2007年6月3日星期日

6-3(sun) 芒姐@蘋果 (6月號之一) + 溏心周

電 視 撈 飯 (2007-06-01)
http://appledaily.atnext.com/template/apple/art_main.cfm?iss_id=20070601&sec_id=462&subsec_id=830&art_id=7163360

《 溏 心 》 無 處 不 在

本 周 或 許 不 是 「 常 在 心 周 」 , 但 肯 定 是 「 溏 心 周 」 ! 整 個 星 期 , 幾 乎 每 個 節 目 均 有 《 溏 心 風 暴 》 演 員 的 蹤 影 。 上 周 六 的 《 萬 眾 同 心 公 益 金 》 、 本 周 二 的 《 全 城 熱 爆 溏 心 夜 》 、 甚 至 周 三 的 年 輕 人 音 樂 節 目 《 勁 歌 金 曲 》 亦 不 放 過 。 而 無 綫 乘 勢 推 出 的 電 視 劇 主 題 曲 大 碟 , 更 由 細 契 關 菊 英 領 軍 , 帶 領 一 眾 年 輕 小 生 花 旦 爭 銷 量 , 「 溏 心 效 應 」 實 在 不 容 小 覷 。 今 晚 更 可 說 是 「 溏 心 之 夜 」 , 由 7:30 至 10:30 , 整 個 黃 金 時 段 大 包 圍 , 播 放 大 結 局 再 穿 插 《 溏 心 夜 宴 》 ; 且 看 能 否 乘 這 個 「 溏 心 熱 潮 」 , 打 破 今 年 的 收 視 紀 錄 。

最 後 兩 周 的 結 局 篇 , 終 於 輪 到 鮑 鮑 發 威 , 發 火 大 罵 細 契 「 一 毫 子 都 唔 會 分 畀 你 」 那 一 幕 , 叫 觀 眾 拍 爛 手 掌 , 型 ! 劇 集 初 段 刻 意 營 造 的 滑 稽 浮 誇 , 都 是 為 了 與 今 天 的 火 爆 來 個 大 對 比 , 老 戲 骨 果 然 是 老 戲 骨 , 夏 雨 好 o野! 年 輕 一 輩 中 , 最 突 出 的 反 而 是 客 串 的 林 峰 , 雖 然 以 他 的 戲 份 , 根 本 不 能 歸 類 為 「 客 串 」 。 他 在 得 悉 母 親 逝 世 後 的 內 心 戲 , 及 在 自 己 臨 死 前 仍 不 顧 一 切 、 寧 願 跑 到 電 話 亭 , 致 電 常 在 心 教 她 打 官 司 亦 不 去 醫 院 的 一 幕 , 雖 然 略 嫌 太 過 刻 意 煽 情 兼 脫 離 現 實 , 但 林 峰 的 演 出 實 在 超 水 準 ; 加 上 情 深 的 樣 子 , 除 了 討 好 一 眾 師 奶 , 也 俘 虜 了 不 少 少 女 心 ! 林 峰 一 向 是 無 綫 眾 多 上 位 小 生 之 中 最 好 戲 的 一 個 , 這 次 演 技 再 次 獲 得 一 致 好 評 , 視 帝 之 位 指 日 可 待 。 另 一 位 年 輕 演 員 陳 法 拉 , 近 期 兩 線 劇 集 均 有 她 的 份 兒 , 出 鏡 率 奇 高 , 見 報 率 更 高 , 可 惜 大 多 是 負 面 新 聞 , 難 怪 在 《 溏 》 劇 飾 演 乖 乖 女 無 甚 說 服 力 , 不 過 在 《 師 奶 兵 團 》 飾 演 風 情 萬 種 的 狐 狸 精 卻 入 型 入 格 , 相 信 她 要 成 功 「 洗 底 」 有 一 定 難 度 。



《 洗 冤 錄 》 不 甘 示 弱

黃 金 時 段 唐 家 爭 產 爭 得 精 采 , 深 宵 的 重 播 時 段 也 不 甘 示 弱 。 深 夜 12 點 檔 , 無 綫 又 再 推 出 由 收 視 福 將 歐 陽 震 華 孭 飛 的 劇 集 。 繼 早 前 叫 好 叫 座 的 《 陀 槍 師 姐 》 , 今 次 是 一 連 兩 輯 的 《 洗 寃 錄 》 。 查 案 戲 一 向 有 捧 場 客 , 雖 然 女 主 角 如 車 輪 轉 般 , 第 一 輯 有 無 一 姐 宣 萱 及 已 棄 影 從 商 的 前 當 家 花 旦 陳 妙 瑛 ; 第 二 輯 卻 換 上 了 無 綫 新 視 后 佘 詩 曼 , 及 剛 宣 佈 與 魏 駿 傑 結 束 九 年 情 的 滕 麗 名 ; 不 過 無 論 如 何 , 只 要 有 觀 眾 緣 極 佳 的 歐 陽 震 華 坐 鎮 , 實 在 不 愁 沒 有 捧 場 客 。

