2009年1月19日星期一

1-19(mon) 我的2008

“我的2008”…一個好值得推介o既節目! 雖然宣傳唔多, 搞到我差miss o左好幾集…不過10點幾呢d時段, 總有一日半日會唔覺意睇到, 跟住就會睇埋落去! 無綫耐唔耐就會拍o下呢d勵志節目…都好呀, 值得鼓勵!

96年八仙嶺大火o既生還學生o個集幾好, 仲有阿sa講番2008年淫照事件後得番佢一個人獨撐twins o既感受o個集都幾好睇, 反而07年回歸時整o個個“拾年”特輯無啦啦有一集係訪問twins就真係九唔搭八囉…但08年的十大新聞回顧, 又點會無淫照事件, 咁搵阿sa出o黎講亦都算係最恰當o架喇…無理由搵事件o既主角o架嘛?!

而我覺得最好睇o個兩集, 分別係欣宜同埋“一公升眼淚”真人版o個個少女o個兩集…

欣宜呢, 就自從肥姐事件我已經好欣賞佢, 好堅強, 好大方得體, 尤其你見佢舊年處理鄧光榮o係肥姐追思會上向秋官發火o個件事o既恰到好處+不慍不火手法, 都真係衷心覺得呢個20歲女仔值得敬佩! 當大家對佢人生攻擊前, 唔該反醒o下自己做唔做到人o地一半先!

不過咁, 雖然我對佢o既態度十分讚賞, 但唔會因此而覺得佢做咩都好…佢o係“畢打自己人”o既演出依然係有d作狀 (雖然已經比一開始o個幾集好d)…繼續努力啦,! 終有一日大家會認同你, 要所有曾經噓過你o既人都為你拍掌, 咁先係最值得滿足嘛!

我的2008: 《欣宜有失,因而有得》 鄭欣宜…呢集好感動…



至於“一公升眼淚”真人版o既小妹妹陳施惠…佢o個集又係好好睇! 佢真係好開朗, 好堅強, 好值得大家學習…見到佢o既遭遇同埋佢對人生o既態度, 我都要重新反思o下自己o既生活態度先得…我自以為好樂觀開朗…見到佢咁, 都自慚形穢! 正當大家每日無病呻吟, 佢得到呢個病, 仲可以日日笑住咁面對…原來笑真係可以感染人, 見到佢笑得咁燦爛, 真係發覺笑一笑世界更美妙, 人都靚d…我o地以後都要笑多d!

同埋佢化左真係好靚女喎…唔係個個化完妝都可以咁靚...直頭驚為天人! 佢見到偶像洪卓立o個段都好好笑…我覺得呢個小妹妹幾可愛!

我的2008:《繼續微笑》 陳施惠…



另, 今日睇到新聞…


劉 錫 明 多 年 前 接 受 車 淑 梅 電 台 節 目 電 話 訪 問 時 , 因 表 示 欣 賞 周 慧 敏 ( Vivian ) , 結 果 被 倪 震 起 花 名 「 毒 瘤 明 」 抹 黑 唱 衰 3 年 。

日 前 劉 錫 明 再 次 接 受 車 淑 梅 訪 問 時 , 提 到 被 倪 震 起 花 名 一 事 , 他 說 : 「 當 年 o係 街 有 人 咁 叫 我 都 好 hurt , 我 o個 時 好 唔 開 心 想 休 息 o下, 之 後 就 去 o左 台 灣 發 展 。 」

車 淑 梅 則 在 訪 問 中 自 爆 當 年 倪 震 曾 致 電 要 求 她 不 要 播 出 劉 錫 明 的 訪 問 , 事 後 其 上 司 認 為 有 人 不 應 干 涉 新 聞 自 由 , 故 將 訪 問 播 了 兩 次 , 劉 錫 明 表 示 完 全 不 知 此 事 。


真係想講句…阿車姑姑你仲好意思再訪問人o既? 你都真係間接有份累到劉錫明今日咁o架喎…?!