4-14(tues) 美女廚房~食o左先講~

嘩! 個“掌故王”節目依舊難頂…前兩晚仲要搵周汶錡去做嘉賓, 真係務求o係夜晚十點幾嚇死你! 佢係達到幾搞笑o既效果o既, 但弊在佢唔係十幾歲o既o靚妹呢…三十幾歲人講埋d o野好似白痴咁, 仲白痴過阿思琦妹…仲要懶kawaii咁, 差d比起o個位唔知咩“諸事”定”多事”阿kawaii傅千盈更kawaii呢…嚇死人! 不過話雖如此, 呢個"符碌"節目我每次唔覺意larp到都覺得好好笑, it lights up my day囉~~~真係功德無量!

o個位樣貌最標誌o既kawaii小姐, 樣係幾好喇, 但原來又係一開口就出事o個隻…把聲同埋講o野個tone都勁怪, 同埋神情好呆滯, 唔知想點咁…?! 之前睇"同事三分親"見佢客串過幾集覺得都幾靚呀, 但原來要唔好講咁多o野先得…tbb搵佢做主持又係玩佢, 做花瓶咪好囉...! 另外o個位爽爽就真係…哎! 咁如果相比起o黎, 四個之中宋熙年已經係比較好o既一個, 起碼感覺比較 (注意係"比較") 精靈, 另外o個幾個真係唔知想點…!

一諗起佢o地, 我腦海即刻湧現o左“掌故王~講故最在行~~~”o既可怕口號暨d人一齊扭動身驅o既更可怕動作…比起前年“問題娛樂圈”個口號+動作可怕程度有過之而無不及…呀~~~~~救命呀!

其實“掌故王"呢d講香港歷史+典故o既節目個主題本身非常好, 做到咁真係浪費o左個節目囉…!

Oh, “美女廚房”又返o黎喇…呢個係我一向好鍾意睇o既節目, 因為都真係幾好笑o下, 同埋有我好欣賞o既鄭中基, 佢o既sense of humour真係無得頂, 自從十年前睇過佢主持“爆笑急轉彎”之後就好欣賞佢! 另外兩位主持阿文文同埋方力申我都ok o既, 佢o地都ok搞笑o下, 都叫做接到鄭中基d gag!

其實o個集好唔好睇最主要係睇有咩嘉賓同埋評判, 第一集都可以接受, 第二集有小儀同埋stephy就更加好笑...雖然小儀上呢個節目有少量“格格不入”, 但有佢o係度又的確係增添不少氣氛, 成個節目即刻好睇o左好多...!

不過依家每集個半鐘其實太長 (我唔知佢係呢幾集特別版定係以後都係咁?)…一個鐘就o岩o岩好, 觀眾的concentration亦有限…所以一個鐘係最恰到好處! 最好就係cut o左第二集咩"雙打"o個part啦 (d人唔識其實係幾悶o架!), 仲有o個位女士教煮餸o個part其實都可以cut o左佢! 美少女煮餸o個part我個人o黎講都覺得好攞命, 尤其係睇埋o個個聲稱17歲但似37歲多d的rainbow小朋友單新聞, 就更加反感…不過呢part唔會cut o架喇, d少男同叔叔鍾意睇嘛…所以cut雙打o個part都ok, 播多d每集“美女”嘉賓煮餸仲好啦…!

“美女廚房”整體o黎講真係幾好笑o下, 算係近期比較吸引o既節目!

睇o左兩個禮拜新版o既“東張西望”…炒雜燴咁真係唔係好得! 同埋我想講係阿何傲兒個家姐何傲芝同佢真係一d都唔似樣, not even把聲…佢家姐反而有d似另一位港姐周家蔚囉!