2010年9月4日星期六

9-4(sat) “歌星仔”

嘩…過去呢兩個禮拜實在發生太多事情…我相信全香港人都無咩心情去做任何o野, 淨係一味留意住電視新聞報導馬尼拉人質事件的消息! 不過我無打算再o係呢度講喇, 過去兩星期大家已經討論咗好多, 係時候要盡量放低呢件事, 努力向前走…畢竟life must go on!

之前本來應該講吓“香港先生”, 不過已經過咗兩個禮拜, 幾乎都唔記得咗喇…我淨係想講, 伍姑娘今年終於出現番, 不過佢都係做嘉賓好過做司儀…佢做司儀反而無咩得發揮, 無咁好笑! 仲有阿呂慧儀件衫真係想點? 一d美感都無, 個胸仲顯得有d “dur”添…over咗!

呢期好忙, 只係larp到半集 “公主嫁到”…又真係幾好睇, 幾好笑吓…尤其o係呢排全香港o既人都咁唔開心o既時候, 係好適合睇呢d戲…仲要個cast係好吸引…“宮心計”(連d衫都一樣咁滯)+“家好月圓”cast! 雖然我覺得成個感覺似賀年劇多過台慶劇, 不過無所謂啦…好睇就得啦! 等我有時間睇多d先再comment吓! 跟住同時段亞視o既“法網群英”又咁好睇…真係好忙碌!

仲有, 又係我好鍾意o既“聾貓”…依舊好笑…



仲有仲有…新期o個段“歌星仔”新聞…都幾好笑吓! 尤其係佢近期o係忽週封面o個句: “咁我宣布佢係大歌星囉!”仲好笑…呢排d娛聞都真係好頂癮!