1-6(sat) Happy 2007之…post holiday syndrome

哎…發覺呢度已經n日無update, 自從上個禮拜台灣震斷晒d電纜, 搞到幾日都上唔到網之後, 彷彿震到我連寫日記o既熱情都減退埋…真係錯失太易, 愛得太遲 (其實呢句唔係好“啦間”…不過呢期hit所以忽然想唱番兩嘴o者!)…

經過過得不太好的兩年 (根據對流年運程有所研究o既朋友同我講, 我o地o個年出生o既人士o係05同06運程都麻麻…其實我個人覺得05又ok喎, 06就真係衰o左少少…不過從來呢d o野都係信則有, 不信則無…我見阿林峰, 胡杏兒, 楊兒, 廖碧兒個個都過得好好呀!)…以為2007年終於可以好番d啦…點知2007年頭一起手第一個禮拜, 我o既情緒跌入谷底…做咩都無心機, 連食o野都無心情…甚至平時就算幾忙都想寫o下o既日記, 都無咩心情去寫 (以前唔開心時寫o下blog, 心情反而會好番d o架嘛)…我究竟做咩事呢?!

2007年…可唔可以開得好d呢?!

我諗其實有一半o既原因係我o既post-holiday syndrome (“phs”)作崇…因為聖誕期間只係請o左三日假就放足十日, 所以又學人放o下長假, 但就hea o係度咩都唔做咁真正relax! 可能真係太過relax, 返番工係完全適應唔到囉…直頭好似有心理病咁…好耐都無試過咁down, 仲要係個假期未完就開始down…down得好交關!

到返番工就直頭down到坐立不安, 食o野都無味, 想跳出個窗 (不過大家可以放心, 芒姐從來都只係得把口, 無咁o既guts o既!)…連一貫好鍾意做o既o野都無興趣做…真係好耐都未試過嚴重到呢個level! 對上一次咁情況, 好似係04年10月…又係放o左一個長假, o個時仲要係剛剛睇晒“我本善良”…好失落囉!

我呢d咁懶o既人, phs真係成日圍繞住我 (只係程度上有所不同)…為o左減低過度歡樂所帶來o既過度痛楚, 我都係唔好俾自己放長假…因為我真係承受唔到之後o既痛苦! 再加上我o係長假期朝朝無天光都唔[目訓], 到返番工時晚晚到兩三點都[目訓]唔著…自製o左個jet lag出o黎, 搞到日日唔夠[目訓]個人勁燥…一切都係自作孽!

因為心情直插谷底, 為o左作一個改變, 我決定提早拉番直d頭髮…本來plan o左農曆新年前先去整, 畢竟個鬈髮形象只係維持o左唔夠半年…但我真係頂唔順喇!!! 以我呢d咁懶惰又怕麻煩o既人, 曲髮真係唔o岩我…當初都係想搞到自已成熟d有說服力d o者…但係實在太麻煩…加上呢期燥底, 更加頂佢唔順…今日我要去同鬈髮講bye bye! 2007, 一切從新開始!



既然咁moody, 唯有諗番d高興d o既o野去tum下自己…例如呢個期待以久o既2007 yesasia+tvbi限量版月曆…kawaii呢! 望到都令人振奮o左兩下…尤其係我o地呢d tvb fans! 雖然05,06,07三年之中, 我覺得06年個月曆係最精美o既! 不過今年o個個都幾fancy!



hohoho…另一樣同樣精美o既o野, 就係收到帶銀公主同佢大朋友o既結婚賀卡…好可愛呢! 呵呵呵! 好高興我能夠成為其中一個“被偏心者”!!!

仲有, 其實好耐無download過wallpaper, 不過上個月見到銀姐姐個火樹銀花“merry kissmas”靚靚wallpaper, 都忍唔住download左落o黎分別o係公司同屋企部電腦日日對住…對上一次download wallpaper, 好似已經係4年前佢o既“天又藍” 傑作…我確係好俾面你o架, 銀姐姐!