個頭又俾人爆o左出o黎, 又或者明明係想send sms俾一個朋友, 居然偏偏send錯o左俾你o地談論緊o個個人…相信呢d都有發生過o係大家身上! 所以好有共鳴…笑死我!



尤其係第一集有一part係講佢同何超儀+陳子聰+梁漢文一齊食飯, 明明何超儀係煮得好難食但係又要扮好食, 仲買埋cook book上去送俾人…再加埋陳子聰o個句:“你買咩cook book呀? 買幾個橙上o黎咪算囉!”…嘩! 真係笑爆嘴! 個個都做得好真, 好好! 何超儀d戲真係唔錯喎…抵佢成日有得提名什麼金像獎呀, 金馬獎咁! 同埋我相信佢真係會好似戲裡咁樣鬧人…睇得人不停發出會心微笑! 佢做戲咪好囉…當初做咩成日都想做歌星呀?



“爸爸”陳子聰真係好funny, 睇完 “四大王天”加埋“老馮日記”之後, 我覺得佢真係一個超有潛質o既喜劇演員…佢依家吹到成個波咁o既look真係fit晒佢個character, 反而以前個型仔look仲無咁討好! stephen連續兩集都搵佢做, 真係做得好o岩!



呢套o野又係搵真人演繹番呢d好“真實”o既情節, 同alive套“四大天王”一樣style…好鍾意佢第二集臨尾殺出個譚玉瑛姐姐, 仲要原來話佢係王敏德個幻想對象…好正!



又睇o左少少今個禮拜o既“15/16”…楊思琦小姐真係貫徹始終的白癡, 連森美同小儀個樣都勁鄙視佢…真係好徹底o既低能白癡lay…好頂佢唔蒲!

仲有, 原來下期八點半檔會上o個套“飛短留長父子兵”…好似拍o左好耐咁, 係咪倉底貨?! 係咪呢期見鄭嘉穎紅就拿番出o黎播?!



hoho, 仲有, in case大家miss左, 呢段由讀者科拿提供o既極精彩“黑人哥哥熱唱文文經典之作纏綿遊戲”片段…字正腔圓, 七情上面…真係笑爆咀! 值得向大家推介!