2009年6月29日星期一

6-29(mon) 女王辦公室

呢期“畢打自己人”都ok好笑…雖然琴姐同阿狗o個part係over o左少少, 但係其他劇情都ok o既, 尤其係社長+大哥+老總+周政名o個段n角戀 (雖然我都好buy毛毛, 但係講到賞賞咁有吸引力亦都係over o左少少)…仲有好多劇情未交代, 唔係咁快會完呀?

事關我睇報紙見到話“阿姐, 何韻詩, 吳卓羲, 陳山聰等將開拍新處境劇“女王辦公室””喎…新處境劇? “畢打自己人”咁快摺啦? 但係仲有好多條線未講喎, 同埋只係做o左半年多d, 唔係咁快摺呀? 但又無理由開兩套處境劇o架?

Oh, 呢幾集“星星同學會”又係幾好笑…尋日袁靚靚o個集都ok好睇! 下一集嘉賓係岳華、陳鴻烈同鄭佩佩…原來佢o地當年曾經有三角戀?!?!?! 真係唔講唔知!

另一樣又係唔講唔知o既, 係原來邱文華同陳凱欣結o左婚, 直頭唔知佢o地係一對添…



隔牆有耳:女主播造人成功

專做醫療新聞嘅 now女主播陳凱欣舊年 11月同前輩「新聞王子」邱文華結婚後,旋即傳出喜訊,兩人一擊即中造人成功,最新一期《浸會人》披露陳凱欣預產期係今年 9月,佢又獲得浸大傳媒管理社會科學碩士,真係雙喜臨門。邱文華告別幕前一段日子,今年復出,為 now主持時事評論節目《大鳴大放》。

除咗陳凱欣, now另一財經記者亦快將為人母,內部消息稱,由於豬流感疫情緊急,上頭為減低有身孕同事感染風險,所以容許她們彈性上班,盡量安排在家工作,十分體貼,其他同事亦話係德政。