2006年8月11日星期五

8-11(fri) 軟硬情意結

前幾日有朋友forward左一jar link俾我, 係有人好有心機咁o係youtube度搵晒軟硬演唱會每場d精彩片段出o黎…我自己就一d相都無影喇, 純粹個人practice, 因為我認為掛住影就唔能夠專心咁睇…所以我去演唱會o既慣例係一定唔會影相! 呢d links我都未有時間睇晒, 等我o係呢度公諸同好o左先啦…好啦, 一齊重溫軟硬天師long time no see演唱會…軟硬軟硬軟軟軟軟軟…


(對你愛愛愛…不完)


(劉華無得頂)

郭富城
http://www.youtube.com/watch?v=HlZcHrA89z4
http://www.youtube.com/watch?v=IpTdK8f-wmg

劉華
http://www.youtube.com/watch?v=AyalKKV_F0M&NR

學友
http://www.youtube.com/watch?v=z9uTmczN_-U

黎明
http://www.youtube.com/watch?v=Y1bmTem0e4Q&NR

克勤
http://www.youtube.com/watch?v=OwnLrU7efKg
http://www.youtube.com/watch?v=sntEt20sog4

草蜢
http://www.youtube.com/watch?v=kIssjiyuMDw
http://www.youtube.com/watch?v=xPCdKV0sa88
http://www.youtube.com/watch?v=9GNFgNcVFhI

古巨基
http://www.youtube.com/watch?v=ZXgmhc6Nhj8

千嬅
http://www.youtube.com/watch?v=X7Jrm3w2-6E
http://www.youtube.com/watch?v=3wsFmnK-XSg

Eason
http://www.youtube.com/watch?v=DGkSnBE6_xE

軟硬
http://www.youtube.com/watch?v=5J7SxpSd7bI
http://www.youtube.com/watch?v=j_yeuMVou_s
http://www.youtube.com/watch?v=7lxUozUxheA


(仲有我最喜歡o既舊歌環節啊…gala gala happy!!!)

上年o係網上搵到一段好長o既軟硬老人院錄音, 一路都未聽, 呢幾日終於拿o黎聽番…居然咁o岩又係克勤做嘉賓講足球! 仲有讀信環節+阿jan同阿葛不停地叫人換背景音樂, 跟住有個姐姐仔把聲就讀d樂手名出o黎…同埋呢隻都真係有mimi吉寄信去…佢的確係中堅份子! 雖然o個晚節目其實唔係特別好笑…但係聽番讀信環節加埋佢o地o既語氣, 1872333…又確係令人回味! 仲要o個個年代真係成日講“只要有創意, 我愛蔡一智”!

其實當年點解會開始睇軟硬, 完全係因為我一個表姐, 一個o係我o地個大家族?面比較潮o既表姐! 細個好潮o既佢, 依家就做o左好潮o既designer, 而悶旦o既我, 就入o左個咁yim悶o既行業, 真係三歲定八十…

我細個好多玩意都係呢個潮表姐介紹我玩, 好似當年o既barbie公仔, game boy等…而軟硬, 都係佢介紹我聽o既! 我一向不係太電台…記得當年禮拜六去公公婆婆屋企玩完, 潮表姐成日要趕返屋企聽老人院, 仲同我講“好好笑o架, 你有無聽?” 佢大我四年, 正正係最fit in做“軟硬迷”o既一群, 因為九十年代初期, 佢正值中三, 四…我成日都話生不逢時, 如果我再早幾年出世, 咪唔會miss o左八十年代咁多精彩o既o野囉! 不過好彩我都食到個尾水!

因為佢o既好介紹, 每個禮拜六晚聽軟硬漸漸亦變o左我o既習慣…可惜已經比人遲o左幾年…可惜晒! 有時趕唔切返屋企, 直頭會帶埋walkman出街聽, 或者o係daddy車上面逼阿爸阿媽一齊聽…! 我記得某個年代好似有埋蘭茜夫人添? 唔知我有無記錯呢?!

仲有個報料環節, 叫d聽眾打o黎報料講佢o地撞到d咩明星, 再用d好抵死o既代號去開個檔案…有一集我係錄o左o架, 餅帶仲o係度, 不過唔知擺o左o係邊o者…應該係大約92年, 有人話見到郭富城同姚正菁o係街…佢o地開個檔案名叫“騎著電單車的黑皮褸”, 又不停講“我為何讓你嘔”同埋“誰在吻你的口”…笑死我!



我就係表姐介紹我聽軟硬, 相信好多十幾廿歲o既小朋友, 都係因為阿哥家姐而認識軟硬! 上期大家探討開點解d年青人都會咁迷軟硬, 明明唔係佢地個年代o架嘛, 但好似仲瘋狂過我o地…於是我真係走去問o左我個秘書妹妹! 佢o個晚睇完軟硬, 第二日一返工第一件事就走入我房話: “好好睇呀!” 於是我就問佢: “其實我想知好耐但係都得唔到答案…你o地呢個年紀其實應該無咩聽過軟硬o架, 點解都會咁熱愛佢o地呢?” 佢就忽然認真起上o黎, 仲企到好直好似答先生問題咁答我: “因為我鍾意林海峰囉…其實我好細個時都有聽過軟硬d節目o架, o個時o係表哥屋企佢有開住收音機, 我聽d鬼古真係覺得好驚o架!”