撰 文 : 芒 姐


**************************************************************

嘩! 呢幾個禮拜“溏心”真係搞得好勁…好耐無試過一套劇咁有氣勢! 上星期五"溏心夜宴", 條街真係顯著地少o左人, 連食飯搵位都容易o左…趕返屋企追大結局呢d行為, 以為只係八十年代會發生o既事情…點知呢個集體回憶又返埋o黎! 連港聞版都講話d的士司機話呢排一到九點半左右就多o左客趕番屋企, 而d無裝電視o既食肆, 一到九點半就少o左好多客人!

所以上個禮拜篇“電視撈飯”如果唔寫“溏心”, 又好似有d out out地咁…唔食住個勢, 好失策o架嘛! 其實本來我已經寫好o左另一篇, 但係後尾睇完第36集“沒有程亮的日子”之後又再有感而發, 於是o係禮拜二交稿前漏夜兩點打起呢一篇…但換o黎o既代價就係我禮拜三個頭痛到爆, 整日個頭“faat”下“faat”下咁…又有o野做費事請sick leave, 好痛苦!

不過禮拜五出o左之後, 居然罕有地有幾個朋友特登send email o黎話覺得呢篇幾得…從來無試過o係朋友間有咁大回響, 最多都係講開又講話都寫得幾好…但係呢篇居然有好幾個朋友不約而同特登send email o黎讚我…好鬼開心! 最開心都唔係因為有人讚, 而係因為我自己都幾滿意呢篇稿, 真係可以講出我心裡所想, 同埋佢o地話終於有番芒姐o係呢度o個種style! 當你自己滿意一樣o野, 又有人同時欣賞…係o個種有共鳴o既感覺最令我開心囉…所以o個晚漏夜趕起篇稿搞到第日頭痛都算值得o既! 真係要quote番吳唱k一句: 原諒我…付了代價!

**************************************************************

o個日睇報紙, 見到連呢d資料都有…真係好瘋癲! 大家都真係中o左“溏心毒”, 張張報紙都要幫佢煲, 咁又無法, 商業社會, 有market o既o野梗係要煲到盡:

“緣 份 小 八 卦 : 大 鮑 阿 琴 30 年 唱 情

大 鮑 夏 雨 除 了 32 年 前 已 跟 大 契 李 司 棋 結 戲 緣 合 演 情 侶 外 , 更 曾 與 阿 琴 ( 關 菊 英 ) 合 唱 情 歌 。 1976 年 大 鮑 與 呂 有 慧 主 演 的 《 民 間 傳 奇 》 之 《 西 廂 詞 》 , 主 題 曲 《 西 廂 一 夢 》 及 插 曲 《 定 情 夜 》 便 是 由 夏 雨 和 關 菊 英 合 唱 。 近 日 關 菊 英 為 《 溏 》 劇 主 唱 的 主 題 曲 《 講 不 出 聲 》 大 受 歡 迎 , 但 要 數 其 經 典 之 作 , 當 然 是 《 狂 潮 》 、 《 過 客 》 、 與 伍 衛 國 合 唱 的 《 田 園 春 夢 》 , 以 及 與 關 正 傑 合 唱 的 《 倆 忘 煙 水 裡 》 。 76 年 的 劇 集 《 書 劍 恩 仇 錄 》 中 , 關 菊 英 更 為 狄 波 拉 幕 後 代 唱 《 事 事 未 滿 足 》 一 曲 , 當 中 並 大 玩 rap 唱 法 。”




無綫經典台仲乘勢推出“我們的…李司棋”…都真係好識捉住個商機…

“大 契 李 司 棋 人 氣 急 升 , 無 綫 收 費 經 典 台 趁 勢 重 播 她 的 經 典 劇 集 , 昨 日 並 於 將 軍 澳 廣 播 城 舉 行 「 我 們 的 … … 李 司 棋 」 記 者 會 , 找 來 四 位 姐 仔 以 司 棋 姐 的 經 典 造 型 亮 相 , 唐 詩 詠 扮 《 啼 笑 因 緣 》 民 初 造 型 、 徐 淑 敏 扮 《 山 水 有 相 逢 》 的 明 星 、 沈 卓 盈 扮 《 無 雙 譜 》 內 的 古 裝 及 胡 定 欣 扮 《 再 見 十 九 歲 》 的 修 女 , 司 棋 姐 就 以 一 襲 旗 袍 出 席 。”

