2008年7月31日星期四

7-31(thurs) 變色龍大結局

真係好…多得讀者Al佛提供, 終於o係youtube睇到“變色龍”大結局最後一節…雖然唔係全集, 但已經好感動…追o左八十集但miss o左個結局喎, 真係唔知想點?! 希望遲d有朋友post埋成集上去啦…咩戲都搵到, 係麗的d戲難搵d, 土豆又無, youtube都無…太可惜! 麗的d劇集其實好好睇o架嘛!!!

呢一段大結局精華片段短短o地都有好多70年代的香港街景睇...好開心! 又係尖東…原來當年最興o係o個頭拍劇! 不過我真係估唔到呢套劇o既結局會學大契搞咁多“金句”囉…劉志榮o個句“若要生活好, 轉行做差佬!”, 同埋更出人意表o既係最尾潘志文o個句“我唔怕d契弟, 因為我最契弟!”…我真係估佢唔到囉, 當年電視尺度咁寛鬆o既咩? 尤其當我聽到佢o地平時其他對白都ok“文皺皺”…點解個結局會咁“突破”o既?

“變色龍”第八十集大結局精華片段…



仲有另一段“變色龍”片段…應該係魏秋華fans放上去…咁我認同佢當年真係好靚女…雖然我係buy無咁靚但更有格o既馬敏兒多d…



無記呢期o個兩套新劇, 暫時錄o左都未得閒睇番! 尋晚睇o左少少“溏心2”…嘩, 真係娘到唔恨…有番我上年頭o個兩個禮拜睇“溏心”o既感覺, 仲要係有過之而無不及添! 不過後來去到中段又忽然幾有戲味 (雖然你問我劇情老唔老套…咁肯定係十級老套啦…但又幾好睇喎! 至少吸引到我追!)…希望呢套劇到中段都會好少少啦! 但唔該真係唔好三句唔埋兩句就“家好月圓慶中秋”…我知你套劇名o架喇, 亦都知你想sell月餅同中秋…但真係唔好太repetitve, 好煩人o架嘛!

另外o個套“當狗愛上貓”…羅嘉良我其實幾想睇…但佢始終都係做長劇最擅長同埋最無可取替, 呢d小品佢都得, 但唔係最拿手囉! 但最大問題…坦白講, 係搵佢拍胡杏兒囉! 係, 現實生活中係有好多忘年戀, 但佢o地個感覺真係好忘年, 同埋可能真係“流金歲月”太成功…佢o地個兄妹形象太入屋…依家見佢兩個談情好有“亂倫”o既感覺…真係sorry晒! 反而幾期待另一pair呂方同曾華倩…oh, 高佬泉+巧兒…oh, “新紥師兄”!!!