因此我相信, 其實各位年青人一開始都係由阿哥家姐表哥表姐介紹而聽軟硬, 再細d o個d就係因為未聽過, 但又成日聽日講, 並將佢o地“神化”…愈捉摸唔到, 愈神秘, 咪愈有興趣囉…我諗係咁o乍…歡迎指正!



其實軟硬真係要兩個人一齊先可以起到個化學作用…我記得到o左93年, 每日放學返到屋企, 都會一邊開住收音機聽阿jan o既“海峰花園”一邊做功課或者[目訓]晏覺…但係得佢單拖, 其實真係已經無咁有趣…不過都好過無啦!

上個禮拜睇太陽報專欄…咁o岩睇到同我o地同年紀o既王貽興寫o左兩篇關於軟硬呢個演唱會o既觀後感…只可以講句: “can’t agree with you more!”…原來真係唔止我同埋身邊某些朋友覺得呢個演唱會幾令人失望 (注意: 唔係話唔好睇, 只係失望o者!) …尤其對於他倆己失去o既默契感到極度惋惜…果然係同一個generation o既人諗法都差唔多!


軟硬情懷

04/08/2006
文: 王貽興

年輕時喜歡軟硬喜歡得義無反顧,近兩年人大了,喜歡的方式慢慢變得沉,熱情而不瘋狂,也不知是好是壞。他們的唱片我會第一時間買,演唱會我會去聽,但只會買二百元票,不會盲目亂買甚麼特別版Box Set唱片,一洗甩色的Tee我也敬謝不敏。
去看Long Time No See演唱會,我的心情跟看周慧敏演唱會一樣,不理內容,只求一圓年少夢想,都是情懷行先,質素到時再算。畢竟也是喜歡了十年以上的組合,到了一定年紀,這是很不容易的成就了,當然應該珍惜。演唱會興奮拍手尖叫位當然有,而且不止一次,然而令我驚訝的是,它們竟然都不是出現在他倆棟篤笑部分,而是唱歌環節。到場前我其實有點抗拒他倆唱歌,因為我喜歡他們的層出不窮的瘋狂點子和奇怪爆笑的演出,而他們的歌,我留在家?聽CD就可以了。誰知令我興奮怪叫,甚至琅琅上口拍手唱和的,竟是他們唱出《廣播道Fans殺人事件》和《Gala Gala Happy》的時候,演唱會過後最懷念的也是這部分,他們的笑話我一個也記不起來,實在出乎意料。然而好笑或不好笑又有甚麼所謂呢?情懷這回事,根本就是盲目的。
演唱會最感人的部分,應該是兩人叫觀眾拿起手機當作螢光棒打拍子唱《For You》的時候了。當場內燈光全熄,觀眾舉起手機,在紅館?竟看到令人驚嘆迷醉的遼闊夜幕,熒熒星光散落四周,彷彿真的置身荒郊,或者太空館環迴三百六十度天象廳,閃動的星光,整齊的拍子,真會讓人油然感動,一方面慶幸自己擁有一個喜歡了十多年的獨特偶像,另一方面也會一路回想起這十多年來跟這偶像相關的生活點滴,那些寂寞晚上縮在被窩聽收音機偷笑酣睡的日子,那些期待失落興奮感動,隨?虛幻閃爍的燈光,都一一被勾起了。





好久不和

05/08/2006
文: 王貽興

兒時聽軟硬真的會以為他倆是好好朋友,然而長大後到過電台工作,看過那些黃金拍檔咪前咪後的分別,才驚覺其實一切都不過是角色扮演遊戲。夫妻相對多年尚且相對無言,何況是被迫互相依存的組合?

大概是事前準備真的不足,Long Time No See演唱會?軟硬兩人的合作稍欠默契,棟篤笑部分有點溫溫吞吞,笑位尷尬,不算好笑,又不是不好笑,但笑的原因只是因為說的人是他倆,換?別人,早已省回那兩聲笑聲。不知怎的,我開始真的相信兩人其實已經不能做回朋友了,不僅因為江湖傳聞,而是在對白交接與一兩秒的沉默間,在動作與眼神的空隙,兩人早已沒有當年的默契與火花。聽他倆乘勢推出的最新大碟《Long Time No See》,?面大部分歌曲都似乎若有所指,究竟是否真如《係咩唔係喎》?面寫「同你實在冇咁好/喂仲扮孖寶/我話極之土」,一個嫌對方成日面?、食水深兼食位,一個嫌對方貪錢世界仔?歌詞實在語帶雙關,無法不叫人不作聯想。《軟硬》一曲寫「一軟一硬交叉走位/一個要願打一個要願死」;全碟最後一曲《好兄弟》卻突然單純,「前事不提/誰沒有一起搶過玩具爭?仔,力撐到底,上刀山落油鑊都不計……」更?人撲朔迷離了。

看得愈清走得愈近就愈難全心投入去喜歡,難怪最聰明的人都只願站在距離外觀照戀慕,只拍拖不結婚。最眩目最閃亮最令人迷戀的軟硬並不在今日或將來的演唱會,而在逐一被擺上網的舊日《老人苑》電台節目或者整蠱電話之中,那是最有默契最有火花的他倆,載浮載沉在茫茫網絡大海漂浮,被一代又一代的年輕人所傳頌,成為獨立不朽的傳說牧歌。