**************************************************************

講番上個禮拜個“溏心周”…都真係好誇囉! 幾乎day day都有, 咩節目都有佢o地d人…仲要係無論主角配角大牌細牌都出盡…除o左阿“al-佛蒙”所有節目都避席! 不過算啦, 反正呢套劇佢又完全唔討好, 加上全無發揮, 真係o黎唔o黎都罷! 哈哈…但係even o個d咩草餅 (林莉), 出o左一集咁大把o既cherry (葉翠翠), 好明顯俾人cut 晒d戲份, 又係得一/兩集戲o既angel (唐詩詠…btw, 佢同柯佬黎都真係幾襯…in terms of佢o地說話的懶音+一舊舊程度, tvb真係應該開套教人講懶音節目俾佢o地做主持), 連“上等親家”梁舜燕一家 (哈哈…其實佢o地都係o翕得出名o既藝員o黎o架…好似祝文君, 陳安瑩, 鄭家生咁…你唔係唔識呀? Hohoho!) 都有出席"溏心夜宴"同”勁雞金曲之溏心夜”…真係好人才濟濟囉!

不過人才濟濟得o黎, 又真係有d一片混亂o既感覺…楊怡, 陳法拉呢d算係主要角色o既, 都要化身“謎女郎”, 一句說話都無得講, 整日行行企企咁, 柯佬黎更加不在話下啦…mk wong又係幾個節目都無出, 不過佢作為主角, 真係sorry, 無論戲裡戲外都俾林峰搶晒! 臨尾安排o個段無間道俾佢, 雖然係人都估到個劇情 (個人認為簡直娘到爆, 唔該cut o左佢!), 但佢都係無咩發揮, 失策o左! 柯佬黎又係特登安排段親情戲俾佢發揮, 點知…佢又係破壞晒! 真係要進修o下演技先得喇!



點都好, 無綫識得捉住個時機搞咁多o野都係勁o既, 仲話會破天荒即係推出dvd添…咁又係,反正都俾人放晒上youtube, 不如自己搵番筆好過啦! 愉景新城今次就威啦, 爭到搞"溏心夜宴"! d演員又o黎個大晒冷…o個日人流應該會好勁!

唯一失望o既就係”溏心夜宴"當晚細契, Alfred, 常在心都無唱live囉…搞咩呀? 依家無綫唔係鼓吹唱live o既咩? 好彩禮拜三“勁歌”o個晚都有唱live…嘩! 阿細契唱歌真係得到呢! 好少可會覺得live version仲好過錄音版本 (記得我第一次聽首主題曲時, 仲以為係鍾嘉欣唱添...唔係差o既, 但又無關菊英一貫唱得咁好!)…但係勁歌o個晚佢真係唱得超好, 好有感情, 比平時仲好…再加埋佢d一舉手一投足, 台風又好有型, 前輩果然係前輩…係勁d! 我都忍唔住睇o左五次!

miss o左o既朋友一定要聽o下喇…仲要係一jar人o係佢後面和唱, 人人都識唱呢隻歌…k有得唱未o架?


(關菊英“講不出聲”@jsg live version…正!)

無綫仲特登安排呢隻歌o係呢個禮拜做金榜冠軍, 食住個勢…都o岩o既! 同埋隻歌真係幾好聽, 有舊曲風但又唔係太娘, 仲好配合套戲! 細契又果然係靚聲后, 不過佢除o左唱得好, 演得好, 個外形亦都keep得好好…真係07年tvb o既最大驚喜! 佢好似拍過唔係好多戲, 演技可以去到呢個level真係超水準o架喇…所以係扺佢紅o既! 佢上勁歌個look好鬼young囉, 著得好睇過鍾嘉欣條短褲仔好多添…!

大契都surprisingly唱得好喎…見到d c-lai真係睇得好開心! 同埋佢無論o係咩場合都好似上o左身咁, 個眼神好凌厲呀! 佢應該唔好叫凌巧, 叫凌厲嘛! 哎! 勁歌又係崔建邦主持, "溏心夜宴"又係佢同胡仔…真係未免太多amigo囉…直頭係“崔建邦年”!

年青一代淨係得林峰同鍾嘉欣有得唱歌…其實佢o地首"心領"都幾好聽, 個節奏幾輕快, 佢o地都唱得唔錯! 勁歌o個晚唱live一開始係唱得差d, 仲細聲過d音樂, 但係到chorus之後兩個都唱得幾好, 連two parts都唱到…好impressed! 林峰就不嬲唱歌都好有水準, 估唔到鍾嘉欣唱歌都唔錯喎…


(林峰+鍾嘉欣"心領"@jsg)

雖然我覺得鍾嘉欣d演技真係有待改進, 尤其係佢d瞪大眼鬧人肉緊戲…嚇死我! 不過喊戲都做得ok o既, 同埋作為新人都算係咁o架喇…睇得出佢由三年前"皆大歡喜”到依家真係有好大進步! btw, 佢o係”皆大”係拍邊個o既呢? 我真係唔多記得!

不過佢又真係要練o下d臨場反應…我發覺佢照住白講都ok o既, 但一叫佢現場自己講o野, 就口窒窒, 完全唔知佢想講咩…

oh…講番個結局, 簡直係全城鬧爆…不過又反而係全晚最高收視o個part…咁又係o既, 你唔睇, 又點知會係閙爆呀?

即係唔話得得地唔好呀 (雖然佢o既低能或者應該叫純真…真係唔係個個頂得順!), 佢係一個好人, 但係佢同常在心之間根本就無愛情存在! 常在心只係鍾意程亮, 對得得地頂多係感激…咁都算喇…你要大團圓, ok! 但唔好一下子求婚, 跟住仲要求其答應…然後話程亮o既眼淚化為七色雨…真係唔該晒! 仲有佢d甲乙丙丁方…好鬼煩…填mc咩?!

其實常在心個角色supposedly係最討好o個個…咁又係有d人好鍾意o既, 但至少有一半人都鬧爆! 佢個人煩都算喇, 旭d就大哭大叫, 咁都唔夠, 佢o個種太過要追尋真相, 查根究底o既性格, 除o左令人討厭之外, 仲害o左自己! 有時好多o野, 你唔知道真相, 反而仲開心!“沒有程亮的日子”第一集 (即37集), 佢全晚就o係度話自己幾咁堅強呀, 跟住就走去查根究底查o左半年…過o左半年撞番個的士司機仲要好似審犯咁審人…最終知道真相咪自己難受! 佢逼程亮講邊個係第三者o個part又係煩到想死…企圖hack入人o地個email account已經係缺德o架喇…男女朋友都係咁話, 仲要人o地一close個email佢又發o左癲咁…哈哈…我o地o個期成日話咁都可以拖到幾集真係好鬼煩, 其實常在心o個時都唔知個第三者係佢識o既, 你係要死追問, 咁程亮咪求其話係mary, lucy咪算囉…煩爆!



仲有, 細契忽然覺悟, 又真係唔該晒囉, 係要覺悟都唔係依家啦…又無舖排過話有咩特別事發生過, 不過可能係cut o左好多戲o既…之前報紙雜誌講o個d劇情好多都無晒! 不過細契之後衝出法庭成jar人追住o個幕…感覺都幾勁, 幾grand!

同埋每次d法庭戲都勁雞, 一d都唔精彩, 講來講去"三福屁", 最尾兩集爭產官司直頭repeat又repeat! 阿gil扮同細契結儻o個條“無間道”橋, 真係人人都估到…仲要用“唔係香港”個point o黎打冧細契o個邊d證人o既credibility…好無聊啊! 細契o個邊無理由咁蠢…其實佢o地根本就唔需要拉攏阿gil反而贏面仲大啦, 明知阿gil又點會幫佢呀? 真係搵戲o黎做…!

不過報紙話o個d法庭程序上o既錯處, 又真係無o野搵o野o黎講…唔通拍戲每一個步驟都做晒出o黎咩? 咁100集都做唔完…睇戲係睇劇情同埋整個觀感, 唔係捉呢d咁o既錯處呀嘛?!

“記 者 昨 日 就 此 事 查 詢 鍾 浩 怡 律 師 , 他 直 指 整 個 過 程 離 譜 及 兒 戲 , 並 說 : 「 其 實 成 場 戲 miss o左 好 多 o野, 原 告 人 係 可 以 突 然 撤 銷 案 件 , 但 唔 會 突 然 彈 起 身 而 個 法 官 又 唔 阻 止 佢 , 仲 畀 佢 繼 續 講 落 去 , 點 都 會 叫 佢 坐 番 低 。 一 般 情 況 如 果 原 訴 人 撤 銷 訴 訟 , 按 程 序 會 立 即 暫 緩 案 件 , 押 後 審 訊 , 然 後 等 雙 方 和 解 , 唔 會 話 唔 告 就 唔 告 , 跟 住 走 o左 去 。 」”

整體o黎講成套戲都好鬼煩, 尤其d爭橙劇情 (雖然矛盾地, 呢d亦係全劇精粹), 沒有常在心/程亮的日子, 甲乙丙方等等等等…全部都好煩! 但愈煩o既戲又愈要睇, 愈爛o既故事又愈要鬧…睇戲就係咁o架啦, 日日同人discuss先可以爭進感情o架嘛! 所以佢收視咁勁係應該o既! 有d掛住“ big deed”, “small deed”, “big abalone”, “small abalone”, “abalone storm”添…oh! 癲o左! 不如整套英文版等柯佬黎同al-佛蒙可以一顯身手, 變成一套笑片都好呀…